Agriculture news in marathi; Production of one quintal of fly seed in Khandesh | Agrowon

खानदेशात उडदाचे एकरी एक क्विंटलपर्यंत उत्पादन

टीम अॅग्रोवन
शनिवार, 12 ऑक्टोबर 2019

जळगाव ः खानदेशातील शेतकऱ्यांसाठी उडदाचे पीक यंदा आतबट्ट्याचे व तोट्याचे ठरले आहे. दरही हमीभावाएवढे नसल्याने शेतकऱ्यांची अडचण वाढली आहे. 

अतिपावसाने काळ्या कसदार जमिनीत पीक पुरते वाया गेले. उशिरा पेरणी केलेल्या हलक्‍या क्षेत्रातील पीक हाती आले, परंतु त्याचा दर्जाही अतिपावसात घसरला. अडीच ते तीन क्विंटल एकरी उत्पादनाची अपेक्षा होती. परंतु, उत्पादन एकरी एक क्विंटल जेमतेम आले आहे.

जळगाव ः खानदेशातील शेतकऱ्यांसाठी उडदाचे पीक यंदा आतबट्ट्याचे व तोट्याचे ठरले आहे. दरही हमीभावाएवढे नसल्याने शेतकऱ्यांची अडचण वाढली आहे. 

अतिपावसाने काळ्या कसदार जमिनीत पीक पुरते वाया गेले. उशिरा पेरणी केलेल्या हलक्‍या क्षेत्रातील पीक हाती आले, परंतु त्याचा दर्जाही अतिपावसात घसरला. अडीच ते तीन क्विंटल एकरी उत्पादनाची अपेक्षा होती. परंतु, उत्पादन एकरी एक क्विंटल जेमतेम आले आहे.

खानदेशात सुमारे ५० हजार हेक्‍टरवर उडदाची पेरणी झाली होती. केळी व इतर पिकांसंबंधी बेवड आणि जमिनीत सेंद्रिय कर्ब वाढीसंबंधी अनेक शेतकरी या पिकाची पेरणी करतात. तापी, गिरणा, वाघूर, पांझरा, गोमाई नदीकाठी पेरणी बऱ्यापैकी असते. जळगाव जिल्ह्यात सुमारे २५ हजार हेक्‍टरवर पेरणी झाली होती. कमाल शेतकरी पेरणीसाठी घरी जतन केलेले वाण वापरतात.

यंदा अतिपावसाने फवारण्यांची गरज नव्हती. एकदा तणनियंत्रण व दोनदा आंतरमशागत करून पीक जोमात वाढले. रासायनिक खतात अनेकांनी फक्त डीएपी किंवा फक्त सुपर फॉस्फेटची एक बॅग एकरी दिली होती. उडदाला ५७०० रुपये हमीभाव जाहीर झाल्याने शेतकऱ्यांना दरही बऱ्यापैकी मिळतील, अशी अपेक्षा होती. परंतु सप्टेंबरमध्ये जळगाव, धुळ्यात अनेक भागांत २८ दिवस सतत पाऊस सुरू होता. त्यामुळे पिकाला फटका बसला. दाणे बारीक पडले. त्यांचा रंग फिकट तपकिरी झाला. बुरशी वाढली. दर्जा घसरल्याने बाजारात दर कमी झाले. सध्या फक्त ३००० ते ४००० रुपये प्रतिक्विंटलचे दर आहेत.

पीक कापणीसाठी एकरी दीड हजार किमान खर्च आला. मळणीसाठी प्रतिक्विंटल २५० रुपये लागले. वाहतूक, शेतकऱ्याचा मेहनताना व इतर बाबी लक्षात घेतल्यास उडदाचे पीक तोट्याचे ठरले आहे. जेथे काळी कसदार शेती आहे, ते शेतकरी उडदानंतर आता कोरडवाहू ज्वारी, हरभरा पेरणीची तयारी करीत आहेत. पेरणीसंबंधी पूर्वमशागतीचा खर्च करायचा आहे. 
 

