Agriculture news in Marathi, Poultry holders agitation Jantar Mantar on Sunday | Agrowon

पोल्ट्रीधारक करणार रविवारी जंतरमंतरवर हल्लाबोल

टीम अॅग्रोवन
शुक्रवार, 13 सप्टेंबर 2019

नागपूर ः पशुखाद्यात झालेली वाढ परिणामी वाढता उत्पादकता खर्च आणि त्या तुलनेत अंड्याच्या दरातील घसरणीमुळे मेटाकुटीस आलेले पोल्ट्रीधारक रविवारी (ता. १५) दिल्लीतील जंतरमंतरवर हल्लाबोल आंदोलन करणार आहेत. पंतप्रधान नरेंद्र मोदी यांच्या भेटीची वेळ आंदोलकांनी मागितली असून, थेट त्यांच्यासमोरच या उद्योगातील अडचणी मांडण्याचा पोल्ट्रीधारकांचा विचार आहे. 

नागपूर ः पशुखाद्यात झालेली वाढ परिणामी वाढता उत्पादकता खर्च आणि त्या तुलनेत अंड्याच्या दरातील घसरणीमुळे मेटाकुटीस आलेले पोल्ट्रीधारक रविवारी (ता. १५) दिल्लीतील जंतरमंतरवर हल्लाबोल आंदोलन करणार आहेत. पंतप्रधान नरेंद्र मोदी यांच्या भेटीची वेळ आंदोलकांनी मागितली असून, थेट त्यांच्यासमोरच या उद्योगातील अडचणी मांडण्याचा पोल्ट्रीधारकांचा विचार आहे. 

देशासह महाराष्ट्रातील मक्‍यावर अमेरिकन लष्करी अळीचा प्रादुर्भाव झाला आहे. त्यामुळे पशुखाद्याचा बाजारात तुटवडा निर्माण झाला असून, मध्य प्रदेशातून येणाऱ्या मक्‍यावरच पोल्ट्रीधारकांची भिस्त उरली आहे. मध्य प्रदेशातील पुरवठादारांनी तुटवड्याच्या पार्श्‍वभूमीवर दरात वाढ केली आहे. त्यामुळे अंड्याचा उत्पादकता खर्च प्रतिनग ४ रुपयांच्या वर पोचला आहे. तर अंड्याचे विक्री दर तीन रुपये २० ते ३० पैसे आहेत. उत्पादकता खर्च आणि विक्री किंमत याचा ताळेबंद जुळत नसल्याने पोल्ट्रीधारकांसमोर आर्थिक संकट उभे ठाकले आहे. त्यामुळे शासनाने यामध्ये हस्तक्षेप करीत पोल्ट्री व्यावसायिकांसाठी अनुदानविषयक पॅकेज जाहीर करावे, अशी मागणी देशभरातील पोल्ट्री व्यावसायिकांनी केली आहे. याच मागण्यांच्या पूर्ततेकरिता देशभरातील पोल्ट्री व्यावसायिक रविवारी (ता. १५) जंतरमंतरवर धरणे आंदोलन करणार  आहेत. 

बिहार, उत्तर प्रदेश, हैदराबाद, हरियाना, पंजाब, हिमाचल, राजस्थान या सात राज्यांतील पोल्ट्रीधारक पहिल्या टप्प्यात या आंदोलनात सहभागी होणार आहेत. न्याय न मिळाल्यास त्यानंतर दुसऱ्या टप्प्यातील आंदोलनाची दिशा ठरविण्याचा मानसही पोल्ट्रीधारक संघटनेच्या सदस्यांनी व्यक्‍त केला.

अशा आहेत मागण्या

  • व्यवसायासाठी घेतलेल्या बॅंक लोनवरील व्याजात सवलत मिळावी
  • उद्योगाकरिता अनुदान जाहीर करावे 
  • सार्वजनिक वितरण प्रणालीअंतर्गत असलेले अन्नधान्य अनुदानित दरावर मिळावे

हरियानातील बरवाला बाजारपेठेत अंड्याचे दर ठरतात. त्याच ठिकाणी अंड्याचे दर कमी काढले जातात. गुंतवणूक कमी करण्याकरिता त्यांच्याद्वारे अंड्याचे वितरकांकडून हे षडयंत्र रचले जात आहे. हेच वितरक ४० ते ४५ पैसे वाढवून ते विक्री करतात. अशा अनैतिक प्रकारावरदेखील सरकारचे नियंत्रण असावे, अशी मागणी आहे. जंतरमंतरवर आम्ही अशाच मागण्या घेऊन आंदोलन करणार आहोत. दिल्लीनजीकच्या राज्यातील पोल्ट्रीधारकांचा पहिल्या टप्प्यातील आंदोलनात सहभाग घेतला आहे. 
- प्रमोद गुप्ता, कार्यकारी संचालक, पानिपत पोल्ट्री असोसिएशन, हरियाना.


इतर ताज्या घडामोडी
ठिबक सिंचनातील पंप निवडीसाठी तांत्रिक...महाराष्ट्रामध्ये शेतकरी कापूस, हळद, ऊस, संत्रा,...
वारणा, गोकुळ दूध संघांकडून दरात वाढकोल्हापूर : जिल्हा दूध संघ (गोकुळ) आणि वारणानगर...
नाशिक : अतिवृष्टीनंतर कपाशीवर करपाचा...नाशिक : अतिवृष्टीमुळे सातत्याने कपाशी लागवडीमध्ये...
कृषी संशोधन केंद्रे पांढरा हत्ती ठरू...भंडारा ः सर्वाधिक रोजगार शेतीमधून उपलब्ध होऊ शकतो...
मधमाश्या, मित्रकीटक वाचविण्यासाठी...नाशिक: मधमाश्यांची संख्या जगभरात तसेच भारतातही...
बाधितांसाठी मागितले दहा कोटी अन्‌...आटपाडी, जि. सांगली ः अवकाळी पावसामुळे आटपाडी...
शेतकरी संघटनेचे गुरुवारी निर्बंधमुक्ती...नगर ः संपूर्ण कर्जमाफी करून राज्यातील शेतकऱ्यांचा...
पुणे : फळपीक विमा योजना असून नसल्यासारखीपुणे : फळपिकांना हवामानाच्या धोक्यापासून संरक्षण...
गडहिंग्लजमध्ये ज्वारीचे क्षेत्र एक हजार...गडहिंग्लज, जि. कोल्हापूर : अतिवृष्टी आणि अवकाळी...
बाजारपेठेवर आधारित पीकपद्धतीचा अवलंब...नगर  : ‘‘कमी पाणी व जास्त पाणी, अशा दोन...
नवीन वर्षात ७५० ग्रामपंचायतींच्या...पुणे : येत्या नवीन वर्षात जुलै ते डिसेंबर २०२० या...
हिंगोली जिल्ह्यात रब्बीची ७६ हजार...हिंगोली : जिल्ह्यात यंदाच्या रब्बी हंगामात सोमवार...
पुण्यात पालेभाज्यांसह कांद्याच्या आवकेत...पुणे : गुलटेकडी येथील पुणे कृषी उत्पन्न बाजार...
गहू, हरभरा पिकांसाठी एकात्मिक...या वर्षी परतीच्या पावसाचे प्रमाण अधिक राहिल्याने...
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...