Agriculture news in marathi Power and oxygen supply to Corona Hospitals | Agrowon

कोरोना रुग्णालयांचा वीज,  ऑक्सिजन पुरवठा सुरळीत 

टीम अॅग्रोवन
सोमवार, 17 मे 2021

अरबी समुद्रातील तौक्ते चक्रीवादळामुळे सागरी किनाऱ्यावरील जिल्ह्यांमध्ये सावधगिरीचा इशारा देण्यात आला आहे. विशेषतः कोरोना परिस्थितीत रुग्णालयांचा विद्युत पुरवठा खंडित होऊ नये तसेच ऑक्सिजन पुरवठा सुरळीत राहील.

मुंबई : अरबी समुद्रातील तौक्ते चक्रीवादळामुळे सागरी किनाऱ्यावरील जिल्ह्यांमध्ये सावधगिरीचा इशारा देण्यात आला आहे. विशेषतः कोरोना परिस्थितीत रुग्णालयांचा विद्युत पुरवठा खंडित होऊ नये तसेच ऑक्सिजन पुरवठा सुरळीत राहील, या दृष्टीने अगोदरच तयारी करून ठेवली असून, प्रशासन सज्ज आहे, अशी माहिती मुख्यमंत्री उद्धव ठाकरे यांनी रविवारी (ता. १६) केंद्रीय गृहमंत्री अमित शहा यांना दिली. 

रविवारी सकाळी दूरदृश्य प्रणालीद्वारे झालेल्या बैठकीत केंद्रीय गृहमंत्र्यांनी महाराष्ट्र, गुजरातचे मुख्यमंत्री तसेच दादर नगर हवेलीचे प्रशासक यांच्याकडून तयारीचा आढावा घेतला. 

चक्रीवादळात नुकसान होऊ नये म्हणून राज्य शासनाने केलेल्या तयारीबाबत सांगताना मुख्यमंत्री उद्धव ठाकरे म्हणाले, ‘‘रुग्णालयांचा वीज पुरवठा खंडित होणार नाही तसेच बॅकअप यंत्रणा लगेच कार्यान्वित होईल व रुग्णांच्या उपचारांत अडथळा येणार नाही यासाठी सावध राहण्याचे निर्देश देण्यात आले आहेत. जम्बो व इतर कोविड केंद्रे ही पावसापासून संरक्षण करणारी असली तरी मोठे वादळ झाल्यास समस्या उद्भवू शकते, हे लक्षात घेऊन सावधगिरी म्हणून मुंबई तसेच इतरत्रही या केंद्रांतील रुग्णांना दुसऱ्या ठिकाणी हलविण्यात आले आहे.

ध्याच्या काळात ऑक्सिजनची गरज लक्षात घेता सागरी किनाऱ्यावरील ऑक्सिजन उत्पादन करणाऱ्या प्रकल्पांमधील उत्पादन व वाहतूक सुरळीत सुरू राहील यासाठी नियोजन केले आहे. सार्वजनिक बांधकाम विभाग, पोलिस यांना विविध ठिकाणी तैनात करण्यात आले आहे. किनाऱ्यावरील कच्च्या घरांतील लोकांना दुसरीकडे हलविण्यात आले आहे. मंत्रालयात नियंत्रण कक्ष सज्ज असून, इतरही जिल्ह्यातील नियंत्रण कक्षांशी त्यांचा व्यवस्थित समन्वय आहे.’’ 

ऑक्सिजन प्रकल्पांची विशेष काळजी 
सागरी किनाऱ्याजवळील डोलवी जेएसडब्ल्यू (२३० मेट्रिक टन), डोलवी आयनॉक्स (१२० मेट्रिक टन), लिंडे तळोजा (२४५ मेट्रिक टन), आयनॉक्स रायगड (१२० मेट्रिक टन), लिंडे प्राक्स एअर मुरबाड (१२० मेट्रिक टन), असे साधारणत : ९०० मेट्रिक टन ऑक्सिजन उत्पादन करणारे प्रकल्प सुरक्षित राहतील, या बाबत सिंधुदुर्ग, रत्नागिरी, रायगड, पालघर जिल्हाधिकारी तसेच मुंबई महानगरपालिका आयुक्त यांना सूचना देण्यात आल्या आहेत. सागरी किनाऱ्याच्या अगदी जवळ डोलवीचा ऑक्सिजन उत्पादन प्रकल्प आहे. येथील डबल फिडर विद्युत पुरवठा आणि मजबूत वायरिंग यामुळे चक्रीवादळाच्या तीव्रतेतही नुकसान होणार नाही. महावितरण कंपनी, सार्वजनिक बांधकाम तसेच प्रकल्पातील कर्मचाऱ्यांना दक्ष राहण्याचा इशारा देण्यात आला आहे.

