कोकण, मध्य महाराष्ट्रात मुसळधार पावसाची हजेरी

पुणे : बंगालच्या उपसागरातील कमी दाबाचे क्षेत्र पोषक ठरल्याने कोकण, मध्य महाराष्ट्रात पावसाचा जोर वाढला आहे. घाटमाथ्यासह सह्याद्रीच्या पूर्व उतारावरील पुणे, नगर, नाशिक, सातारा जिल्ह्यातील धरणांच्या पाणलोट क्षेत्रात दमदार पाऊस पडत असल्याने नद्यांची पाणीपातळी वाढली असून, धरणांच्या पाणीसाठ्यात वेगाने वाढ होत आहे.

सोमवारी (ता. १३) सकाळपर्यंतच्या २४ तासांमध्ये कोकण, मध्य महाराष्ट्र, घाटमाथ्यावर अनेक ठिकाणी मुसळधार पावसाने हजेरी लावली आहे. विदर्भात तुरळक ठिकाणी जोरदार पाऊस पडला असून, मराठवाड्यात हलक्या ते मध्यम सरी पडल्या.

कोल्हापूर जिल्ह्यातील गगणबावडा येथे सर्वाधिक १५० मिलिमीटर पावसाची नोंद झाली तर कोकणातील बेलापूर येथे १४० मिलिमीटर, राजापूर १३०, हर्णे, मोखेडा, तसेच मध्य महाराष्ट्रातील महाबळेश्वर, पेठ येथे १०० मिलिमीटर पावसाची नोंद झाल्याचे हवामान विभागातर्फे सांगण्यात आले.

कोकण : बेलापूर १४०, राजापूर १३०, हर्णे, मोखेडा प्रत्येकी १००, दापोली, जव्हार, कल्याण प्रत्येकी ९०, खालापूर, माथेरान, पोलादपूर, वाडा प्रत्येकी ७०, अलिबाग, डहाणू, मंडणगड, पेण, संगमेश्वर देवरुख, सावंतवाडी, ठाणे, विक्रमगड प्रत्येकी ६०, अंबरनाथ, भिवंडी, दोडामार्ग, मालवण, पनवेल, शहापूर, उल्हासनगर प्रत्येकी ५०.

मध्य महाराष्ट्र : गगनबावडा १५०, महाबळेश्वर, पेठ प्रत्येकी १००, इगतपुरी, नवापूर प्रत्येकी ९०, अक्कलकुवा, भोर, लोणावळा (कृषी), सुरगाणा प्रत्येकी ७०, हर्सूल, त्र्यंबकेश्वर प्रत्येकी ६०, ओझरखेडा, राधानगरी प्रत्येकी ५०, चंदगड, शिरपूर, वेल्हे प्रत्येकी ४०, अकोले, दिंडोरी, खंडाळा बावडा, पन्हाळा, पौड मुळशी, शाहूवाडी, श्रीरामपूर प्रत्येकी ३०.

मराठवाडा : नांदेड, परांडा ४०, पूर्णा ३०, औरंगाबाद, कंधार, खुलताबाद, नायगाव खैरगाव प्रत्येकी २०.

विदर्भ: सालेकसा ८०, आमगाव ५०, धानोरा, गोंदिया, गोरेगाव, कुरखेडा, पोंभुर्णा प्रत्येकी ४०, भामरागड, चामोर्शी, गोंडपिपरी, मुलचेरा, पारशीवणी, तिरोडा प्रत्येकी ३०.