देवणी गोवंश जतन करण्यासाठी प्रयत्न

देवणी गोवंशाची संख्या कमी होत आहे. हे चित्र बदलण्यासाठी व देवणी गोवंशाचे जतन होण्यासाठी बारामती येथील ‘सेंटर ऑफ एक्सलन्स फॉर जेनेटिक्स इंप्रूव्हमेंट ऑफ डेअरी ॲनिमल्स’ या संस्थांकडून मदतीचा हात मिळणार आहे.
देवणी गोवंश जतन करण्यासाठी प्रयत्न
देवणी गोवंश जतन करण्यासाठी प्रयत्न

लातूर : देवणी गोवंशाची संख्या कमी होत आहे. हे चित्र बदलण्यासाठी व देवणी गोवंशाचे जतन होण्यासाठी बारामती येथील ॲग्रिकल्चरल डेव्हलपमेंट ट्रस्ट संचलित कृषी विज्ञान केंद्र आणि ‘सेंटर ऑफ एक्सलन्स फॉर जेनेटिक्स इंप्रूव्हमेंट ऑफ डेअरी ॲनिमल्स’ या संस्थांकडून मदतीचा हात मिळणार आहे. यासाठी आमदार धिरज देशमुख यांनीपुढाकार घेतला असून, संस्थेचे विश्‍वस्त रणजित पवार यांनी सकारात्मक प्रतिसाद दिला आहे. बारामती येथे ॲग्रिकल्चरल डेव्हलपमेंट ट्रस्ट संचलित कृषी विज्ञान केंद्र आणि सेंटर ऑफ एक्सलन्स फॉर जेनेटिक्स इंप्रूव्हमेंट ऑफ डेअरी ॲनिमल्स या बहुपयोगी प्रकल्प आहे. शेतकऱ्यांच्या प्रशिक्षणापासून दुधाळ गायी-म्हशींच्या चांगल्या वंशावळीच्या संगोपनापर्यंतची विविध स्तरावरील कामे एकाच छताखाली येथे चालतात. शेतकऱ्यांचे हित केंद्रस्थानी ठेवून ज्येष्ठ नेते शरद पवार नेहमीच आपल्या दूरदृष्टिकोनातून निरनिराळे प्रयोग राबवत असतात. त्यापैकीच हा एक प्रकल्प आहे. या प्रकल्पाला आमदार देशमुख यांनी भेट दिली. सध्या देवणी गोवंशाची संख्या कमी होत चालली आहे. या विषयावर श्री. देशमुख आणि विश्‍वस्त रणजित पवार यांच्यात चर्चा झाली. देवणी गोवंशाचे जतन करण्याबरोबरच शेतकरी प्रशिक्षण, संशोधन, अभ्यास, खाद्य व्यवस्थापन, रोगनिदान अशा विविध स्तरांवर सहकार्य केले जाईल, असा शब्द रणजित पवार यांनी या वेळी दिला.  शेतकऱ्यांना फायदा  ॲग्रिकल्चरल डेव्हलपमेंट ट्रस्ट संचलित कृषी विज्ञान केंद्र आणि सेंटर ऑफ एक्सलन्स फॉर जेनेटिक्स इंप्रूव्हमेंट ऑफ डेअरी ॲनिमल्स यांच्या विविध स्तरावरील सहकार्यामुळे आपल्या भागातील शेतकरी, विद्यार्थी, अभ्यासक यांना फायदा होईल. शिवाय, लातूरची देवणी अशी ओळख राज्यात आणि राज्याबाहेर तयार होण्यास, दूध उत्पादन क्षेत्रात लातूर आणखी पुढे जाण्यास मदत होईल, असा विश्‍वास आमदार देशमुख यांनी व्यक्त केला.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com