चक्रीवादळाचा परिणाम होणाऱ्या जिल्ह्यांमध्ये किमान १२ ते १६ तासांचा ऑक्सिजन बॅक अप देण्याची व्यवस्था केली आहे. जामनगरहून १६० मेट्रिक टन ऑक्सिजनचा साठा टँकर्सद्वारे उद्यापर्यंत पोहचत आहे. जामनगर येथेही १८ मे रोजी चक्रीवादळ धडकण्याची शक्यता असल्याने जामनगर प्रकल्पात जर काही प्रश्न उद्भवल्यास डोलवी, मुरबाड, तळोजा आणि भिलाईहून राखीव साठा मागवता येणार आहे. पुणे येथे ३० ते ४० मेट्रिक टन जादा ऑक्सिजन साठा आहे. 

मच्छीमार सुखरुप किनाऱ्यावर 
सागरी जिल्ह्यातील मच्छीमारांना या पूर्वीच चक्रीवादळासंदर्भात आगाऊ इशारा देण्यात आला होता. सर्व मच्छीमार बोटींसह किनाऱ्यांवर परतले आहेत. पालघरमधील काही मच्छीमार परतत आहेत. किनाऱ्यावरील कच्ची घरे रिकामी करण्यात आली आहेत. किनारी भागातील कुठलीही आरोग्य यंत्रणा कच्च्या घरात, बांधकामात नाही हे पाहण्यात आले आहे. सागरी किनाऱ्यावरील जिल्ह्यांमध्ये कोविड तसेच नॉन कोविड रुग्णांसाठी पुरेशा प्रमाणात औषधी उपलब्ध आहेत. यात रेमडीसीव्हीर ,फेवीपिरावीर, मिथाइल प्रेडनिसोलोन , डोक्सीसिलीन, पॅरासिटामोल, हेप्रीन, एम्फोटेरीसीन बी आणि चाचणी किट्स, पीपीई इत्यादी पुरेशा प्रमाणात असतील हे पाहण्यात आले आहे. 
 


इतर बातम्या
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...
राज्यात पावसाला पोषक हवामान पुणे : राज्यात उघडीप दिलेल्या पावसाला पोषक हवामान...
खानदेशात अतिपावसाने  कापूस पीकस्थिती...जळगाव : खानदेशात पूर्वहंगामी कापूस पिकाची स्थिती...
खाद्यतेल आयात शुल्क  कपातीचा ग्राहकांना...पुणे : केंद्र सरकारने देशांतर्गत वाढत्या...
सौरकृषी पंपाच्या  कुसुम योजनेला अखेर...पुणे : उच्च न्यायालयाने स्थगिती दिल्यामुळे गेली...
पीक नुकसान तक्रारीसाठी धडपड औरंगाबाद : मराठवाड्यात अतिवृष्टीमुळे झालेल्या पीक...
जुलैतील नुकसानीपोटी अकोल्याला ५४ कोटीअकोलाः जिल्ह्यात गेल्या तीन महिन्यांत शेती व...
खानदेशात ई पीक पाहणीला शेतकऱ्यांचा कमी...जळगाव : खानदेशातील सुमारे तीन हजार पाडे, महसुली...
उजनी परिसरात सोयाबीनवर `यलो मोझॅक’ उजनी, जि. लातूर : खरीप हंगामातील प्रमुख सोयाबीन...
वाशीम जिल्ह्यात करडईची पाच हजार एकरवर...वाशीम :  या रब्बी हंगामात क्लस्टर निवड करून...
सांगली जिल्ह्यातील ई-पीक नोंदणीला केवळ...सांगली ः  राज्य शासनाच्या महत्त्वाकांक्षी ई-...
जळगाव जिल्ह्यात सातबारावरील फेरफार...जळगाव : जिल्ह्यात सातबारा उताऱ्यावरील अनेक नोंदी...
पंधरा हजार एकरवर बांबू लागवडनगर ः जगात सगळ्यात वेगाने वाढणाऱ्या परंतु...
कोकण, विदर्भात पावसाची शक्यतापुणे : राज्यात उघडीप दिलेल्या पावसाला पोषक हवामान...
मोदींच्या धोरणांमुळे लोकांचा  आर्थिक...औरंगाबाद : जनधन, आधार व मोबाइल या त्रिसुत्रीच्या...
मराठवाड्यात २०० मेगावॉटचा सौर प्रकल्प ः...औरंगाबाद ः मराठवाड्यात येत्या वर्षात २००...
विदर्भ, मराठवाड्यात कमी पावसाचा अंदाजपुणे : कोकण, घाटमाथा, उत्तर महाराष्ट्र आणि...
इंदापूरच्या पश्‍चिम भागात  लाळ्या...वालचंदनगर, जि. पुणे : केंद्र सरकारकडून लाळ्या...
महावितरणच्या वीजग्राहकांसाठी रूफटॉपमुंबई : महावितरणच्या घरगुती वर्गवारीतील...
सोयापेंडेसाठी आयातदारांची अनेक देशांत...पुणे ः केंद्र सरकारने जनुकीय सुधारित...