विश्वी येथे शेतीशाळेत मिळताहेत प्रात्यक्षिकासह प्रत्यक्ष धडे

विश्वी येथे शेतीशाळेत मिळताहेत प्रात्यक्षिकासह प्रत्यक्ष धडे
विश्वी येथे शेतीशाळेत मिळताहेत प्रात्यक्षिकासह प्रत्यक्ष धडे

बुलडाणा ः मेहकर तालुक्यातील विश्वी येथे शेतीशाळा तज्ज्ञ विठ्ठल धांडे यांच्या मार्गदर्शनाखाली सोयाबीन पिकाची शेतीशाळा राबविली जात आहे. शेतीशाळेमध्ये कीड व रोग व्यवस्थापनाच्या सोबत कीटकनाशके हाताळताना घ्यावयाची काळजी याविषयी प्रात्यक्षिकाद्वारे मार्गदर्शन करण्यात आले.  अशी घेतली जाते शेतीशाळा शेतीशाळेचा वर्ग पंधरा दिवसाला याप्रमाणे संपूर्ण पीक कालावधीत लागवड तयारीपासून ते विक्रीपर्यंत संपूर्ण कालावधीत आठ ते दहा वर्ग घेण्यात येत आहे. प्रत्येक शेतीशाळा वर्ग सकाळी आठ ते बारा यादरम्यान घेतला जातो. त्यामध्ये निरीक्षणे घेणे, निरीक्षणाच्या आधारे चार्ट तयार करणे, चर्चा करून सामूहिक निर्णय घेणे व त्याचे वाचन करणे अशाप्रकारे शेतीशाळा राबविली जाते. निरीक्षणासाठी दोन तुलनात्मक प्लॉट निवडले जातात. एकाला आयसीएम म्हणजेच एकीकृत पीक व्यवस्थापन व दुसरा पारंपरिक शेतकरी प्लॉट म्हणजेच नॉन आयसीएम असे नाव दिले आहेत. शेतीशाळेच्या आयसीएम प्लॉटवर बीबीएफ तंत्रज्ञान, आयपीएम तंत्रज्ञान, एकात्मिक खत व्यवस्थापन आधी कार्यक्रम राबवले जात आहेत. नॉन आयसीएम प्लाॅटवर प्रचलित पारंपरिक पद्धत अवलंबली जात आहे. यासाठी कृषी सहायक संतोष गायकवाड, नवल चव्हाण व राम लोखंडे पुढाकार घेत आहेत. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com