agriculture news in marathi, price of cattle become decrease, sangli, maharashtra | Agrowon

मिरज बाजारात जनावरांचे दर घटले
अभिजित डाके
रविवार, 31 मार्च 2019

चारा नाही, पाणी नाही. वैरण विकत देखील मिळत नाही. जनावरं जगवायची कशी, असा प्रश्न आहे. दूध व्यवसाय अडचणीत आला आहे. त्यामुळे मिरज येथील जनावरे बाजारात गाई विकायला घेऊन आलोय. पूर्वी दूधाळ गाईची किंमत ६० ते ७० हजार होती आता ३० ते ४० हजार रुपयांना पण कोणी घेत नाही. 
- मारुती आण्णा जाधव, कवठेमहंकाळ, जि. सांगली.
 

 सांगली ः चारा महागलाय, पाणी नाय, केवळ दुधाच्या पैश्यावर प्रपंच चालवणं कठीण झालाय. दोन पैक मिळत्याल म्हणून दावणीची जित्राबं इकायला घेऊन आलुया. बाजारात बी दर पडल्याती. दुभत्या जनावरांचा दर ६० हजार ते ७० हजार रुपयांवरुन ३० ते ४० हजार रुपयांपर्यंत कमी झाल्याती; तरीबी कुणी जनावरं खरेदी करत नसल्याचे मिरज येथील बाजारात जनावरे विक्रीसाठी आलेले पशुपालक हताश होऊन सांगत होते.

मिरज येथे दर बुधवारी जनावरांचा बाजार भरला जातो. या बाजारात मंगळवारी रात्रीपासून जनावरांची आवक होते. हा बाजार पश्चिम महाराष्ट्रात प्रसिद्ध आहे. सांगली जिल्ह्यासह, सोलापूर, कर्नाटक, कराड, शिरोळ, हातकणंगले भागातून येथे जनावरे विक्रीसाठी पशूपालक येतात. व्यापाऱ्यांची संख्या देखील जास्त आहे. खरेदी करण्यासाठी नेहमीच चढाओढ राहत असल्याने सातत्याने दर चढे राहतात. 

दुष्काळी भागातील जनावरांना चारा मिळत नसल्याने मिरज येथे बुधवारी (ता.२७) सकाळपासून गाई, म्हैशी विक्रीसाठी येत होत्या. जनावरे विक्रीसाठी पशुपालकांची धडपड सुरू होती. जनावरांचा दर चांगले मिळतील अशी त्यांना आशा होती. व्यापारी जनावरे खरेदीसाठी पुढे येत होते. केवळ दराची चौकशी करत होते. खरेदी केली तर चारा कुठून आणायचा, असा प्रश्न व्यापाऱ्यांच्या चेहऱ्यावर दिसत होता. त्यामुळे जनावरांची खरेदी देखील कमी झाली असल्याचे चित्र बाजारात दिसत होते. 

पन्नास टक्क्यांनी आवक झाली कमी
सांगलीसह सोलापूर जिल्ह्यात दुष्काळाची दाहकता वाढली आहे. चाऱ्याचीही अवस्था बिकट झाली आहे. जनावरे कशी जगवायची या विवंचनेत पशुपालक आहेत. वैरणीचा दर शेकडा चार ते पाच हजार रुपये आहे. तेही न परवडणारे आहेत. जनावरांना चारा उपलब्ध होत नसल्याने पशूपालक जनावरे विक्रीसाठी पुढाकार घेत आहेत. मात्र, जनावरे खरेदीसाठी कोणीच पुढे येत नसून खरेदी करण्यांची संख्यादेखील कमी झाली आहे. त्यामुळे जनावरांच्या बाजारात ५० टक्के आवक कमी झाली आहे.
--
म्हशींना मागणी; पण खरेदीसाठी उत्साह नाही
मिरज बाजारात गाई आणि म्हशींची आवक कमी झाली आहे. परंतु म्हैशींच्या दरात १० ते १५ हजार रुपयांनी वाढ झाली आहे.  म्हशींचे दर जरी वाढले असले तरी खरेदीसाठी पशूपालक पुढे येताना दिसत नाहीत. बहुतांश नदीकाठचे पशुपालक म्हशींची खरेदी करतात. परंतु दहा म्हशी मागे दोन ते तीन म्हशींची खरेदी होताना दिसते आहे.

गाईच्या दुधाचे दर फारच कमी आहेत. शासनाने गाईच्या दुधाला अनुदान जाहीर केले, पण ते अद्यापही मिळालेले नाही. त्यामुळे जनावरे सांभाळणे मुश्कील झाल्याने गाई विक्रीस घेऊन आलोय. मात्र इथं पण गाईला दर मिळत नाही. अवघड परिस्थिती निर्माण झाली आहे,अशी माहिती तारदाळ, (जि. कोल्हापूर) येथील  निरगोंड तुकाराम जाधव यांनी सांगितले.

जानेवारीत असलेले गाईंचे दर

  • लहान    ८००० ते १५,०००
  • मोठी    १५,००० ते ७५,०००

सध्याचे गाईंचे दर

  • लहान    ३००० ते १०,०००
  • मोठी    १०,००० ते ४०,००० 

जानेवारीतील म्हशींचे दर 

  • रेडी     ६५०० ते १५,०००
  • म्हैस     ६५,००० ते ७०,००० 

सध्याचे म्हशींचे दर 

  • रेडी     ७५०० ते २०,०००
  • म्हैस     ७५,००० ते ९०,००० 

इतर अॅग्रो विशेष
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...
‘पक्षाघाता’च्या साथीत कायदा बासनात"व्हेन मेन आर प्युअर लॉज आर युजलेस. व्हेन मेन आर...
चिंता वाढविणारी उघडीपराज्यात मॉन्सूनच्या पावसाचा काहीसा जोर कमी झाला...
ऊन-सावल्यांच्या खेळात पावसाची दडी;...पुणे : मॉन्सून सक्रिय नसल्याने राज्याच्या बहुतांश...
पीकविम्यासाठी आतापर्यंत साडेतीन लाख...पुणे  : पंतप्रधान पीकविमा योजनेसाठी चालू...
कमी खर्चात वाइननिर्मितीचे तंत्र विकसित...पुणे : महाराष्ट्र विज्ञान वर्धिनीच्या आघारकर...
शेंगासोबतच शेवग्याची पावडर ठरतेय...संपूर्ण २० एकर क्षेत्रांमध्ये शेवगा लागवडीचा...
मराठवाड्यात दुष्काळाची धग कायमऔरंगाबाद : पावसाळा सुरू होऊन महिना उलटला,...
मराठा उमेदवारांच्या खुल्या प्रवर्गातील...मुंबईः मराठा आरक्षणाला स्थगिती असताना खुल्या...
मराठवाड्यात ४८ टक्‍के पेरणी; पिके...औरंगाबाद : मराठवाड्यातील खरिपाच्या ४९ लाख ९६...
बिस्किटउद्योगातून आर्थिक प्रगतीमौजे सांगाव (ता. कागल, जि. कोल्हापूर) येथील...
शेती, शिक्षण अन् ग्रामविकासात ‘वसुधा’...धुळे येथील वन्य सुस्थापन धारा (वसुधा) ही...
।। जातो माघारी पंढरीनाथा । तुझे दर्शन...पंढरपूर, जि. सोलापूर सावळ्या विठुरायाचे दर्शन आणि...