Agriculture news in marathi Pre-monsoon rains in Nashik Crops on 459 hectares hit | Page 2 ||| Agrowon

नाशिकमध्ये पूर्वमोसमी पावसाचा ४५९ हेक्टरवरील पिकांना फटका

टीम अॅग्रोवन
बुधवार, 12 मे 2021

नाशिक जिल्ह्याच्या विविध भागात एप्रिल महिन्याच्या अखेरीस ते मे महिन्याच्या पहिल्या सप्ताहात वादळी वाऱ्यासह झालेला पूर्वमोसमी पाऊस व गारपिटीमुळे शेती पिकांचे पुन्हा एकदा मोठ्या प्रमाणावर नुकसान झाले आहे.

नाशिक : जिल्ह्याच्या विविध भागात एप्रिल महिन्याच्या अखेरीस ते मे महिन्याच्या पहिल्या सप्ताहात वादळी वाऱ्यासह झालेला पूर्वमोसमी पाऊस व गारपिटीमुळे शेती पिकांचे पुन्हा एकदा मोठ्या प्रमाणावर नुकसान झाले आहे. त्यामुळे जिल्ह्यातील अडीच हजार शेतकरी या नुकसानीच्या तडाख्यात प्रभावित झाले आहेत. हे नुकसान ४५९.३३ हेक्टर क्षेत्रावर झाल्याची माहिती कृषी विभागाच्या नुकसानीच्या प्राथमिक अहवालानुसार समोर आली आहे. मात्र, क्षेत्रीय पातळीवर नुकसान अधिक असल्याचे शेतकऱ्यांचे म्हणणे आहे.

कृषी विभागाने क्षेत्रीय पातळीवरून २९ एप्रिल ते २ मे दरम्यान झालेले नुकसान संबंधित प्राथमिक अहवाल जाहीर केला. त्यामध्ये सर्वाधिक नुकसान उन्हाळी कांदा पिकाचे झाले आहे. भाजीपाला पिकांनाही मोठ्या प्रमाणावर फटका बसल्याचे माहितीवरून समोर आले आहे. मागील वर्षांपासून कोरोनाच्या पार्श्वभूमीवर लॉकडाउनमुळे बाजार समित्यांचे कामकाज अस्थिर आहे. त्यात नैसर्गिक आपत्तीमुळे नुकसान वाढल्याने शेतकऱ्यांवर संकट वाढतेच आहे.

पूर्वमोसमीच्या तडाख्यात कांद्याचे सर्वाधिक नुकसान कळवण व सटाणा तालुक्यात झालेले आहे. इगतपुरी तालुक्यात भाजीपाल्याचे नुकसान आहे. येवला, नांदगाव, इगतपुरी, त्र्यंबक व नाशिक तालुक्यातील नुकसान कृषी विभागाने विचारात घेतले आहे. ज्यामध्ये कांदा, बाजरी, भाजीपाला, मका व आंबा पिकाचे नुकसान आहे. इगतपुरी तालुक्यात मक्याचे नुकसान २ हेक्टरवर आहे तर त्र्यंबक तालुक्यात ४० हेक्टरवर आंब्याचे नुकसान आहे. 

चालू वर्षी प्रतिकूल परिस्थितीत भांडवल नसताना शेतकऱ्यांनी पदरमोड करून पिके उभी केली होती. अनेक शेतकऱ्यांची कांदा व भाजीपाला पिके काढणीला असताना पावसाच्या तडाख्यात ही पिके मातीमोल झाली आहेत. अनेक ठिकाणच्या भाजीपाला लागवडी ज्यामध्ये प्रामुख्याने हिरवी मिरची, टोमॅटो, कोबी, कारली, शेवगा, वांगी या सारख्या पिकांचे नुकसान झाले आहेत.  

 अनेक तालुक्यांतील नुकसानीचा उल्लेखच नाही 
कृषी विभागाने प्राथमिक नुकसानीची माहिती दिली. ही माहिती २९ एप्रिल ते २ मे दरम्यानची आहे. मात्र त्यानंतर जिल्ह्यात ९ मेपर्यंत वादळी वाऱ्यासह पूर्वमोसमी पाऊस झाला आहे. त्यामध्ये सिन्नर, पेठ, निफाड, चांदवड, दिंडोरी व देवळा तालुक्यांत नुकसान असताना या अहवालात त्याचा कुठेही उल्लेख नाही. त्यामुळे हे नुकसान प्रत्यक्षात अधिक आहे. मात्र, शेतकऱ्यांनी कृषी विभागाला संपर्क केला असता पंचनाम्याचे आदेश नसल्याचे सांगितले जात आहे. त्यामुळे पंचनामे करून नुकसानभरपाई मिळावी, अशी मागणी शेतकऱ्यांकडून होत आहे.

जिल्ह्यातील नुकसान असे

  • जिल्ह्यात बाधित शेतकरी    १२२४
  • एकूण नुकसानग्रस्त गावे    ५४

इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...