Agriculture news in Marathi The price of sugarcane has gone up | Agrowon

शेवग्याला दराची झळाळी

टीम अॅग्रोवन
गुरुवार, 9 डिसेंबर 2021

राज्यातील विविध बाजारपेठांमध्ये शेवग्याची मोठी टंचाई दिसून येत आहे. अनेक बाजारपेठांमध्ये शेवग्याच्या आवकेत मोठी घट झाली असून आवकही अनियमित होत आहे.

कोल्हापूर : राज्यात नुकत्याच झालेल्या मॉन्सूनोत्तर पावसामुळे राज्यात शेवग्याचे अतोनात नुकसान झाले आहे. फुलोऱ्याच्या वेळेसच पावसाने दणका दिल्याने फूलगळ झाली आहे. याचा फटका नव्याने येणाऱ्या शेवगा पिकाला बसला. यामुळे राज्यातील विविध बाजारपेठांमध्ये शेवग्याची मोठी टंचाई दिसून येत आहे. अनेक बाजारपेठांमध्ये शेवग्याच्या आवकेत मोठी घट झाली असून आवकही अनियमित होत आहे

मागणीइतका पुरवठा होत नसल्याने पंधरा दिवसांपासून शेवग्याच्या दरात विक्रमी वाढ झाली. गेल्या काही वर्षांत पहिल्यांदाच शेवग्याचे दर किलोस २०० ते ३०० रुपयांपर्यंत पोहोचले आहे. नवीन पीक येईपर्यंत वाढलेले दर कायम राहतील, असा अंदाज सूत्रांचा आहे

तज्ज्ञ व शेतकरी सूत्रांनी दिलेल्या माहितीनुसार थंडीमध्ये शेवग्याचे दर हे वाढलेलेच असतात. साधारणपणे शेवग्याचे दर हे ५० ते ८० रुपये दहा किलो सरासरी इतके असतात. थंडीचे प्रमाण वाढल्यास पीक कमी येत असल्याने फार फार तर १०० ते १५० रुपये इतका भाव काही काळ असतो. जानेवारीनंतर शेवगा सुरू झाल्यानंतर पुन्हा सरासरी इतके दर येतात. 

उष्ण व दमट हवामान शेवगा पिकाच्या वाढीस गरजेचे असते. कोरडे हवामान पिकाच्या फलधारणेसाठी अत्यंत लाभदायक व फायदेशीर ठरते. सरासरी तापमान २५-३० अंश सेल्सिअस फलधारणेच्या अवस्थेत महत्त्वाचे आहे. कडाक्याची थंडी या पिकाला मानवत नाही. गेल्या महिन्याभराचा कालावधी पाहिल्यास दररोज हवामान बदलत आहे. कधी  थंडी, तर कधी पाऊस यामुळे शेवग्याच्या फुलोऱ्याला हानी पोहोचत आहे. याचा विपरीत परिणाम शेवग्याच्या उत्पन्नावर झाला आहे.
- प्रा. संग्राम धुमाळ, कृषी महाविद्यालय, कोल्हापूर

या वर्षी वातावरण बदलाचा परिणाम हा शेवग्याच्या पिकांवर जास्त झाला. ढगाळ वातावरणामुळे पानगळ, फूलगळ अधिक झाली. फूलगळ झाली, की फुलाचे सेटिंग करणे अवघड होते. अनिश्‍चित हवामानामुळे शेवग्याचे उत्पादन कमी येत आहे. सध्या किलोस दोनशे रुपयांहून अधिक दर आहे. गेल्या दहा वर्षांपासून शेवगा शेंगेचे उत्पादन करतो, परंतु इतका दर पहिल्यांदाच मिळत आहे. 
- आदिनाथ किणीकर, कोगील बुद्रुक, ता. करवीर, जि. कोल्हापूर

यंदा प्रतिकूल हवामानामुळे मला शेवगा शेंग घेता आली नाही. राज्यातील विविध बाजारपेठांमध्ये शेवगा शेंग यंदा पहिल्यांदाच किलोस तीनशे रुपयांपर्यंत विकली जात आहे. शेवगा उत्पादनात सातत्य असते. दीडशे रुपयांपर्यंत दर आम्ही घेतला आहे. यंदा दुपटीने दर झाला आहे. मात्र, या दराचा लाभ आम्हास या वर्षी झाला नाही. याची खंत आहे.
- सागर खराडे, देवळाली, ता. भूम, जि. उस्मानाबाद
 


इतर अॅग्रो विशेष
उन्हाळी पिकांच्या क्षेत्रात २९ टक्के...केंद्र सरकारने धान वगळता उन्हाळी पिकांखालील (...
Top 5 News: हरियाणाचं कापूस उत्पादन...1. गेल्या 24 जानेवारीच्या रात्रीपासून...
उन्हाळी पिकांना केंद्र सरकार प्रोत्साहन...तेलबिया आणि कडधान्यांमध्ये आत्मनिर्भर (...
पावसामुळे रब्बी हंगामात बंपर उत्पादन...यंदाच्या हंगामात रब्बीच्या एकूण पेरणी क्षेत्रात...
येते दोन दिवस थंडीची लाट कायम राहणार?पुणे : गेल्या 24 जानेवारीच्या रात्रीपासून...
डीएपी खतांचा वापर कमी करा; एनपीके,...वृत्तसेवा - राज्यांनी एनपीके (NPK) आणि...
लोकाभिमुख उपक्रमांतून लोणीच्या विकासाला...परभणी जिल्ह्यातील लोणी बुद्रूक गावात लोकाभिमुख...
धुळे जिल्ह्यात पारा २.८ अंशांवरपुणे : उत्तर भारतातील शीत वाऱ्यांमुळे महाराष्ट्र...
खतांची चढ्या दराने विक्री नाशिक : रब्बी हंगामातील पिके सध्या जोमात आहेत....
खांडसरी, गूळ उद्योगावर येणार कायद्याचा...पुणे ः राज्यातील गूळ उद्योगावर कायदेशीर नियंत्रण...
‘पोकरा’मधील घोटाळ्याचा अहवाल दडपलापुणे ः नानाजी देशमुख कृषी संजीवनी प्रकल्पात (...
खाद्यतेल आत्मनिर्भरतेची घोषणाचपुणे ः देशात खाद्यतेलाची जवळपास ६० टक्के गरज...
प्रसिद्ध लेखक, समाजसेवक डॉ. अनिल अवचट...पुणे ः प्रसिद्ध लेखक आणि समाजसेवक डॉ. अनिल अवचट...
सोलापुरात कांद्याची दहा हजार टन आवकसोलापूर ः सोलापूर कृषी उत्पन्न बाजार समितीच्या...
कांदा बीजोत्पादन संकटातखामखेडा, जि. नाशिक : चालू वर्षीच्या सततच्या...
Weather Alert : थंडीची लाट 'या'...देशातल्या वायव्य भागात थंडी अजून दोन ते तीन दिवस...
भारताच्या गहू निर्यातीची घोडदौड वेगात दक्षिण आशिया आणि दक्षिण पूर्व आशियातील वाढत्या...
Top 5 News: वऱ्हाडात तुरीची आवक वाढली1. देशातल्या वायव्य भागात थंडी अजून दोन ते तीन...
ज्वारीच्या राखणीसाठी कणसाला संरक्षण नेवासे, जि. नगर : रब्बी हंगामातील ज्वारी आता...
मध्य प्रदेशात जैविक नियंत्रकाद्वारे जल...पाण्याचे स्रोत आणि जलाशयांमध्ये वेगाने वाढणाऱ्या...