मराठवाड्यातील ९८ मंडळांमध्ये पूर्वमोसमी पाऊस

परभणी ः मराठवाड्यातील औरंगाबाद, बीड, उस्मानाबाद, लातूर, परभणी, नांदेड, हिंगोली या सात जिल्ह्यांतील ९८ मंडळांमध्ये रविवारी (ता. ९) सकाळी आठ वाजेपर्यंतच्या २४ तासांत मध्यम ते जोरदार पाऊस झाला. अनेक भागांत वादळी वाऱ्यांमुळे फळपिकांचे नुकसान झाले.

औरंगाबांद जिल्ह्यातील उस्मानपुरा मंडळात (३० मिमी), काचंनवाडी, वैजापूर (१२), बालानगर (८), खंडाळा, लासूरगांव, पिंपळगाव या सात मंडळामध्ये पाऊस झाला. बीड जिल्ह्यातील नेकनूर, अंबाजोगाई, बर्दापूर (१७), लोखंडी सावरगाव (६), ममदापूर (९), धारूर, परळी या आठ मंडळांमध्ये पाऊस झाला. 

लातूर जिल्ह्यातील ४५ मंडळांत पाऊस झाला. यामध्ये लातूर मंडळात (८), कासारखेडा (१८), गातेगाव (१८), तांदुळजा (७),  मुरुड (११), बाभळगाव (१४),  हरंगुळ (१२), चिंचोली (२१), औसा (८),  लामजणा (२६),  किल्लारी (१८), मातोळा (११), भादा (१५),  किनीथोट (११), बेलकुंड (१०),  रेणापूर (१०),  पोहरेगाव (११),  कारेपूर (५३),  पानगाव (१८), उदगीर (२०),  हेर (१२),  देवर्जन (२९),  वाढवणा (६), अहमदपूर (३२), किनगाव (६),  खंडाळी (२५),  शिरूरताजबंद (९),  हडोळती (१०),  अंधोरी (९), चाकूर (६),  वडवळ नागनाथ (८),  नळेगाव (८),  झरी बु. (१०),  शेळगाव (४९), निलंगा (३९), अंबुलगा (३७), पानचिंचोली (१३), देवणी (१४), वलांडी (१४), शिरूळ अनंतपाळ (९), साकोळी (२७).

उस्मानाबाद जिल्ह्यातील २२ मंडळांमध्ये पाऊस झाला. यामध्ये उस्मानाबाद शहर (१०), तेर (१९),  बेम्बाळी (१४), केशेगाव (१८), जळकोट (१५), उमरगा (१०), लोहरा (३२), माकणी (२२), जेवळी (२९) आदी मंडळांचा समावेश आहे. परभणी जिल्ह्यातील १५ मंडळांमध्ये हलका ते जोरदार पाऊस झाला. सिंगणापूर मंडळात (१५), जांब (११), चाटोरी (९), गंगाखेड (१२),  राणीसावरगाव (१९) आदी मंडळांचा समावेश आहे.

हिंगोली, नांदेड जिल्ह्यांतील प्रत्येकी एका मंडळामध्ये पाऊस झाला. इटोली (ता. जिंतूर, जि. परभणी) येथे झालेल्या वादळी वाऱ्यांमुळे शेत शिवारात शेतकऱ्यांनी दुष्काळात जिवापाड जपलेल्या केळी फळबागा मोडून पडल्यामुळे शेतकऱ्यांचे लाखो रुपयांची नुकसान झाले आहे. शासनाने पंचनामा करून आर्थिक मदत द्यावी, अशी मागणी आसाराम घुगे, जगदीश घुगे, दत्तराव घुगे यांनी केली आहे.