agriculture news in Marathi, problems in digital 7/12 in state, Maharashtra | Agrowon

राज्यात डिजिटल सात-बाराचे तीन-तेरा

टीम अॅग्रोवन
सोमवार, 30 जुलै 2018

संगणकीकृत डिजिटल स्वाक्षरी असलेला सात-बारा देणारे महाराष्ट्र हे देशातील पहिलेच राज्य आहे. आठ लाख सात-बारा उताऱ्यांचे काम पूर्ण झाले असून, येत्या एक ऑगस्टपर्यंत राज्यातील सर्व अडीच कोटी उतारे डिजिटल स्वाक्षरीयुक्त केले जातील. सात-बारा देताना सर्व्हर डाउन होणार नाही, याची खबरदारी घेऊ.
- चंद्रकांत पाटील, महसूलमंत्री
 

पुणे : शेतकऱ्यांची पिळवणूक थांबविण्यासाठी सात-बारा उतारा डिजिटल करण्याचा महत्त्वाकांक्षी प्रकल्प सर्व्हर आणि इतर तांत्रिक अडचणींमुळे खोळंबला आहे. डिजिटल सात-बारा प्रकल्पासाठी यापूर्वीचा एक मेचा मुहूर्त हुकल्यानंतर सरकारकडून आता एक ऑगस्टचा नवीन वायदा करण्यात आला. राज्यात १८ जुलैपर्यंत आठ लाख सात-बारा उतारे डिजिटल झाले असून, येत्या एक ऑगस्टपर्यंत सर्व अडीच कोटी सात-बारा उताऱ्यांचे काम पूर्ण होईल, असा दावा महसूलमंत्री चंद्रकांत पाटील यांनी केला आहे.
 
शेतकऱ्यांच्या घरात मुलाच्या जन्माचा दाखला एकवेळ सापडणार नाही पण सात-बारा उतारा हमखास असतो. उताऱ्यावरील नोंदीच शेतकऱ्यांचे भवितव्य ठरवतात. पीककर्ज, पीकविमा, कृषी अनुदाने, औजारे-बियाणे-खते वाटप, जमीन खरेदी-विक्री, न्यायालयात जामीन मिळवणे आदी अनेक गोष्टींसाठी सात-बारा उतारा आवश्यक ठरतो. शेतकऱ्यांना डिजिटल स्वाक्षरीचा सात-बारा उतारा घरबसल्या ऑनलाइन उपलब्ध व्हावा, यासाठी डिजिटल सात-बारा प्रकल्प राबविण्यात आला. 

मुंबईत असलेल्या राज्य शासनाच्या स्टेट डाटा सेंटरमधील सर्व्हरमध्ये तांत्रिक बिघाड झाल्यामुळे तसेच स्पेस कमी पडत असल्याने डिजिटल स्वाक्षरीचा सातबारा मिळण्याची प्रक्रिया रखडली. दुसरीकडे आम्ही हस्तलिखित सातबारा देणार नाही, अशी भूमिका काही तलाठ्यांनी घेतली. त्यामुळे राज्याचे जमाबंदी आयुक्त एस. चोक्कलिंगम यांना हस्तलिखित सातबारा बंद झालेला नसल्याचा खुलासा करावा लागला.

ऐन खरीप हंगामात शेतकऱ्यांना डिजिटल सोडाच हस्तलिखित साताबाराही मिळत नसल्याने पीककर्ज, पीकविमा योजनेसाठी अर्ज करण्यात अडथळा निर्माण झाला. त्यानंतर सरकारने केवळ महा ई-सेवा केंद्रांमधून पीडीएफ स्वरूपातील सातबारा उतारा घेऊन त्यावर तलाठ्याची स्वाक्षरी व शिक्का घेतल्यानंतर संबंधित उतारा ग्राह्य धरण्यात येईल, अशी भूमिका घेतली. त्यामुळे डिजिटल सातबारा प्रकल्पाचा मूळ हेतूच धुळीस मिळाला.