उडदाचे पीक अतिपावसाने नुकसानकारक ठरले. ओला उडीद मळणीसाठी क्विंटलमागे ५०० रुपये खर्च आला. पिकात अतिपावसाने तूटही आली होती. दर ३००० रुपये आहे. अशात आर्थिक तोटा वाढला आहे. 
- प्रवीण पाटील, उडीद उत्पादक, खेडी खुर्द (जि. जळगाव)
 


इतर ताज्या घडामोडी
पेरणीसाठी ‘बीबीएफ’ तंत्राचा वापर करा :...औरंगाबाद : ‘‘बीबीएफ टोकण यंत्राचा वापर वेगवेगळी...
जळगाव जिल्ह्यात राष्ट्रीयीकृत बॅंका पीक...जळगाव ः केंद्र व राज्य सरकार, प्रशासनातील वरिष्ठ...
हतनूर धरणाची साठवण क्षमता घटलीभुसावळ, जि. जळगाव ः जिल्ह्यातील प्रमुख सिंचन...
शेतीत आधुनिक तंत्रज्ञानाचा अवलंब करावा...जालना  : ‘‘शेतकऱ्यांनी शेतीत आधुनिक...
रिसोड बाजार समितीत हळदीची दोन दिवस खरेदीअकोला ः गेल्या काही वर्षांत वाशीम तसेच अकोला...
खानदेशात सर्वदूर पावसाची हजेरीजळगाव ः खानदेशात पेरणी ८८ टक्‍क्‍यांवर पोचली असून...
परभणीत २५ हजारांवर शेतकऱ्यांची कापूस...परभणी  : ‘‘राज्य सहकारी कापूस उत्पादक पणन...
रत्नागिरी जिल्ह्यातील भाजीपाला,...रत्नागिरी : कोरोना टाळेबंदीत जिल्ह्यातील महिला...
सांगली जिल्ह्यात पावसाअभावी पेरणी वाया...सांगली : जिल्ह्यात गेल्या तीन आठवड्यांपासून...
नगर जिल्ह्यात साडेचार लाख हेक्टरवर पेरानगर ः यंदा रोहिणी, मृग, आर्द्रा नक्षत्रांमध्ये...
परभणी जिल्ह्यात ७४.४३ टक्के पेरणीपरभणी : जिल्ह्यात यंदाच्या खरीप हंगामात शुक्रवार...
अकोला जिल्ह्यात पीक कर्जापासून ५२ टक्के...अकोला ः खरीप हंगामाला सुरुवात झाली असून,...
पाऊस नसल्याने संरक्षित पाण्यावर भातलागवडनाशिक : जिल्ह्यातील अतिपर्जन्य छायेखालील इगतपुरी...
बियाणे भरपाई दिलेल्या शेतकऱ्यांची नावे...नागपूर ः आपल्या सत्ताकाळात निकृष्ट बीटी...
जळगाव, धुळ्यात युरियाची टंचाई कायमधुळे ः जळगाव व धुळे जिल्ह्यांत युरियासह १०.२६.२६...
महाजॉब्स संकेतस्थळाच्या माध्यमातून...मुंबई : देशातील सर्वात मोठे प्लाझ्मा सेंटर असो की...
केंद्राकडून शेतकऱ्यांच्या मानगुटीवर पाय...कऱ्हाड, जि. सातारा ः अर्थव्यवस्थेला शेतकरी राजा...
करमाळ्यातील आदिनाथ कारखाना...करमाळा, जि. सोलापूर : करमाळा तालुक्‍यातील आदिनाथ...
हॉटेल्स, लॉज उद्यापासून सुरू होणारमुंबई : तब्बल साडेतीन महिन्यांनंतर ८ जुलैपासून...
जनहितचे धरणे अन् तत्काळ शेतकऱ्यांच्या...सोलापूर  ः मोहोळ तालुक्यातील ऑक्टोबर -...