agriculture news in Marathi pressure of sugar selling Maharashtra | Agrowon

साखर विक्रीचा दबाव कायम 

राजकुमार चौगुले
रविवार, 31 जानेवारी 2021

साखर विक्रीच्या दबावाखाली आलेल्या कारखान्यांनी आता नाइलाजास्तव कमी किमतीत साखरेची विक्री सुरू केली आहे.

कोल्हापूर : साखर विक्रीच्या दबावाखाली आलेल्या कारखान्यांनी आता नाइलाजास्तव कमी किमतीत साखरेची विक्री सुरू केली आहे. महाराष्ट्रात साखरेची विक्री २९५० पासून ३१५० रुपये प्रति क्विंटल दराने सुरू असल्याचे काही कारखाना प्रतिनिधींनी सांगितले. किमान विक्री मूल्य ३१०० रुपये असले तरी या दराला मागणी नसल्याने कारखानदार हवालदिल झाल्याचे चित्र याही महिन्यात कायम राहिले. 

जानेवारीच्या शेवटच्या सप्ताहातही कारखानदारांवर साखर विक्रीचा दबाव कायम राहिला. जानेवारी संपत आला तरी जानेवारीच्या कोट्याची साखर विक्री करण्यासाठी देशातील कारखान्यांची केविलवाणी धडपड सुरूच राहिली. यामुळे साखर दरातही वाढ झाली नाही. 

दरम्यान, केंद्राने गुरुवारी (ता.२८) फेब्रुवारी महिन्यातील साखर विक्री कोटा जाहीर केला. फेब्रुवारी महिन्यासाठी १७ लाख टन विक्रीचे उद्दिष्ट केंद्राने दिले आहे. जानेवारीच्या तुलनेत किमान ३ लाख टनांनी हा कोटा घटविल्याने कारखान्यांना काही प्रमाणात दिलासा मिळाला. ५४८ कारखान्यांना हा कोटा विभागून दिला आहे. गेल्या दोन महिन्यांचा आढावा घेतल्यास केंद्राने गेल्या वर्षीच्या तुलनेत कोट्यात घटच केलेली आहे. इतके असूनही साखर विक्री होत नसल्याने साखर विक्रीचा प्रश्‍न गंभीरच बनतच असल्याचे चित्र आहे. अजूनही शीतपेय उत्पादक कंपन्या साखरेची मागणी नोंदवत नसल्याने कारखानदारांपुढे बल्क विक्रीची समस्या उभी ठाकली आहे. 

कोटा कमी आल्याने बाजारात काही प्रमाणात तरी सकारात्मक वातावरण राहील, अशी अपेक्षा साखर उद्योगाची आहे. यंदाचा हंगाम सुरू होऊन चार महिने झाले आहेत. साखर उत्पादन द्रुतगतीने होत असल्याने चिंतेत भर पडली आहे. कोणत्याही परिस्थितीत साखरेचे किमान विक्री मूल्य वाढविल्याशिवाय बाजारात तेजीचे वातावरण राहणे अशक्‍य असल्याचे साखर उद्योगातील सूत्रांनी सांगितले.

केंद्राने केलेली कोट्यातील घट व फेब्रुवारीत लागणारी उन्हाळ्याची चाहूल कारखानदारांना साखर विक्रीसाठी फायदेशीर ठरेल असा अंदाज असला, तरी शिल्लक साठ्याचा दबाव हा हंगाम संपेपर्यंत कायमच राहील अशी भीती आहे. 

साखरेचे जानेवारीतील दर (रुपये/क्विंटल) 

राज्य किमान कमाल
महाराष्ट्र २९५० ३१५० 
कर्नाटक ३०७५ ३१५०
उत्तर प्रदेश ३१०० ३२१५ 
गुजरात ३१०० ३१५० 
तमिळनाडू ३१०० ३२५० 

इतर अॅग्रो विशेष
अन्नधान्य भाववाढीच्या चर्चा निराधारपुणे : सध्या अन्नधान्य महागाईच्या चर्चांना ऊत आला...
राज्यात थंडीची चाहूलपुणे : नैऋत्य मोसमी वारे (मॉन्सून)...
इंधन दरवाढ, महागाई दिसत नाही, कांद्याची...नाशिक : एकीकडे इंधन खर्च, निविष्ठांचे वाढते दर,...
पावसामुळे द्राक्ष हंगामात अडचणी वाढल्यानाशिक : सप्टेंबर महिन्यापासून द्राक्ष उत्पादक...
सरासरी ते सरासरीपेक्षा कमी तापमानाचा...पुणे : नैर्ऋत्य मोसमी वाऱ्यांनी (मॉन्सून) १४...
महाराष्ट्राच्या समृद्ध पीकसंपदेचा...संगमनेर, जि. नगर ः ‘‘महाराष्‍ट्रात पिकांची मोठी...
सांगली जिल्ह्यात ५० टक्के द्राक्ष...सांगली : जिल्ह्यात द्राक्ष पिकाच्या फळछाटणीची गती...
लखीमपूर खेरी घटनेतील  शेतकऱ्यांच्या...वर्धा : उत्तर प्रदेशातील लखीमपूर खेरी येथे भाजप...
राज्यभरात निघणार लखीमपूर खेरी  किसान...  नाशिक : उत्तर प्रदेशमधील लखीमपूर खेरी...
गोड्या पाण्यात निर्यातक्षम व्हेमानी...गोड्या पाण्यात कोळंबी व त्यातही ‘व्हेनामी’ जातीचे...
‘ऑयस्टर’ मशरूमला मिळवली बाजारपेठसांगली जिल्ह्यातील बावची येथील प्रदीप व राजेंद्र...
कृषी विकासाचे भगीरथ ठरलेल्या...पुणे : कष्टकरी शेतकऱ्यांच्या मनगटाला बारा...
राज्यात ‘ऑक्टोबर हीट’चा प्रभावपुणे : राज्याच्या तापमानात चढ-उतार सुरूच आहेत....
शेती, पर्यावरण संवर्धनातून वाघापूरची...पुणे जिल्ह्यात वाघापूर गावाने लोकसहभागातून आपले...
भाजपतर्फे एक नोव्हेंबरला काळ्या फिती...परभणी : मराठवाडा, विदर्भातील अतिवृष्टिग्रस्त...
नाशिक :कांदा व्यापाऱ्यांवर आयकर...नाशिक : जिल्ह्यात कांदा विक्रीसाठी आघाडीवर...
गुजरातमधून गुळाला मागणी वाढलीकोल्हापूर : यंदा गुजरातमधून गुळाला मागणी वाढत आहे...
अनिश्‍चित काळासाठी रस्ते अडविता येणार...नवी दिल्ली ः आंदोलन करण्याचा शेतकऱ्यांना अधिकार...
निर्यात पडतळमुळे सोयाबीन दराला आधारपुणे : देशात सोयापेंडचे दर अधिक होते त्यामुळे...
राज्याच्या तापमानात चढ-उतारपुणे : राज्यात पावसाने उघडीप दिल्यानंतर तापमानात...