Agriculture news in marathi In the process of storage of agricultural produce Creation of equipment for detecting rot | Page 2 ||| Agrowon

शेतीमालाची सड शोधणाऱ्या उपकरणाची निर्मिती 

टीम अॅग्रोवन
गुरुवार, 22 जुलै 2021

कांदे, बटाटे, आंबा यांसह विविध फळे व तत्सम विविध कृषी उत्पादनांची काढणीपश्‍चात साठवणूक प्रक्रियेत वातावरण बदलांमुळे सडण्याची प्रक्रिया सुरू होते.

नाशिक : कांदे, बटाटे, आंबा यांसह विविध फळे व तत्सम विविध कृषी उत्पादनांची काढणीपश्‍चात साठवणूक प्रक्रियेत वातावरण बदलांमुळे सडण्याची प्रक्रिया सुरू होते. त्यानंतर वेगवेगळ्या घटकांनुसार विशिष्ट वायू बाहेर पडण्यास सुरुवात होते. त्यामुळे थोडेसे तापमान व थोडीशी आर्द्रता वाढते, अशा विविध वैशिष्ट्यपूर्ण परिमाणांचा अभ्यास करून त्यावर आधारित विविध सेन्सर्स वापरून आयआयओटी (IIOT) तंत्रज्ञानावर आधारित ‘किसान मित्रा ओपी-०१’ हे उपकरण आंतरराष्ट्रीय कीर्तीचे शास्त्रज्ञ डॉ. ओमप्रकाश कुलकर्णी यांनी विकसित केले आहे.

शेतीमालाच्या सड सुरुवात होताच परिमाणांचे विश्‍लेषण करून पूर्वसूचना देणारे व मोबाइलवर सावध करणारा विस्तृत संदेश देणारे उपयुक्त उपकरण आहे. 
प्रामुख्याने याचा फायदा कांदा उत्पादक शेतकऱ्यांना होणार आहे.

शेतकरी रब्बी हंगामातील उन्हाळ कांदा काढणीपश्‍चात साठवून ठेवतात. तर पुढे टप्प्याटप्प्याने त्याची विक्री करतात. मात्र साठवणूक केल्यानंतर कांदा वातावरणीय बदलांमुळे सडून नुकसान वाढते. यावर पर्याय म्हणून कांद्याची होणारी सड शोधून सूचना देणारे उपकरण फायदेशीर ठरणार आहे. चुकीच्या साठवणूक पद्धतीमुळे साधारण ३० ते ४० टक्के कांदा सडून जातो. चाळीमध्ये कांदा सडण्यास सुरुवात झाल्यानंतर ते शोधणे अशक्य असते. जर कांद्याची होणारी सड वेळीच लक्षात आल्यास कांदा सडण्यापासून वाचविता येणार आहे. 

या उपकरणाचे प्रात्यक्षिक नाफेडचे नवी दिल्लीचे संचालक अशोक ठाकूर, माजी कृषिमंत्री डॉ.अनिल बोंडे, लासलगाव बाजार समिती सभापती सुवर्णा जगताप यांना दाखविण्यात आले. नाफेडच्या वतीने हे उपकरणाचा वापर करण्याचे आश्‍वासन ठाकूर यांनी दिले. डॉ. कुलकर्णी यांनी भारतीय कृषी संशोधन परिषदेचे अतिरिक्त संचालक म्हणून काम पाहिलेले आहे. शेतीमालाच्या साठवणुकीतील सडण्याची प्रक्रिया सुरू झाल्याबरोबर त्वरित सूचना मिळाली, तर चांगला शेतीमाल बाजूला काढून पुढील नुकसान टाळता येणे शक्य आहे. या विचारांतून हे तंत्रज्ञान विकसित केल्याचे त्यांनी सांगितले. यासाठी रवी अमृतकर, प्रा. तिवारी यांनी मदत केलेली आहे.
 


इतर अॅग्रो विशेष
‘गोकुळ’तर्फे दुभत्या जनावरांना लाखाचा...कोल्हापूर : दुभत्या जनावरांचा कोणत्याही आजाराने...
पितृपक्षामुळे सुकामेव्याला मागणी वाढलीपुणे : पितृपक्षाला प्रारंभ झाल्यानंतर काही...
साखर दरवाढीची गोडी कायमकोल्हापूर : गेल्या महिन्यापासून साखर दरात आलेल्या...
भाजीपाला निर्जलीकरण, मसालानिर्मितीलातूर जिल्ह्यातील वासनगाव येथील ‘सावित्रीबाई फुले...
राज्यात विजा, मेघगर्जनेसह पावसाचा इशारापुणे : राज्यात पावसाचा जोर काहीसा ओसरला असला तरी...
प्रमाणपत्र, शाल, श्रीफळ मिळाले,...औरंगाबाद : गतवर्षीच्या रब्बी हंगामात आयोजित...
४१ व्या मराठवाडा साहित्य संमेलनाचे आज...औरंगाबाद : ४१ व्या मराठवाडा साहित्य संमेलनाचे...
पीककर्जाचे ‘वरातीमागून घोडे’पुणे ः शेतकऱ्यांना खरिपासाठी दिल्या जाणाऱ्या पीक...
शेतकरी पुत्रांचा #सोयाबीन ट्रेंडनांदेड : सोयाबीनचे दर ११ हजारांवरून पाच हजार...
कोकणात पावसाचा जोर कायमपुणे : राज्यात गेले काही दिवस पावसाने हजेरी लावली...
एकोप्यातून पानोलीकरांचा ग्रामविकासात...गावकऱ्यांचा एकोपा, लोकसहभाग, श्रमदान आणि गावांतील...
विदर्भ, कोकणात पावसाचा अंदाजपुणे : राज्यात पावसाने दमदार हजेरी लावल्यानंतर...
पाऊस सुरूच; ओल्या दुष्काळाचे सावटपरभणी ः राज्यात आठ दिवसांपासून पावसाचे पुनरागमन...
सेंद्रिय शेतीतून काळ्या आईचे आरोग्य जपा...नाशिक : रासायनिक शेतीचे परिणाम दिसत असल्याने...
मराठवाड्यात शेतीपिकांची पुन्हा दैनाऔरंगाबाद : मराठवाड्यात पुन्हा एकदा मंगळवारपासून (...
बेदाण्याला उठाव असल्याने दर स्थिरसांगली ः सणांमुळे बेदाण्याला चांगली मागणी आहे....
कापूस खरेदी नोव्हेंबरच्या पहिल्या...मुंबई : राज्यातील हंगाम २०२१-२२मधील शासकीय कापूस...
खरिपात तेलबिया उत्पादनात घट होणारपुणे : खरीप हंगाम २०२१-२२ मध्ये तेलबिया...
मराठवाड्यात पाऊस उठला पिकांच्या मुळावरऔरंगाबाद : आधी पावसाचा लहरीपणा आणि आता अतिपावसाने...
विदर्भात सोयाबीनला फुटले कोंब नागपूर : संततधार तसेच काही भागांत झालेल्या...