सातारा जिल्ह्यात ‘पोल्ट्री’चे १५० कोटींचे नुकसान

सातारा : कोरोना प्रादुर्भावाच्या अफवेमुळे गेल्या महिन्यापासून पोल्ट्री व्यवसाय अडचणीत आला आहे. जिल्ह्यात फेब्रुवारी महिन्यात सुमारे १५० कोटींचा फटका बसला आहे. यामुळे पोल्ट्रीधारक शेतकरी, विक्रेते तसेच पोल्ट्री फार्म कंपन्या कोलमडून पडू लागल्या आहेत. सातारा जिल्ह्यात सध्या २३००च्या वर बॉयलर कोंबडी, ५५० देशी कोंबड्या तर ३०० च्या लेअर पोल्ट्री व्यवसाय शेतकरी करत आहेत. करार पद्धतीने हा व्यवसाय शाश्वत वाटत असल्यामुळे ६५ टक्के शेतकरी करार तर ३५ टक्के स्वत:चा व्यवसाय करतात. मात्र, कोरोनाच्या केवळ अफवेमुळे एकट्या फेब्रुवारी महिन्यात जिल्ह्यातील पोल्ट्री व्यवसायाला १५० कोटीचा फटका बसला आहे. यामुळे पोल्ट्री उत्पादक शेतकऱ्यासह चिकन विक्रेत तसेच पोल्ट्री फार्म कंपन्यांना कोलमडल्या आहेत.  जिल्ह्यात वर्षाकाठी १५०० ते २००० कोटी रुपयांची उलाढाल पोल्ट्री व्यवसाय होते. प्रत्येक महिन्याला करार पद्धतीने ४८ लाख पक्षी (पिल्ले) बॉयलर तर ५० हजार देशी पक्षी व दहा हजार लेअर पक्षी दिले जातात. यातून तीन हजार शेतकऱ्यांना व्यवसाय निर्माण होता. मात्र, कोरोनाच्या अफवेमुळे शेतकऱ्यांवर बेरोजगारीची वेळ आली आहे. पोल्ट्रीसाठी काढलेल्या कर्जाचे हप्ते रखडणार असून शेतकऱ्यांच्या कर्जाच्या रक्कमेत वाढ होणार आहे.   

३० लाख पक्षी पडून कोरोनामुळे जिल्ह्यात फेब्रुवारी महिन्याची कोंबड्या खरेदी झालेली नाही. सध्या या कोंबड्याचे वजन तीन किलोवर गेले आहे. हा लॅाट पूर्णपणे वाया जाणार आहे. सध्या सर्व शेडात मिळून सुमारे ३० लाख पक्षी पडून आहेत. या कोंबड्याचे काय करायचे? हा प्रश्न शेतकऱ्यांसमोर उभा आहे. 

फुकट देण्याची वेळ चुकीच्या अफवांमुळे मागील महिन्यापासून चिकन खरेदी कमी कमी होत गेली. यामुळे चिकनचे दर प्रतिकिलो १५० रुपयांवरून ५० रुपयापर्यंत आले. मागणी कमी आणि पुरवठा जास्त होत असल्याने अजून दर कमी ते १० ते २० रुपये नगाप्रमाणे विक्री केली जात आहे. शेतकऱ्यांनी स्वत: विक्रीचा प्रयत्न केले. मात्र, फारसे यश आले नसून चिकन विक्रेते व शेतकऱ्यांच्यात वादावादी होऊ लागली आहे.     सातारा जिल्ह्यातील पोल्ट्री व्यवसाय

प्रतिक्रिया आमच्यासाठी पोल्ट्री व्यवसाय हा मुख्य व्यवसाय आहे. या व्यवसायामुळे हाताला काम मिळाले असून, कुटुंबाचा उदरनिर्वाह होत आहे. लोकांनी चुकीच्या पोस्ट शेअर केल्यामुळे हा व्यवसाय अडचणीत आला आहे. पक्ष्यांची मागणी नसल्यामुळे माझे पक्षी घेतले नसल्यामुळे शेड ओस पडले आहे. काही शेतकऱ्यांच्या शेडमध्ये पक्षी पडून आहेत.  - वैभव बर्गे, पोल्ट्री धारक शेतकरी चिंचणेर, ता. सातारा.