नागपूर : विदर्भात सर्वदूर मान्सूनपूर्व पावसाने हजेरी लावली. त्यामुळे उकाड्यापासून दिलासा मिळाल्याने सामान्यांनी समाधान व्यक्‍त केले. त्यासोबतच कापूसपट्टयात पूर्वहंगामी लागवडीला देखील सुरुवात झाली आहे. परंत, सरासरी १०० मिली पाऊस झाल्यानंतर साधारणतः बुधवार (ता.१०) नंतर पेरणी करण्याचे आवाहन कृषी विभागाने केले आहे.
यवतमाळ जिल्हयात सर्वाधिक पावणेपाच लाख हेक्‍टरवर कापसाची लागवड होते. यावर्षी २६ मे पासून कृषी विभागाने बियाण्याची उपलब्धता यवतमाळसह राज्यातील सर्वच जिल्हयांमध्ये केली होती. गुलाबी बोंडअळीचा भविष्यातील प्रादुर्भाव रोखण्यासाठी ही उपाययोजना करण्यात आली. सद्यस्थितीत पूर्व आणि पश्‍चीम विदर्भातील सर्वच जिल्हयात पावसाने हजेरी लावली आहे.
गोंदिया जिल्हयात दोन दिवसांपूर्वी वादळी वाऱ्यासह गारपीटही झाली. नागपूरात दोन दिवस पावसाची उघडझाप सुरु आहे. बुधवारी (ता.३) देखील अनेक जिल्हयांमधे पावसाने हजेरी लावली. नागपूर विभागातील सहा जिल्हयात पेरणीला सुरुवात झाली नसली तरी यवतमाळसह अकोला जिल्हयात शेतकऱ्यांनी कापूस लागवडीला सुरूवात केली आहे. यवतमाळ जिल्हयात हळद लागवडीला देखील वेग आल्याचे शेतकऱ्यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.