Agriculture news in Marathi Private milk teams should pay Rs. 25 for milk | Agrowon

खासगी दूध संघांनी दुधाला २५ रुपये दर द्यावा

टीम अॅग्रोवन
सोमवार, 13 जुलै 2020

शेतकऱ्यांकडून कमी दरात दूध का खरेदी करता, असा प्रश्न उपस्थित करीत खासगी दूध संघांनी दुधाला किमान २५ रुपये दर द्यावा, अशी मागणी करीत संगमनेर, अकोले तालुक्यातील सामाजिक कार्यकर्त्यांनी किसान सभेचे नेते डाॅ. अजित नवले यांच्या मार्गदर्शनाखाली निवेदन मोहीम सुरू केली आहे.

नगर ः दुधाला दर मिळत नसल्याने दुग्धोत्पादन अडचणीत येत आहे. अशीच परिस्थिती राहिली तर शेतकरी उद्ध्वस्त होतील. जर ग्राहकांसाठीचा दूध विक्री दर कमी झालेला नाही, मग शेतकऱ्यांकडून कमी दरात दूध का खरेदी करता, असा प्रश्न उपस्थित करीत खासगी दूध संघांनी दुधाला किमान २५ रुपये दर द्यावा, अशी मागणी करीत संगमनेर, अकोले तालुक्यातील सामाजिक कार्यकर्त्यांनी किसान सभेचे नेते डाॅ. अजित नवले यांच्या मार्गदर्शनाखाली निवेदन मोहीम सुरू केली आहे. जर दरात बदल केला नाही तर आंदोलन करू, असा इशाराही कार्यकर्ते देत आहेत.

नगर जिल्ह्यात ‘कोरोना’चा संसर्ग होण्यास सुरुवात झाल्यापासून दुधाला मागणी नाही, असे सांगत खासगी दूध संघांनी प्रती लीटरमागे दहा ते बारा रुपये दर कमी केले आहेत. मात्र सध्याच्या उत्पादन खर्चाचा विचार करता हे दर परवडणारे नाही. सद्यःस्थितीत जनावरे सांभाळणेही अवघड झाले आहे.

दुधाला किमान २५ रुपये प्रतिलीटर दर देणे शासनाने बंधनकारक केले असताना खासगी संघ नियम पाळत नाहीत. त्याचा मोठा आर्थिक फटका शेतकऱ्यांना बसत आहे. त्यामुळे खासगी संघांनी दुधाला किमान २५ रुपये लीटर दर द्यावा व मागील चार महिन्यांत कमी केलेल्या दराचा फरक द्यावा, अशी मागणी करीत किसान सभेचे नेते डाॅ. अजित नवले यांच्या मार्गदर्शनाखाली भारतीय किसान सभेचे नेते सुरेश नवले,  सुनील पुंडे, महेश नवले, किरण देशमुख, वैभव सावंत, सुरेश साबळे, अमित नवले, स्वप्नील नवले, अक्षय शेटे, नानासाहेब मेटगे यांच्यासह कार्यकर्त्यांनी निवेदन मोहीम सुरू केली असून खासगी दूध संघांच्या दूध संकलन केंद्र चालकांना मागण्यांबाबत निवेदन दिले जात आहे.


इतर ताज्या घडामोडी
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...
खानदेशात हलक्या जमिनीतील पिके संकटातजळगाव  ः खानदेशात मागील आठ ते १० दिवसांपासून...
जळगाव जिल्ह्यातील मका, ज्वारीची खरेदी...जळगाव : शासकीय मका, ज्वारी खरेदी पुन्हा सुरू...
माळेगाव कारखान्याचे अकरा लाख टन ऊस...माळेगाव, जि. पुणे ः माळेगाव सहकारी साखर...
अकोला कृषी विद्यापीठातील क्वारंटाइन...अकोला ः डाॅ. पंजाबराव देशमुख कृषी विद्यापीठातील...
नाशिक जिल्ह्यात चार हजारांवर शेतकरी मका...नाशिक : बाजारात व्यापाऱ्यांकडे खरेदी होणाऱ्या...
वीज बिल माफीसाठी सोमवारी राज्यभर धरणेकोल्हापूर : दरमहा ३०० युनिटसच्या आत वीज वापर...
कोल्हापूर जिल्ह्यात पुरेशा पावसाअभावी...कोल्हापूर : जिल्ह्यात गेल्या दोन महिन्यांपासून...
पीकविमा भरण्यासाठी मुदतवाढीची मागणीअकोला ः पीकविमा पोर्टल व्यवस्थित न चालल्याने अनेक...
पशुवैद्यकीय दवाखान्यांमध्ये कृत्रिम...रत्नागिरी : उच्च प्रतीची वंशावळ तयार करण्यासाठी...
कपाशीवरील फुलकिडे, पांढऱ्या माशीचे...फुलकिडे : ही कीड फिकट पिवळसर रंगाची असून अत्यंत...
सेंद्रिय शेतीबाबत शरद पवार घेणार बैठकपुणे ः राज्यातील सेंद्रिय व रासायनिक अवशेषमुक्त...
यवतमाळ जिल्ह्यात चार लाख शेतकऱ्यांनी...यवतमाळ : कोरोनाच्या पार्श्वभूमीवर पीक विमा...
कपाशीवरील किडींचे कामगंध सापळ्याद्वारे...पिकातील किडीच्या नियंत्रणासाठी एकात्मिक कीड...