agriculture news in marathi, poultry food shortage due to strike, Maharashtra | Agrowon

वाहतूकदारांच्या संपामुळे कोंबड्यांची उपासमार
टीम अॅग्रोवन
शुक्रवार, 27 जुलै 2018

पुणे : वाहतूकदारांच्या देशव्यापी संपाचा पोल्ट्री खाद्य वाहतुकीला मोठा फटका बसला आहे. खासकरून, खाद्यासाठी लागणाऱ्या सोया ढेपेच्या गाड्या फीडमीलपर्यंत पोचू न शकल्यामुळे खाद्यटंचाई निर्माण झाली आहे. 

अनेक पोल्ट्री फार्ममध्ये कोंबड्यांची उपासमार सुरू असल्याचे शेतकऱ्यांनी कळवले आहे. गेल्या सात दिवसांपासून वाहतूकदारांचा संप सुरू आहे. सुरवातीचे चार दिवस संपाचा फटका बसला नाही. मात्र, त्यानंतर सोया ढेपेच्या गाड्या येणे बंद झाल्यामुळे खाद्यनिमिर्ती कारखान्यांची चाके थंडावली आहेत. 

पुणे : वाहतूकदारांच्या देशव्यापी संपाचा पोल्ट्री खाद्य वाहतुकीला मोठा फटका बसला आहे. खासकरून, खाद्यासाठी लागणाऱ्या सोया ढेपेच्या गाड्या फीडमीलपर्यंत पोचू न शकल्यामुळे खाद्यटंचाई निर्माण झाली आहे. 

अनेक पोल्ट्री फार्ममध्ये कोंबड्यांची उपासमार सुरू असल्याचे शेतकऱ्यांनी कळवले आहे. गेल्या सात दिवसांपासून वाहतूकदारांचा संप सुरू आहे. सुरवातीचे चार दिवस संपाचा फटका बसला नाही. मात्र, त्यानंतर सोया ढेपेच्या गाड्या येणे बंद झाल्यामुळे खाद्यनिमिर्ती कारखान्यांची चाके थंडावली आहेत. 

या संदर्भात, पुणे येथील ओम चिक्स इंडिया कंपनीचे चेअरमन राजेंद्र थोरात म्हणाले, की पोल्ट्री खाद्यात मका आणि सोयामील यांचा 80 टक्के वाटा असतो. त्यातील मका स्थानिक पातळीवर उपलब्ध होवू शकतो, मात्र सोया ढेप ही इंदूर किंवा धुळ्यासारख्या लांबवरच्या प्रोसेसिंग प्लांटवरून येत असते. येथून सोया ढेपेची पोच मिळण्यास दोन दिवस, त्यानंतर खाद्य तयार होण्याच्या प्रक्रियेत दोन दिवस आणि ते खाद्य पोल्ट्री फार्ममध्ये पोचवण्यासाठी एक दिवस, पाच-सहा दिवसांची प्रक्रिया असते. सध्या हे चक्र ढप्प झाले असून, संप मिटल्यानंतही पुढील पाच दिवसांत खाद्याची मोठी चणचण भासणार आहे.

पुणे, नाशिक, औरंगाबाद आणि सांगली हे महाराष्ट्रातील पोल्ट्रीचे प्रमुख विभाग आहेत. त्यापैकी पुणे आणि सांगली विभागात बाहेरील जिल्ह्यातून मक्याची आवक होते, तर सोया ढेपेसाठी सर्वस्वी धुळे आणि इंदूर येथील मार्केटवर पोल्ट्री उद्योग अवलंबून आहे.

पोल्ट्री, पशुखाद्य आणि तेलबिया गाळपाशी संबंधित सर्व संघटनांनी तातडीने सरकारशी बोलून संपावर तोडगा काढण्यासाठी पुढाकार घेतला पाहिजे. सध्या ब्रॉयलर पोल्ट्री उद्योग मंदीच्या तडाख्यात सापडला असून, त्यात खाद्यटंचाई निर्माण झाली आणखी अडचणी वाढतील, असे नाशिकस्थित पोल्ट्री उद्योजक डॉ. अनिल फडके यांनी म्हटले आहे.

