पुणे विभागातील अडीच लाख ग्राहकांचा वीजपुरवठा खंडित 

पुणे विभागातील अडीच लाख ग्राहकांचा वीजपुरवठा खंडित 
पुणे विभागातील अडीच लाख ग्राहकांचा वीजपुरवठा खंडित 

पुणे ः पुणे विभागातील पुणे, सातारा, सांगली, कोल्हापूर या जिल्ह्यांत जोरदार पाऊस पडत आहे. मात्र, गेल्या दहा ते बारा दिवसांपासून या भागात पावसाचा जोर वाढल्यामुळे नद्या दुथडी वाहत असून, धरणे भरली आहे. पुणे विभागातील पूर परिस्थिती निर्माण झाली आहे. यामध्ये आठ हजार ४४१ विजेचे रोहित्रे बाधित झाली आहेत. त्यामुळे दोन लाख ५३ हजार २२४ ग्राहकांचा वीजपुरवठा बंद झाला आहे. 

पुणे विभागात कोल्हापूर जिल्ह्यातील सर्वाधिक पूर परिस्थिती निर्माण झाली आहे. यामुळे कोल्हापूर जिल्ह्यातील सर्वाधिक ३ हजार ७९२ वीज रोहित्रे बाधित झाली आहेत. त्यामुळे १ लाख ७ हजार ५५३ वीज ग्राहकांचा वीजपुरवठा बंद झाला आहे. त्यानंतर सांगली जिल्ह्यातही १ हजार ७१ रोहित्रे बाधित झाली असून, ५८ हजार ७५५ ग्राहकांचा वीजपुरवठा बंद झाला आहे. 

पुणे जिल्ह्यातील पुणे ग्रामीण भागातील २ हजार ३०० वीज रोहित्रे बाधित झाली आहेत. त्यामुळे ३० हजार २५२ ग्राहकांचा वीजपुरवठा बंद झाला आहे. पुणे विभागातील पुणे महापालिका (पीएमसी) व पिंपरी-चिंचवड महापालिका (पीसीएमसी) या हद्दीतील सुमारे १८९ वीज रोहित्रे बाधित झाले आहेत. त्यामुळे ३० हजार १४३ ग्राहकांचा वीजपुरवठा खंडित झाला आहे. 

सातारा जिल्ह्यातही जोरदार पावसामुळे ८७३ वीज रोहित्रे बाधित झाली आहेत. त्यामुळे २४ हजार १८६ ग्राहक, सोलापूरमधील २१६ वीज रोहित्रे बाधित झाली असून, २ हजार ३३५ ग्राहकांचा वीजपुरवठा बंद झाला आहे. पुराच्या पाण्याची पातळी कमी झाल्यानंतर विद्युत पुरवठा पूर्ववत करण्यासाठी युद्धपातळीवर प्रयत्न केले जातील, अशी माहिती महाराष्ट्र राज्य विद्युत वितरण कंपनीच्या पुणे विभागाचे मुख्य अभियंता सचिन तालेवार यांनी दिली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com