सरकारने स्टेट डेटा सेंटरमधील नोंदी पुण्याच्या नॅशनल डेटा सेंटरमध्ये स्थानांतरित केल्या असून, डिजिटल स्वाक्षरीचे ४० लाख सातबारा उतारे वाटपाचे कामकाज पुन्हा सुरू झाले आहे, असा दावा सूत्रांनी केला आहे. ऑनलाइन सातबारा उताऱ्याचे तुणतुणे गेल्या दहा वर्षांपासून वाजविले जात असले तरी प्रत्यक्षात ४४ हजार गावांमधील सर्व शेतकऱ्यांना डिजिटल स्वाक्षरीचा उतारा मिळणे सुरू होत नाही तोपर्यंत शेतकऱ्यांची लूट सुरूच राहील, असे सूत्राने स्पष्ट केले. 

डिजिटल सात-बाराची सद्यःस्थिती

  • राज्यात ४३ हजार ९४८ महसुली गावे.
  • ४० हजार महसुली गावांचे सात-बारा संगणकीकरणाचे काम पूर्ण. 
  • एकूण २५० तालुक्यांतील १०० टक्के गावांचे काम पूर्ण. 
  • सर्व्हर आणि इतर तांत्रिक अडचणींमुळे प्रकल्प रखडला.  
  • सात-बारा उतारे मिळत नसल्याने शेतकऱ्यांची दैना.

इतर अॅग्रो विशेष
उद्दिष्ट - मुदतवाढीत अडकवू नका मका...‘‘आ धी नोंदणी केल्यानंतर ११ जुलैला एसएमएस...
मराठवाड्यात कर्ज पुरवठ्याचं घोडं ३७...औरंगाबाद : मराठवाड्यात खरीप पीक कर्ज पुरवठा...
मुगाचे अर्धेअधिक क्षेत्र रोगाच्या...अकोला : यंदाच्या खरिपात मुगाच्या पिकावर लिफ...
दादाजींचे कुटुंबीय जगतेय केवळ...चंद्रपूर: ‘एचएमटी’सह तब्बल ९ धानाचे वाण विकसित...
सियावर रामचंद्र की जय ! अयोध्येत रंगला...अयोध्या : राम नामाच्या भक्तिसागरात आकंठ बुडालेली...
पालघरमध्ये महावृष्टी; मुंबई, कोकणला...पुणे : गेल्या दोन दिवसांपासून कोकणात पावसाने...
कोकण, मध्य महाराष्ट्रात मुसळधारेचा इशारापुणे : गुजरात ते उत्तर मध्य महाराष्ट्र, विदर्भ...
राज्यात ९ ऑगस्टला रानभाज्या महोत्सवमुंबई : औषधी गुणधर्म असलेल्या रानभाज्यांची विक्री...
अमृत आहार योजनेंतर्गत मोफत दूध भुकटी...मुंबई : राज्यातील दूध दराच्या प्रश्नावर...
प्रयोगशीलतेला प्रयत्नवादाची जोड फळबाग...पुणे जिल्ह्यात धालेवाडी (ता. पुरंदर) येथील संदीप...
बारमाही भाजीपाला शेतीतून आर्थिक बळकटीमेहू (जि.जळगाव) येथील अनिल अर्जून पाटील यांनी २१...
राज्यात पावसाचा जोर वाढणार पुणे :  राज्यातील बहुतांशी भागात पुन्हा...
कोल्हापूर बाजार समिती संचालकांचे...कोल्हापूर : बेकायदेशीर नोकर भरती तसेच जागा...
मराठवाड्यातील मोठ्या प्रकल्पांत ५१...औरंगाबाद :  मराठवाड्यातील ८७३ प्रकल्पांतील...
धान खरेदीत मोठी अनियमिततागोंदिया: जिल्हा मार्केटिंग फेडरेशनच्या माध्यमातून...
मराठवाड्यात खरिपाची ४८ लाख हेक्टरवर...औरंगाबाद: मराठवाड्यात यंदा ऊस वगळता खरिपाच्या...
शेतकरी न्याय प्राधिकरणासाठी हालचालींना...नागपूर : शेतकऱ्यांच्या फसवणुकीला चाप बसावा...
राज्यात बीएस्सी कृषीची प्रवेश प्रक्रिया...अकोला ः यंदा कोरोनामुळे बीएससी कृषी प्रवेश...
कोकण, मध्य महाराष्ट्राला झोडपलेपुणे ः अरबी समुद्र व उत्तर महाराष्ट्राच्या...
टोमॅटो हंगामावर संभ्रमाचे ढगनाशिक: जिल्ह्यात दरवर्षी पश्चिम पट्ट्यात खरीप...