धुळे येथील महाराष्ट्र ऑइल एक्स्ट्रॅक्शन प्रा. लि.चे मनोज अग्रवाल म्हणाले, की पोल्ट्री फीडमिलपर्यंत सोया ढेप पोचवण्यासाठी वाहने उपलब्ध होत नाहीत. दैनंदिन पातळीवर सोयाबीन गाळप करून सोया ढेपे पाठवली जाते. संपामुळे आता सोया ढेपेचा अतिरिक्त साठा निर्माण होत असून, तो ठेवण्यासाठी जागा उपलब्ध नाही. यामुळे गाळप प्लॅंट बंद ठेवण्याशिवाय पर्याय दिसत नाही.

इतर अॅग्रो विशेष
शेतकऱ्यांच्याच कपाळावर पुन्हा ‘मिऱ्या’दिनांक ३ जुलै २०१९ रोजी केरळचे खासदार डीन...
आश्वासनांचा पाऊसराज्यात विधानसभा निवडणुकीचा प्रचार आता अंतिम...
आबासाहेब झाले ग्लॅडिओलस पिकातील मास्टरअभ्यासू, तंत्रशुद्ध व प्रयोगशील शेतीचे उत्तम...
दूध पावडर निर्यात अनुदान नाकारल्याने...पुणे : निर्यात केलेल्या दूध पावडरला प्रोत्साहन...
उर्वरित विमा रक्‍कम द्या देण्याचे...जामखेड, जि. जालना  : विमासंरक्षित रकमेनुसार...
सरपंच, उपसरपंचांचे  मानधन आता ऑनलाइन पुणे : राज्यातील सर्व सरपंच, उपसरपंचांचे मानधन...
राजापुरात भातावर लष्करी अळीरत्नागिरी : राजापूर तालुक्यात परिपक्व झालेल्या...
मॉन्सून आज घेणार महाराष्ट्राचा निरोपपुणे : नैर्ऋत्य मोसमी वाऱ्यांनी (मॉन्सून)...
पूरग्रस्तांच्या मदतीसाठी आचारसंहितेची...सोलापूर : सांगली, सातारा, कोल्हापूर, सोलापूरसह २५...
‘ऑक्टोबर हीट’ने महाराष्ट्र तापला पुणे : पावसाच्या उघडिपीनंतर राज्यात ‘ऑक्टोबर हीट’...
फळबागा, मिश्रपिके, सिंचनासह शेती केली...मौजे रेवगाव (ता. जि. जालना) येथील अनिल व विनोद या...
गैरकृत्यांवर नियंत्रण गरजेचेचनिवडणुकीच्या रणधुमाळीत काही विषय मागे पडतात. कारण...
प्रयोगशील, प्रगतिशील शेतीत रमलेले जाधव...नाशिक जिल्ह्यातील कसबे सुकेणे (ता. निफाड) येथे...
आर्थिक प्रगती युवकाने निवडला फूलशेतीचा...बी.कॉम, एमबीए पदवी घेतल्यानंतर नोकरीच्या पाठी न...
शेतकऱ्यांना न्याय मिळण्याची आशा धूसर :...‘लोकांच्या डोळ्यांवर धर्मांधतेची झापड चढविण्यात...
कर्जफेडीची क्षमता देणाऱ्या धोरणांची गरजविधानसभा निवडणुकीच्या प्रचारामध्ये राजकीय...
महामंडळाने ‘उद्योग’ बंद केले तरच विकासराज्यातील कृषी उद्योगाला चालना देण्यासाठी ‘...
नाशिक जिल्ह्यात ओला दुष्काळ जाहीर...नाशिक : जिल्ह्यासह बागलाण तालुक्यात अतिवृष्टीमुळे...
दूध पावडर अनुदानाचा प्रस्ताव फेटाळलापुणे : राज्यातील दूध पावडर (भुकटी) प्रकल्पांना...
विदर्भातून मॉन्सून परतला  पुणे : नैर्ऋत्य मोसमी वाऱ्यांनी (मॉन्सून)...