सातारा जिल्ह्यात पावसाची हजेरी

सातारा ः जिल्ह्यात रविवारी पूर्वमोसमी पावसाने चांगली हजेरी लावली. त्यापूर्वी आलेल्या वादळी वाऱ्याने सातारा शहरासह कऱ्हाड, कोरेगाव तालुक्‍यांत या पावसाने अनेक ठिकाणी झाडे उन्मळून पडली. तर घरांवरील पत्रे उडाल्याच्या घटना घडल्या.
Presence of rain in Satara district
Presence of rain in Satara district

सातारा ः जिल्ह्यात रविवारी पूर्वमोसमी पावसाने चांगली हजेरी लावली. त्यापूर्वी आलेल्या वादळी वाऱ्याने सातारा शहरासह कऱ्हाड, कोरेगाव तालुक्‍यांत या पावसाने अनेक ठिकाणी झाडे उन्मळून पडली. तर घरांवरील पत्रे उडाल्याच्या घटना घडल्या. दरम्यान, पालकमंत्री बाळासाहेब पाटील यांनी तातडीने या घटनेची दखल घेत प्रशासनाला पंचनामे करण्याचे आदेश दिले आहेत.

सातारा शहरात दुपारी एकच्या सुमारास वादळी वाऱ्यासह मॉन्सूनपूर्व पावसाने हजेरी लावली. कऱ्हाड तालुक्‍याच्या विविध भागात दुपारपासून पाऊस झाला. विजांच्या कडकडाटासह पडलेल्या पावसाने अनेकांची तारांबळ उडाली. वादळी वाऱ्यासह झालेल्या पावसाने कृष्णा काठावरील अनेक गावांत हजेरी लावली.

या तालुक्यातील वडगाव हवेली परिसरात दुपारी सोसाट्याच्या वाऱ्यासह झालेल्या वादळी पावसाने घराची पडझड तसेच घरावरील छताचे पत्रे उडून गेले. घरासमोर उभा केलेल्या ट्रॅक्‍टरवर झाड पडून लाखो रुपयांचे नुकसान झाले. अचानक हजेरी लावलेल्या या वादळी पावसाने शेतकरी वर्गाची दैना उडाली. ग्रामपंचायत तसेच तलाठी कार्यालयामार्फत झालेल्या नुकसानीचे पंचनामे करण्यात आले आहेत.

रविवारी दुपारी बाराच्या सुमारास सोसाट्याचे वारे सुटून वादळी पावसाने तडाखा दिला. वाऱ्यासह गारांचा वर्षाव होऊ लागला. साधारण अर्धा तास पावसाने दमदार हजेरी लावल्याने शेतकरी वर्गात समाधानाचे वातावरणात निर्माण झाले. ऊस, हळद, भात पिकास हा पाऊस उपयुक्त ठरला असला, तरी प्रचंड वेगाने वाहणाऱ्या वादळी वाऱ्याने व पावसाने लाखो रुपयांचे नुकसान झाले. महाबळेश्‍वर तालुक्यात अनेक ठिकाणी मुसळधार पाऊस झाला.

सातारा तालुक्यात काही ठिकाणी चांगला पाऊस झाला. कोरेगाव तालुक्यातील रहिमतपूर परिसरात गारा व विजांच्या कडकडाटासह जोरदार वादळी वाऱ्यासह पावसाला सुरवात झाली. वादळी वाऱ्यारहिमतपूरमधील अनेक घरांचे पत्रे उडाले. झाडांसह विजेचे खांब उन्मळून पडले. यामुळे वीज प्रवाह रात्री उशिरापर्यंत खंडित झाला होता. हा खरिपातील पेरणी पूर्व कामांना फायदेशीर उपयुक्त ठरणार आहे.सोमवारी सकाळपासून बहुतेक ठिकाणी ढगाळ वातावरण व हलका पाऊस झाला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com