agriculture news in Marathi poultry industry got 70 crore loss daily Maharashtra | Agrowon

`पोल्ट्री`ला दररोज ७० कोटींचा फटका 

टीम अॅग्रोवन
बुधवार, 13 जानेवारी 2021

बर्ड फ्लू रोगाच्या पार्श्‍वभूमीवर चिकनची मागणी घटल्याने जिवंत कोंबडीच्या दरात २५ ते ३० रुपयांनी, तर किरकोळ विक्रीच्या दरात ४० ते ५० रुपयांनी घट झाली आहे.

नगर ः कोरोनाकाळात अफवेचा बळी ठरलेला पोल्ट्री उद्योग पुन्हा एकदा अडचणीत आला आहे. बर्ड फ्लू रोगाच्या पार्श्‍वभूमीवर चिकनची मागणी घटल्याने जिवंत कोंबडीच्या दरात २५ ते ३० रुपयांनी, तर किरकोळ विक्रीच्या दरात ४० ते ५० रुपयांनी घट झाली आहे. अंड्यांचे दरही नगामागे पन्नास पैसे ते एक रुपयांनी कमी झाले आहेत. त्यामुळे राज्यातील दररोज सत्तर कोटींचे नुकसान होत असल्याचा अंदाज पोल्ट्री उद्योगातील तज्ज्ञांनी व्यक्त केला आहे. तर महिनाभरात सुमारे दोन हजार कोटींचा फटका बसण्याची भीती व्यक्त केली जात आहे. 

राज्यातील नगर, नाशिक, पुणे, सोलापूर, सांगली आणि मराठवाड्यातील अनेक भागांत शेतीला पूरक व्यवसाय म्हणून पोल्ट्री उद्योग केला जातो. मात्र कोरोना काळात केवळ अफवेमुळे राज्यात दोन हजार कोटीचा फटका उद्योगाला सोसावा लागला. 

या संकटातून सावरत असतानाच पुन्हा एकदा बर्ड फ्लूचे संकट आले. परभणीपाठोपाठ नगर, सोलापूर, कोल्हापूर, रत्नागिरी, लातूर भागांतील काही ठिकाणी कोंबड्या व विविध पक्ष्यांचा मृत्यू झाला आहे. काही भागांत मृत्यूचे कारण अजून स्पष्ट केले नसले तरी यंत्रणा सतर्क झाली आहे. 

बर्ड फ्लूच्या कारणाने राज्यात चिकनची मागणी घटली आहे. चार दिवसांपासून जिवंत कोंबडीच्या दरात २५ ते ३० रुपये, तर किरकोळ विक्रीत ४० ते ५० रुपयांनी दर खाली आले आहेत. प्रति अंड्यामागे ५० पैसे ते एक रुपयाने घट झाली आहे. मागणी घटली आणि दरही कमी झाल्याने राज्यात दररोज सुमारे सत्तर कोटींचा फटका बसत आहे. केवळ अफवा आणि अपप्रचारामुळे हा फटका बसत असून तो थांबावा, असे आवाहन करतानाच पंधरा दिवसांनंतर परिस्थिती सुधारणार असल्याचा कुक्कुट उद्योगातील जाणकारांचा अंदाज आहे.  

राज्यातील पोल्ट्री उद्योगाची स्थिती 

  • पोल्ट्री उत्पादक शेतकरी ः ५० ते ६० हजार  
  • महिन्याला कोंबड्यांचे उत्पादन ः ४ कोटी 
  • महिन्याला मांस उत्पादन ः ९ कोटी किलो 
  • देशी कोंबडी पालक शेतकरी ः १ लाख ५० हजार
  • महिन्याला देशी कोंबड्यांचे उत्पादन ः ८० लाख 
  • ब्रॉयलरचा पंधरा दिवसांपूर्वीचा दर ः ८५ रुपये प्रति किलो (जिवंत) 
  • दोन दिवसांपूर्वीचा दर ः ६० रुपये प्रति किलो (जिवंत) 
  • राज्यात अंडी उत्पादक शेतकरी ः १० हजार 
  • दररोजचे अंडी उत्पादन ः १ कोटी ५० लाख 
  • दररोजची मागणी ः २ कोटी ५० लाख 

