हवामान अंदाज
हवामान अंदाज

राज्यात पावसाचा जोर वाढण्याची शक्यता

पुणे ः मराठवाडा, छत्तीसगड ते बंगालचा उपसागर या भागात कमी दाबाचे क्षेत्र आहे. तर अरबी समुद्र, कोकण, गोवा या परिसरात चक्राकार वाऱ्यांची स्थिती आहे. यामुळे राज्यात पावसाचा जोर वाढणार आहे. शुक्रवारी सकाळी आठ वाजेपर्यंतच्या चोवीस तासांमध्ये कोकण आणि मध्य महाराष्ट्रात पावसाच्या जोरदार सरी कोसळल्या आहेत. महाबळेश्वर येथे राज्यातील सर्वाधिक २७० मिलिमीटर पाऊस पडल्याची नोंद झाली आहे. मराठवाडा व विदर्भातही तुरळक ठिकाणी हलक्या सरी पडल्या.   गेल्या आठवड्यापासून कोकण, मध्य महाराष्ट्र, खान्देश या भागात हवामान ढगाळ आहे. यामुळे कोकणात बहुतांशी भागात मुसळधार पाऊस पडत आहे. कोकणातील पोलादपूर येथे सर्वाधिक १९० मिलिमीटर पाऊस पडल्याची नोंद झाली आहे. तर जव्हार, तलासरी, महाड, मोखेडा, भिरा, मंडनगड, माथेरान, मानगाव, तला, कर्जत या ठिकाणी मुसळधार पाऊस पडला आहे. तर अनेक ठिकाणी हलका ते मध्यम स्वरूपाचा पाऊस पडला. मध्य महाराष्ट्रातील पुणे, सातारा, सांगली, कोल्हापूर, नगर, नाशिक या जिल्हांतील अनेक भागात पावसाची संततधार सुरू आहे. यामुळे पिकांना काही प्रमाणात दिलासा मिळत आहे. नाशिकमधील त्र्यंबकेश्वर येथे १९०, तर भोरमधील भोलावडे येथे १८१ मिलिमीटर पाऊस पडल्याची नोंद झाली आहे. तर इगतपुरी १६०, जावळी मेढा १३०, पेठ ११०, पाटण ११०, वेल्हे १०० मिलिमीटर पाऊस पडला. यामुळे नद्या दुथडी भरून वाहत असून धरणातील पाणीपातळीत झपाट्याने वाढ होऊ लागली आहे. सोलापूर, नगर, पुणे, नाशिक, सातारा, सांगली या जिल्ह्याच्या पूर्वेकडील तालुक्यातही पावसाच्या अधूनमधून सरी पडल्याने शेतकरी सुखावला आहे. तसेच कोयना (नवजा) या घाटमाथ्यावर २७०, अंबोने २००, कोयना १९०, दावडी १७०, शिरगाव, डुगरवाडी, खोपोली १४०, लोणावळा, ताम्हिणी १३०, भिरा १२०, शिरोटा, वानगाव, खांड ११०, भिवपुरी १०० मिलिमीटर पाऊ पडला. 

मराठवाड्यात हवामान ढगाळ असून तुरळक ठिकाणी हलक्या स्वरूपाचा पाऊस पडला. मराठवाड्यातील धर्माबाद, हिमायतनगर, माहूर, हदगाव, बिल्लोळी, किनवट, कल्लामनुरी, तुळजापूर, भूम, परांडा, मुदखेड, नांदेड येथे पावसाच्या हलक्या सरी बरसल्या. तर विदर्भातील भामरागड येथे सर्वाधिक ७० मिलिमीटर पाऊस पडला. तर अहिरी, बल्लापूर, जयोती, इटापल्ली, चंद्रपूर, मुळचेरा, राजूरा, चार्मोशी, कोपर्णा, शिरोंचा, गोंडपिंप्री, चिखल्दा, धानोरा, पुसद, वाशीम, मूल येथे जोरदार पाऊस पडला.   शुक्रवारी (ता. २) सकाळी साडे आठपर्यंतच्या चोवीस तासांमध्ये राज्यातील विविध ठिकाणी पडलेला पाऊस, मिलिमीटरमध्ये ः (स्त्रोत - हवामान विभाग) कोकण ः पोलादपूर १९०, जव्हार १६०, तलासरी १५०, महाड १३०, मोखेडा १३०, भिरा १२०, मंडनगड ११०, माथेरान, मानगाव, तला, कर्जत १००, म्हसळा, वाडा ९०, सुधागड पाली, पनवेल, मुरूड, श्रीवर्धन ७०, रोहा, शहापूर, खेड ६०, विक्रमगड, चिपळून, सावंतवाडी, संगमेश्वर देवरूख, पेणे, कल्याण ५०, सांताक्रुझ, दोडामार्ग, उल्हासनगर, खालापूर, मुलदे, ठाणे, लांजा, भिवंडी ४०, हर्णे, डहाणू, मुरबाड, कणकवली, कुडाळ, उरण, वैभववाडी, पालघर ३० मध्य महाराष्ट्र ः महाबळेश्वर २७०, त्र्यंबकेश्वर १९०, इगतपुरी १६०, जावळी मेढा १३०, पेठ ११०, पाटण ११०, वेल्हे १००, पौड, राधानगरी ९०, गगनबावडा ८०, वाई, चांदगड, नवापूर, शाहूवाडी, पन्हाळा ७०, भोर, लोणावळा, गारगोटी ६०, सातारा, सुरगाणा, कोरेगाव ५०, खेड, शिराळा, हरसूल, कागल, कराड, ओझरखेडा ४०, कडेगाव, खंडाळा बावडा, करवीर, कोल्हापूर, आजरा, गडहिंग्लज, आंबेगाव, हातकणंगले ३०, खटाव, वडगाव, शिरोळ, पुणे शहर, माळशिरस, दिंडोरी, नाशिक, वाळवा, इस्लामपूर, अकोले, मोहोळ २०,  मराठवाडा ः धर्माबाद ३०, हिमायतनगर, माहूर, हदगाव २०, बिल्लोळी, किनवट, कल्लामनुरी, तुळजापूर, भूम, परांडा, मुदखेड, नांदेड १०,  विदर्भ ः भामरागड ७०, अहिरी, बल्लापूर ५०, जयोती, इटापल्ली, चंद्रपूर, मुळचेरा ४०, राजूरा, चार्मोशी, कोपर्णा, शिरोंचा, गोंडपिंप्री, चिखल्दा, धानोरा, पुसद, वाशीम, मूल २०,  घाटमाथा ः कोयना (नवजा) २७०, अंबोने २००, कोयना १९०, दावडी १७०, शिरगाव, डुगरवाडी, खोपोली १४०, लोणावळा, ताम्हिणी १३०, भिरा १२०, शिरोटा, वानगाव,खांड ११०, भिवपुरी १००, ठाकूरवाडी ९०, वळवण ९०.

. . . . . . .

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com