`नाफेड’मार्फत कांदाखरेदी करा 

शेतकऱ्यांना आर्थिक दिलासा देण्यासाठी वरिष्ठ पातळीवर पत्रव्यवहार करून शासनास योग्य तो निर्णय घेण्यास अवगत करावे.
fresh-onion
fresh-onion

नगर : सरकारने ‘नाफेड’मार्फत शेतकऱ्यांचा कांदा १५ ते २० रुपये किलो दराने खरेदी करावा. शेतकऱ्यांना आर्थिक दिलासा देण्यासाठी वरिष्ठ पातळीवर पत्रव्यवहार करून शासनास योग्य तो निर्णय घेण्यास अवगत करावे, असे साकडे पारनेर बाजार समितीचे सभापती प्रशांत गायकवाड यांनी खासदार शरद पवार यांना पत्राद्वारे घातले आहे.  गायकवाड म्हणाले, की राज्यात यंदा मोठ्या प्रमाणात कांदा लागवड झाली. मागील वर्षाच्या तुलनेत अधिक उत्पादन झाल्याने शेतकऱ्यांकडे प्रचंड कांदा पडून आहे. सध्या कोरोनामुळे देशात ३ मेपर्यंत लॉकडाऊन आहे. त्यामुळे शेतमालाची विक्री करणे अत्यंत अवघड झाले आहे. देशांतर्गत बाजारपेठेत कांद्याची मागणी जवळजवळ निम्म्याहून जास्त पटीने कमी झाली आहे. त्यामुळे दर महिन्याला गरजेपेक्षा काही लाख टन कांदा विक्रीविना राहत आहे.  ‘‘आगामी काळात मागील विक्रीविना राहिलेला कांदा; शिवाय रब्बी हंगामात उत्पादित होत असलेला कांदा, असा मोठ्या प्रमाणात माल शिल्लक राहणार आहे. परिस्थिती सुधारली, तरी कांद्याला किफायतशीर बाजारभाव मिळणे अत्यंत अवघड आहे. सध्या बाजारात कांद्याचे भाव ६ ते ८ रुपये किलोपर्यंत घसरले आहेत. शासनाच्या आदेशाप्रमाणे अनेक बाजार समित्यांनी कांदा खरेदी-विक्रीचे व्यवहार सुरू करण्याचा प्रयत्न केला; परंतु व्यापाऱ्यांकडून कोरोनाच्या भीतीमुळे, तसेच खरेदी केलेल्या कांद्याला मागणी नसल्याने खरेदी-विक्रीस असमर्थता दर्शवली आहे. त्यामुळे सरकारनेच ‘नाफेड’मार्फत हा कांदा खरेदी करावा,’’ अशी मागणी गायकवाड यांनी केली आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com