agriculture news in Marathi, pre monsoon rain in state, Maharashtra | Agrowon

वादळी पावसाने दाणादाण
टीम अॅग्रोवन
गुरुवार, 18 एप्रिल 2019

पुणे  : सोसाट्याचा वारा, मेघगर्जना, विजा, गारपिटीसह होत असल्याने पूर्वमोसमी पावसाने राज्यात चांगलीच दाणादाण उडवून दिली आहे. राज्यातील नाशिक, जळगाव, पुणे, अकोला, नांदेड, परभणी, हिंगोलीत वादळी पावसाने हजेरी लावली आहे. मंगळवारी (ता. १६) विविध ठिकाणी वीज कोसळल्याच्या घटना घडून आठ जणांचा मृत्यू झाला, तर पशूधन आणि शेतीमालाचेही मोठ्या प्रमाणावर नुकसान झाले आहे. 

वादळी वाऱ्यामुळे फळझाडांबरोबर, शेडनेट, पॉलिहाउसलाही फटका बसला आहे. पावसामुळे झालेल्या नुकसानीचे पंचनामे करण्याची मागणी होत असून, निवडणुकीच्या कामांमुळे पंचनामे ठप्प असल्याची स्थिती आहे. 

पुणे  : सोसाट्याचा वारा, मेघगर्जना, विजा, गारपिटीसह होत असल्याने पूर्वमोसमी पावसाने राज्यात चांगलीच दाणादाण उडवून दिली आहे. राज्यातील नाशिक, जळगाव, पुणे, अकोला, नांदेड, परभणी, हिंगोलीत वादळी पावसाने हजेरी लावली आहे. मंगळवारी (ता. १६) विविध ठिकाणी वीज कोसळल्याच्या घटना घडून आठ जणांचा मृत्यू झाला, तर पशूधन आणि शेतीमालाचेही मोठ्या प्रमाणावर नुकसान झाले आहे. 

वादळी वाऱ्यामुळे फळझाडांबरोबर, शेडनेट, पॉलिहाउसलाही फटका बसला आहे. पावसामुळे झालेल्या नुकसानीचे पंचनामे करण्याची मागणी होत असून, निवडणुकीच्या कामांमुळे पंचनामे ठप्प असल्याची स्थिती आहे. 

अकोला जिल्ह्यासह वऱ्हाडात मंगळवारी (ता. १६) दुपारी व रात्री ठिकठिकाणी झालेल्या पूर्वमोसमी पावसाने दाणादाण उडविली. वादळ आणि जोरदार पाऊस, काही ठिकाणी गारपिट झाल्यामुळे बीजोत्पादन कांदा, फळबागा, गहू या पिकांचे नुकसान झाले. वीज पडल्याने पातूर तालुक्यात पळसखेड येथे लक्ष्मीबाई चव्हाण या महिलेचा मृत्यू झाला. आंबा, केळी, संत्रा, लिंबू, पपई, हळद, गहू व भाजीपाला पिकांनाही फटका बसला आहे.

जळगावसह खानदेशात सलग तिसऱ्या दिवशी म्हणजेच मंगळवारी मध्यरात्रीदेखील पूर्वमोसमी वादळी पावसासह गारपीटही अनेक भागात झाली, कांदा, डाळिंब बांगांना फटका बसला आहे. तसेच साक्री, शिरपूर (जि. धुळे) भागात शेडनेट, पॉलिहाउसचे मोठे नुकसान झाले. जुनी सांगवी (ता. शिरपूर) येथे वीज कोसळून येथील प्रल्हाद बाजीराव कोकणी यांचे दोन बैल मृत्युमुखी पडले. 

  नांदेड, परभणी, हिंगोली जिल्ह्यांत दुसऱ्या दिवशी वादळी, वारे, विजांच्या कडकडात पाऊस झाला. नांदेड जिल्ह्यतील वीज कोसळून एका महिलेसह दोन ठार, तर दोन जखमी झाले. वादळी वारे, पावसामुळे हळद, फळपिकांचे नुकसान होत असल्याने शेतकरी चिंतित आहेत. कंधार तालुक्यातील बोरी खुर्द येथे विज कोसळून अनिता व्यंकटी केंद्रे यांचा, तर देविदास गणेश उपाडे यांचा अंगावर वीज कोसळून मृत्यू झाला. परभणी जिल्ह्यतील परभणी, मानवत, पूर्णा,जिंतूर, सेलू, वसमत, औंढानागनाथ, सेनगाव तालुक्यात झालेल्या पावसामुळे वाळवत ठेवलेली केळी, हळद, आंबा, लिंबू, टरबूज पिकांचे नुकसान झाले. 

नाशिक जिल्ह्यात सलग तिसऱ्या दिवशी वादळी पावसाने हजेरी लावली. बागलाण, देवळा व दिंडोरी तालुक्यांत वीज कोसळून तिघांचा मृत्यू झाल्याची घटना घडली. तर पशुधनाचे व शेतीमालाचेही नुकसान झाले. दुष्काळासह वादळी पावसामुळे दुहेरी सकंट ओढवल्याने शेतकऱ्यांवर मोठे आर्थिक संकट ओढवले आहे. मंगळवारी (ता. १६) जिल्ह्यातील मालेगाव, दिंडोरी, बागलाण, कळवण, सिन्नर तालुक्यांत अवकाळी पाउस झाला.

दिंडोरी तालुक्यातील अक्राळे येथे संपत उदार या वृद्धाचा, बागलाण तालुक्यातील जायखेडा येथे योेगेश बापू शिंदे तरुणाचा, तर देवळा तालुक्यातील वाजगाव येथेही हौसाबाई कुंवर या महिलेचा मृत्यू झाला. त्यांच्या जवळ असलेली शेळीदेखील दगावली. कळवण तालुक्यातील मौजे बिजोरे येथील शेतकरी विलास बबन वाघ यांच्या म्हशीचाही मृत्यू झाला. सिन्नर तालुक्याच्या पूर्व भागात पुन्हा झालेल्या गारपिटीने टरबूज, डाळिंब यांचे मोठे नुकसान झाले.

पुणे जिल्ह्याच्या उत्तर भागात असलेल्या जुन्नर, आंबेगाव, खेड, शिरूर तालुक्यांत दोन-तीन दिवसांपासून सातत्याने वादळी पाऊस पडत आहे. मंगळवारी (ता. १६) सोसाट्याचा वारा, मेघगर्जना, विजा, गारपिटीसह झालेल्या वादळी पावसाने उन्हाळी पिकांना फटका बसला आहे. जुन्नर तालुक्यातील येडगाव-भोरवाडी येथील गोठ्यावर वीज पडून शेतकरी महेश दत्तात्रेय भोर यांचा, तर चिंचोशी (ता. खेड) येथे हरिदास गोकुळे या शेतकऱ्याचा वीज अंगावर पडून मृत्यू झाला. कलिंगड, चिकू, केळी, गहू, कडवळ, डाळिंब आदी पिकांना फटका बसला आहे.

इतर अॅग्रो विशेष
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...