agriculture news in Marathi, Prime Minister Narendra Modi files his nomination papers from Varanasi Lok Sabha | Agrowon

मित्रपक्षांच्या साक्षीने मोदींचा उमेदवारी अर्ज
टीम अॅग्रोवन
शनिवार, 27 एप्रिल 2019

वाराणसी ः प्रकाशसिंग बादल (अकाली दल), नितीशकुमार (जेडीयू), उद्धव ठाकरे (शिवसेना), रामविलास पासवान (लोजपा), ओ. पनीरसेल्वम (अण्णाद्रमुक), अनुप्रिया पटेल (अपना दल), नागालॅंड, मेघालयाचे मुख्यमंत्री भाजप आघाडीचे तब्बल बारा ते तेरा नेते शुक्रवारी वाराणसीत एकत्र आले होते. हे महाशक्तिप्रदर्शन होते वाराणसीच्या भावी खासदाराला, अर्थात नरेंद्र मोदी यांना पुन्हा देशाच्या पंतप्रधानपदी विराजमान करण्यासाठी.

वाराणसी ः प्रकाशसिंग बादल (अकाली दल), नितीशकुमार (जेडीयू), उद्धव ठाकरे (शिवसेना), रामविलास पासवान (लोजपा), ओ. पनीरसेल्वम (अण्णाद्रमुक), अनुप्रिया पटेल (अपना दल), नागालॅंड, मेघालयाचे मुख्यमंत्री भाजप आघाडीचे तब्बल बारा ते तेरा नेते शुक्रवारी वाराणसीत एकत्र आले होते. हे महाशक्तिप्रदर्शन होते वाराणसीच्या भावी खासदाराला, अर्थात नरेंद्र मोदी यांना पुन्हा देशाच्या पंतप्रधानपदी विराजमान करण्यासाठी.

गुरूवारी पाच ते शुक्रवारी दुपारी १२.४५ अशा २० तासांच्या मोदींच्या काशी मुक्कामाचा भाजपने मेगा इव्हेंट केला. काशीनगरीला अलविदा म्हणताना मोदींनी जास्तीत जास्त मतदान करून लोकशाही मजबूत करा, असा संदेश पुन्हा एकदा मतदारराजाला दिला. वाराणसीत शेवटच्या टप्प्यात १९ मे रोजी मतदान आहे त्याआधी मोदींची एकच जाहीर सभा येथे होईल. पंतप्रधान नरेंद्र मोदी यांनी शुक्रवारी सकाळी साडेअकरा वाजता लोकसभा निवडणुकीसाठी वाराणसी मतदारसंघातून उमेदवारी अर्ज दाखल केला. मदनमोहन मालवीय यांच्या मानसकन्या, ९१ वर्षीय अन्नपूर्णा शुक्‍ला, जनसंघ- भाजपचे जुने कार्यकर्ते सुभाष गुप्ता, ‘आयसीएआर’चे वैज्ञानिक रमाशंकर पटेल, दशाश्वमेध घाटावर अंत्यसंस्कार करणाऱ्या डोम राजाचे वंशज जगदीश चौधरी हे यंदा पंतप्रधानांचे प्रस्तावक होते. जिल्हाधिकारी कार्यालयात येण्याआधी मोदींनी काशीचा चौकीदार असलेल्या कालभैरवाच्या मंदिरात जाऊन पूजा केली. त्यानंतर त्यांच्या गाड्यांचा ताफा जिल्हाधिकारी कार्यालयाकडे वळला. चाळीस अंश सेल्सिअसच्या प्रचंड उन्हातही या परिसरात भाजप कार्यकर्त्यांनी गर्दी केली होती. माध्यमांसाठी राखीव कक्षातही भाजप कार्यकर्त्यांनी बिनदिक्कत घुसखोरी केली होती.

मोदींनी घेतले बादल यांचे आशीर्वाद
मोदींनी जिल्हाधिकारी कार्यालयाच्या परिसरात एका वेगळ्या कक्षात जमलेल्या एनडीए नेत्यांबरोबर काही मिनिटे चर्चा केली, त्यांनी आल्याआल्याच बादल यांना वाकून नमस्कार करीत त्यांचे आशीर्वाद घेतले. 

एनडीएच्या नेत्यांव्यतिरिक्त अमित शहांसह सर्वश्री राजनाथसिंह, सुषमा स्वराज, नितीन गडकरी, जे. पी. नड्डा आदी भाजप नेते या वेळी उपस्थित होते. ‘एनडीए’च्या नेत्यांशी सकाळी शहा यांनी ताज हॉटेलमध्येही चर्चा केली. उमेदवारी अर्ज भरण्यासाठी जिल्हाधिकाऱ्यांच्या कक्षात पोचल्यानंतर मोदींनी श्रीमती शुक्‍ला आणि गुप्ता यांनाही वाकून नमस्कार केला. सकाळी साडेअकरा ते दुपारी साडेबारा या वेळेतच उमेदवारी अर्ज भरण्याची प्रक्रिया पूर्ण झाली. यादरम्यान मोदींनी राज्यघटनेला स्मरून शपथही घेतली. अर्ज भरल्यानंतर त्यांनी निवडणूक अधिकाऱ्यांबद्दल प्रशंसोद्गार काढले.

