agriculture news in Marathi, Preparation of Forest Department for Wildlife Conservation in farm | Agrowon

वन्यप्राणी बंदोबस्तासाठी वनविभागाचे उपाय सुरू

टीम अॅग्रोवन
मंगळवार, 28 मे 2019

नेसरी, जि. कोल्हापूर ः वन्यप्राण्यांकडून होणारे शेतीचे नुकसान व संभाव्य जीवितहानी टाळण्यासाठी तत्काळ ठोस उपाययोजना करण्याचा वनविभागाचा प्रयत्न आहे, अशी माहिती आजरा परिक्षेत्र वनाधिकारी डॉ. सुनील लाड यांनी दिली. अर्जुनवाडी (ता. गडहिंग्लज) येथे जिल्हा शिवसेना पदाधिकारी व वनविभागातर्फे आयोजित आढावा बैठकीत ते बोलत होते. 

नेसरी, जि. कोल्हापूर ः वन्यप्राण्यांकडून होणारे शेतीचे नुकसान व संभाव्य जीवितहानी टाळण्यासाठी तत्काळ ठोस उपाययोजना करण्याचा वनविभागाचा प्रयत्न आहे, अशी माहिती आजरा परिक्षेत्र वनाधिकारी डॉ. सुनील लाड यांनी दिली. अर्जुनवाडी (ता. गडहिंग्लज) येथे जिल्हा शिवसेना पदाधिकारी व वनविभागातर्फे आयोजित आढावा बैठकीत ते बोलत होते. 

या वेळी गवे, हत्ती व अन्य वन्यप्राण्यांकडून होणाऱ्या शेती नुकसानीबाबत शिवसेना पदाधिकारी, वनाधिकारी, शेतकरी यांच्यात चर्चा झाली. बैठकीस जिल्हाप्रमुख विजय देवणे, सहसंपर्कप्रमुख सुनील शिंत्रे, संघटक संग्राम कुपेकर, उपजिल्हाप्रमुख प्रभाकर खांडेकर यांची उपस्थिती होती. या वेळी अर्जुनवाडीकरांना वन्यजीवांपासून शेतीच्या संरक्षणासाठी सूरबाणांचे वाटप करण्यात आले.

देवणे म्हणाले, ‘‘वन्यप्राण्यांकडून होणारे शेतीचे नुकसान, संभाव्य जीवितहानी टाळण्यासाठी वनविभागाने उपाययोजना करावी, अन्यथा शिवसेना स्टाइलने वनविभाग कार्यालयावर आंदोलन करू. हत्ती नागरी वस्तीत येऊ नये म्हणून उपाययोजना करा, शेतीची भरपाई बाजारभावाप्रमाणे मिळावी, वन्यप्राण्यांसाठी चारापाणी व्यवस्था जंगलात करावी, प्रतिबंधक चरीही खोदाव्यात.’’

कुपेकर यांनी चंदगड मतदारसंघात वन्य प्राण्यांकडून शेतीचे नुकसान नित्याचे झाले असून, तुटपुंजी असलेली भरपाई वाढवून देण्याची सूचना केली. शिंत्रे यांनी हत्ती किंवा गवे आले म्हणून तात्पुरती उपाययोजना करू नये, अशी सूचना केली. खांडेकर यांनी शिवसेनेतर्फे सामान्यांना न्याय मिळवून देण्याचा प्रयत्न असल्याचे सांगितले. 

डॉ. लाड म्हणाले, ‘‘कोणताही वन्यप्राणी दिसताच त्याची माहिती वनविभागाला द्यावी. वनविभागातर्फे नियोजनबद्ध या प्राण्यांना जंगल भागात हाकलले जाईल. दंगा, मस्ती किंवा हुसकविण्याचा प्रयत्न करू नका. वन्यप्राण्यांकडून झालेल्या पिकांची नुकसान भरपाई देण्यात येईल. वन्यजीवासाठी वनतळी, हत्ती प्रतिबंधक चर खोदणे, बांबू लागवड, लोखंडी कुंपण आदी उपाययोजना सुरू आहेत. आजरा परिक्षेत्रासाठी लवकरच रेस्क्‍यू व्हॅनही येणार आहे.’’ 

सरपंच श्यामराव नाईक, संजय मंडलिक, उपसरपंच रामचंद्र पाटील, प्रकाश पाटील, नारायण पाटील, शिवाजी पाटील, पांडुरंग जाधव, दत्ता पाटील, महेंद्र पाटील आदींनी चर्चेत भाग घेतला.


इतर बातम्या
खातेवाटप जाहीर : सुभाष देसाईंकडे कृषी,...मुंबई : मुख्यमंत्री उद्धव ठाकरे यांच्या...
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...
औरंगाबाद जिल्ह्यात गव्हावर आढळला...औरंगाबाद : जिल्ह्यातील गव्हाच्या पिकावर खोडमाशीचा...
नावातील त्रुटी दुरुस्तीसाठी...वाशीम : पंतप्रधान शेतकरी सन्मान निधी योजनेअंतर्गत...
रत्नागिरी जिल्ह्यात खरिपाच्या विमा...रत्नागिरी : शेतकऱ्यांना नुकसानभरपाई मिळावी,...
शिरोळ, हातकणंगले तालुक्यांत ऊस...कोल्हापूर : ऊस वाहतूकदारांना नऊ टक्के वाढ...
‘नासाका’ सुरू करण्यासाठी शरद पवारांना...नाशिक : ‘नासाका’ पुन्हा सुरू व्हावा यासाठी दिल्ली...
कृषिपंपांना कॅपॅसिटर बसवा, ऑटो स्विचचा...नाशिक : वीजपुरवठा सुरू झाल्यानंतर कृषिपंप तत्काळ...
नांदेड, परभणी, हिंगोली जिल्ह्यांत दोन...नांदेड : नांदेड, परभणी, हिंगोली जिल्ह्यांत...
गाई, म्हशीच्या सुलभ प्रसूतीसाठी ‘शुभम’...माळेगाव, जि. पुणे ः शेती, पशुपालन करताना येणाऱ्या...
पीकविम्याच्या भरपाईसाठी प्रस्ताव पाठवा...सोलापूर : उत्तर सोलापूर, नरखेड, मार्डी, शेळगी,...
पुणे विभागातील १७०० गावांमधील भूजल...पुणे  ः यंदा मुबलक प्रमाणात पाऊस झाला असला,...
विदर्भात गारपिटीची शक्यतापुणे ः पावसाला पोषक वातावरण तयार झाल्याने...
नगर जिल्ह्यातील कारखान्यांकडून पावणेसात...नगर  ः जिल्ह्यात १४ सहकारी व नऊ खासगी असे...
नवीन लाल कांद्याच्या दरात चढ-उतारनाशिक: अतिवृष्टीमुळे अनेक खरीप कांदा लागवडी बाधित...
कांद्यानंतर 'या' पिकावर साठा मर्यादा...नवी दिल्ली: देशात यंदा कडधान्याचे उत्पादन...
भंडारा : शेतकऱ्यांना आज होणार विमा...मुंबई : भंडारा जिल्ह्यातील शेतकऱ्यांना खरीप २०१९...
...म्हणून सहा एकरांवरील द्राक्षबागेवर...नाशिक  : निफाड तालुक्यातील सोनेवाडी येथे...
‘पीजीआर’साठी जाचक नियमावली नकोपुणे : बिगर नोंदणीकृत जैव उत्तेजकांना (...