नांदेड विभागात उसाचे १८ लाख २६ हजार टन गाळप

नांदेड : प्रादेशिक साखर सहसंचालक कार्यालयांतर्गत नांदेड विभागातील परभणी, हिंगोली, नांदेड, लातूर या चार जिल्ह्यांतील १३ साखर कारखान्यांनी यंदाच्या गाळप हंगामात बुधवार (ता. ५)पर्यंत १८ लाख २६ हजार ७६ टन उसाचे गाळप केले. सरासरी १०.३८ टक्के उताऱ्याने १८ लाख ९५ हजार ४९० टन साखरेचे उत्पादन घेतले आहे.

नांदेड विभागातील चार जिल्ह्यातील यंदाच्या हंगामात ऊस गाळपाचे परवाने मिळालेल्या १७ पैकी १३ साखर कारखान्यांनी बुधवारपर्यंत केलेल्या ऊस गाळपाची माहिती प्रादेशिक साखर सहसंचालक कार्यालयास सादर केली. त्यानुसार परभणी जिल्ह्यातील ५ पैकी ३ खासगी साखर कारखान्यांनी ४ लाख ४ हजार ६०० टन उसाचे गाळप केले. सरासरी १०.२८ टक्के उताऱ्याने ४ लाख १५ हजार ८४० क्विंटल साखर उत्पादन घेतले. पूर्णा तालुक्यातील बळिराजा शुगर्सचा साखर उतारा सर्वाधिक १०.९२ टक्के आला. 

हिंगोली जिल्ह्यातील ३ सहकारी आणि १ खासगी साखर कारखान्याने ५ लाख ५८ हजार २९६ टन उसाचे गाळप केले. सरासरी १०.६९ टक्के उताऱ्याने ५ लाख ९६ हजार ६०० क्विंटल साखर उत्पादन घेतले. भाऊराव चव्हाण युनिट २ कारखान्याचा उतारा सर्वाधिक १०.८६ टक्के आला. नांदेड जिल्ह्यातील ४ पैकी २ सहकारी आणि २ खासगी साखर कारखान्यांनी एकूण ५ लाख १५ हजार ९५० टन ऊसाचे गाळप केले. सरासरी १०.२६ टक्के साखर उताऱ्याने ५ लाख २९ हजार १५० क्विंटल साखर उत्पादित केली. भाऊराव चव्हाण सहकारी साखर कारखान्याचा (युनिट ४) साखर उतारा सर्वाधिक १०.७१ टक्के आला.

लातूर जिल्ह्यातील २ सहकारी आणि २ खासगी साखर कारखान्यांनी ३ लाख ४७ हजार २३० टन उसाचे गाळप केले. सरासरी १०.१९ टक्के साखर उतारा आला. ३ लाख ५३ हजार ९०० क्विंटल उत्पादन घेतले. सिद्धी शुगर्सचा साखर उतारा सर्वाधिक १०.११ टक्के आला आहे.

जिल्हानिहाय ऊस गाळप स्थिती