लोकशाही मजबूत करा!
अर्ज भरल्यानंतर माध्यमांशी बोलताना मोदी म्हणाले, की गुरूवारी मोठा रोड शो झाला. ही बाबाची नगरी, गंगामातेची नगरी मला पुन्हा एकदा आशीर्वाद देत आहे. भारताच्या उज्वल भविष्यासाठी काशीवासीय संकल्पबद्ध आहेत. माझे एकच आवाहन आहे की ज्या टप्प्यांत निवडणूक बाकी आहे तेथे लोकशाहीचा उत्सव शांततेने व उत्साहाने साजरा करावा. वाराणसीत मोदी तर विजयी झालेच आहेत असे समजून मतदान न करता स्वस्थ बसू नये. जास्तीत जास्त मतदान करून लोकशाहीला मजबूत करावे. ते म्हणाले, की प्रसारमाध्यमांच्या प्रतिनिधींनीही गेले वीस तास इतक्‍या भीषण उन्हात सतत काम केले आहे तुम्हा साऱ्या पत्रकारांचीही प्रकृती चांगली राहो, अशा माझ्या शुभेच्छा आहेत.

इतर ताज्या घडामोडी
उद्योजकांच्या कर्जमाफीसाठी सरकारची मदत...अकलूज, जि. सोलापूर : ‘‘देशातील काही श्रीमंत...
फांगदर येथे वाचन प्रेरणा दिनानिमित्त...नाशिक : देवळा तालुक्यातील फांगदर येथील...
यवतमाळ जिल्ह्यात ओल्या दुष्काळानंतरही...यवतमाळ  ः भूजल सर्व्हेक्षण विभागाने केलेल्या...
बागलाण व देवळा तालुक्यांत बाजरी काढणीला...नाशिक : बागलाण व देवळा तालुक्यांत लष्करी...
परभणी जिल्ह्यात कृषी संजीवनींतर्गत २१...परभणी : जिल्ह्यात जागतिक बॅंकेच्या अर्थसहाय्याने...
हमीभावापेक्षा कमी दराने कापसाची खरेदीनांदेड : नांदेड, परभणी, हिंगोली जिल्ह्यांतील...
सांगली जिल्ह्यात अतिवृष्टीमुळे...सांगली : महापुरात खरीप पिकांचे मोठे नुकसान...
बीड जिल्ह्यात हमीभाव शेतीमाल खरेदीची...बीड : हमीदराने शेतीमाल खरेदीच्या नोंदणीत...
भाजप सरकारच्या काळात शेतकरी आत्महत्या...बीड : आम्ही विविध भागात औद्योगिक वसाहती आणि...
पुणे जिल्ह्यातील ३१७६ हेक्टर क्षेत्राला...पुणे  ः जिल्ह्यात २५ सप्टेंबरला झालेल्या...
पुणे जिल्ह्यात होणार २३५४ पीककापणी...पुणे   ः पिकांची उत्पादकता आणि पीकविमा...
पुणे जिल्ह्यात लसीकरण पडताळणीसाठी...पुणे  : महाराष्ट्र राज्य लाळ खुरकूत रोगमुक्त...
नगर जिल्ह्यात बाराशे हेक्टरवर ज्वारी...नगर : कृषी विभागाच्या उन्नत शेती समृद्ध...
सातारा जिल्ह्यात पावसाची उघडीप; खरीप...सातारा  ः पावसाने उघडीप दिल्याने खरिपातील...
रविकांत तुपकर यांचा पुन्हा `स्वाभिमानी`...कोल्हापूर : स्वाभिमानी शेतकरी संघटनेच्या अंतर्गत...
वऱ्हाडात टेक्स्टटाइल, अन्न प्रक्रिया...अकोला  ः विदर्भातील वऱ्हाड हा भाग...
पावसाळी वातावरणात डाऊनी नियंत्रणासाठी...सर्वच द्राक्ष विभागामध्ये गुरुवार ते सोमवार (ता....
लातूर, उस्मानाबाद, नांदेड, हिंगोली,...उस्मानाबाद : मराठवाड्यातील लातूर, उस्मानाबाद...
धुळे : कांदा दरप्रश्‍नी शेतकरी संघटनेचे...धुळे  ः कांद्याचे दर बऱ्यापैकी वाढल्याने...
शिराळा तालुक्यात भाताचे उत्पादन २०...सांगली : शिराळा पश्‍चिम भाग हा भातपिकाचे माहेरघर...