खानदेशात कांद्याच्या दरावर दबाव

जळगाव ः खानदेशातील प्रमुख बाजार समित्यांमध्ये लाल कांद्याच्या आवकेत वाढ होत आहे. लाल कांद्याची आवक या आठवड्यात धुळे, साक्री, जळगाव येथील बाजारात वाढली आहे.
Pressure on onion prices in Khandesh
Pressure on onion prices in Khandesh

जळगाव ः खानदेशातील प्रमुख बाजार समित्यांमध्ये लाल कांद्याच्या आवकेत वाढ होत आहे. लाल कांद्याची आवक या आठवड्यात धुळे, साक्री, जळगाव येथील बाजारात वाढली आहे. परिणामी दरावरील दबावही अधिक झाल्याची स्थिती असून, किमान दर ७०० व कमाल दर १४०० रुपये प्रतिक्विंटल एवढा आहे. 

कांदा दरात गेल्या २० ते २२ दिवसात क्विंटलमागे किमान ११ हजार रुपयांची घसरण झाली आहे. लाल कांद्याचे दर गेल्या महिन्याच्या मध्यात किमान ८०० व कमाल २२०० रुपये प्रतिक्विंटलवर स्थिर होते. कांद्याला उठावही बऱ्यापैकी होता. कारण  कोरोनाची समस्या कमी होती. लग्नसराई वेगात सुरू होती. परंतु कांद्याची आवक मागील चार दिवसात धुळे, जळगाव, पिंपळनेर (ता.साक्री) येथील बाजारात वाढली आहे. यातच जळगाव, धुळ्यात कोरोना रुग्णांची संख्या वाढत आहे. धुळ्यात ३१ मार्चपर्यंत आठवडी बाजार बंद आहेत. 

जळगाव जिल्ह्यातही आठवडी बाजार शहरात बंद आहेत.  तर ज्या गावात कोरोना रुग्ण आढळले, तेथील आठवडी बाजारही बंद आहेत. हॉटेल व्यवसाय, लग्नसराई यावर परिणाम झाला आहे. यामुळे कांद्याचा उठाव निम्म्याने कमी झाला आहे. त्याचा फटका शेतकऱ्यांना बसत आहे. 

जळगाव येथील बाजारात कांद्याची आवक या आठवड्यात प्रतिदिन ५०० क्विंटल एवढी आहे. धुळ्यातही प्रतिदिन सरासरी ८०० क्विंटल आवक झाली. साक्री व पिंपळनेर येथेही लाल कांद्याची आवक वाढत आहे. किमान दर ७०० रुपये व कमाल १४०० आणि सरासरी दर १००० रुपये प्रतिक्विंटल आहे. सर्वत्र अशीच स्थिती आहे. अनेक शेतकऱ्यांनी कांद्याची काढणी लांबणीवर टाकली आहे. परंतु पुढेही दरात घसरण सुरूच राहील, असे सांगितले जात आहे. 

आवक वाढण्याचा अंदाज

रखडलेली आवक पुढे आणखी वाढेल. कांदा अधिक दिवस शेतात राखून ठेवणे शक्य नाही, अशी स्थिती शेतकऱ्यांसमोर तयार झाली आहे. जो खर्च केला आहे, तो निघेल की नाही, अशी स्थिती असल्याने शेतकऱ्यांची वित्तीय हानी होईल, असेही दिसत आहे. आठवडी बाजार बंद असल्याने पुढे त्याचा पुरवठा करणे अशक्य झाल्याचे अडतदार, व्यापाऱ्यांचे म्हणणे आहे. यातच यंदा लागवड अधिक होती. यामुळेदेखील आवक अधिक राहील, अशी माहिती मिळाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com