अंडी दर (रुपये/शेकडा)

  • पंधरा दिवसांपूर्वी ः ४५० ते ५०० 
  • दोन दिवसांपूर्वी ः ३५० ते ४०० 

प्रतिक्रिया
सध्या बर्ड फ्लू हा कावळे, बगळे आणि देशी कोंबड्यांत दिसून येत आहे. ब्रॉयलर कोंबडीचे पालन करताना सर्व काळजी घेतली जाते. त्यामुळे बर्ड फ्लूच्या आजाराने देशात एकाही ब्रॉयलर कोंबडीचा मृत्यू झालेला नाही. शिवाय खाताना मांस ७० डिग्रीत शिजवले जात असल्याने कसलाही व्हायरस त्यात राहू शकत नाही. केवळ अफवांवर विश्‍वास ठेवू नये. राज्य सरकारही काळजी घेत आहे. लवकरच परिस्थिती सुधारेल.
- उद्धव अहिरे, सचिव पोल्ट्री फार्मर्स व ब्रीडर्स असोसिएशन, महाराष्ट्र

टॅग्स

इतर अॅग्रो विशेष
बीजमाता राहीबाई पोपेरे करणार लोकसभा...अकोले, जि. नगर : पारंपरिक बियाण्यांची जोपासना...
ऊसतोडणीचा प्रश्‍न गंभीर नाशिक : गेल्या काही वर्षांपासून जिल्ह्यातील निफाड...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
कृषी पंढरीतील यात्रेची उत्सुकता शिगेला माळेगाव, बारामती ः येथील कृषी पंढरीत आजपासून (ता....
‘पोकरा’ अनुदानातून अनेक घटक वगळले पुणे : नानाजी देशमुख कृषी संजीवनी प्रकल्पातून (...
कृषी आयुक्‍त थेट बांधावर औरंगाबाद : कृषी विभागाच्या क्षेत्रीय भेट व आढावा...
ठिकठिकाणी ढगाळ वातावरण पुणे ः मागील दोन दिवसांपासून अरबी समुद्राच्या...
समविचारी शेतकऱ्यांचे राष्ट्रीय संघटन...नागपूर ः शेती प्रश्‍नांच्या सोडवणुकीसाठी...
दुष्काळी स्थितीतही द्राक्षाने दिले...सांगली जिल्ह्यातील वायफळे (ता. तासगाव) येथील...
बारामतीमध्ये उद्यापासून कृषी तंत्रज्ञान...माळेगाव, बारामती ः अॅग्रिकल्चरल डेव्हलमेंट ट्रस्ट...
कृषी अधिकारी पुन्हा सर्वोच्च न्यायालयात...पुणे ः सर्वोच्च न्यायालयाने निकाल दिल्यानंतर...
दर वाढूनही नुकसानीमुळे डाळिंब...सांगली ः देशातील मृग हंगामातील डाळिंब उत्पादन...
दुधाचा अभ्यास करा : केंद्र सरकारपुणे : गोवंशापासून मिळणाऱ्या दुधाचे फायदे आणि इतर...
दहा हजार क्विंटल ज्वारीचा झाला भुस्साअकोला  ः  जिल्ह्यात २०१५ ते २०१७...
राज्यात विविध घटनांमध्ये वर्षभरात १७८...नागपूर : राष्ट्रीय व्याघ्र संवर्धन प्राधिकरणाने...
‘सिल्क समग्र’ योजना सुरू ठेवण्यास...औरंगाबाद : तुती टसर रेशीम उद्योग विकासाठी...
ग्राम, शेती विकासाला ‘रोटरी’ची साथनाशिक शहरामध्ये ७५ वर्षांपासून रोटरी क्लब ऑफ...
फळबागेला प्रक्रिया उत्पादनांची जोडशेतीची आवड जोपासण्यासाठी कुटुंबाचे चांगले पाठबळ...
‘अपेडा’वरील नोंदणीत राज्याचा टक्का वाढलानागपूर ः निर्यातीला चालना मिळावी तसेच देशांतर्गत...
चिकन, अंडी खाण्यास पूर्णपणे सुरक्षित ः...पुणे ः पूर्णपणे उकडलेली अंडी आणि चिकन खाण्यासाठी...