सांगली जिल्ह्यातील प्रकल्पांत गेल्या वर्षीपेक्षा २७ टक्के अधिक पाणी

सांगली :यंदा जिल्ह्यातील तिन्ही उपसा सिंचन योजनेच्या उन्हाळी आवर्तनातून अनेक तलाव पाण्याने भरले. यामुळे गतवर्षीपेक्षा जूलैच्या प्रारंभी २७ टक्क्यांनी पाणीसाठा आहे. त्यामुळे शेतकऱ्यांना मोठा दिलासा मिळाला आहे.
 Projects in Sangli district have 27% more water than last year
Projects in Sangli district have 27% more water than last year

सांगली : जिल्ह्यात मध्यम व लघू ८४ प्रकल्पांची पाणी साठवण क्षमता ७ हजार ८५३ दश लक्ष घनफूट इतकी आहे. सध्या २ हजार ४८० दशलक्ष घन फूट इतका म्हणजे ३२ टक्के पाणीसाठा आहे. गतवर्षी जूलैच्या प्रारंभी हाच पाणीसाठा ५ टक्के इतका होता. यंदा जिल्ह्यातील तिन्ही उपसा सिंचन योजनेच्या उन्हाळी आवर्तनातून अनेक तलाव पाण्याने भरले. यामुळे गतवर्षीपेक्षा जूलैच्या प्रारंभी २७ टक्क्यांनी पाणीसाठा आहे. त्यामुळे शेतकऱ्यांना मोठा दिलासा मिळाला आहे. 

जिल्ह्यात मध्यम प्रकल्प पाच, तर लघू प्रकल्प ७९ असे एकूण ८४ प्रकल्प आहेत. दरवर्षी प्रकल्पांतील पाणीसाठा कमी होतो. त्यामुळे दुष्काळी पट्ट्यात पाणी टंचाई भासते. त्यामुळे पिण्यासह शेतीच्या पाण्यासाठी जनतेला वणवन भटकंती करावी लागते. गेल्यावर्षी जिल्हाभर दमदार पाऊस झाला. त्यामुळे सर्व प्रकल्प शंभर टक्के भरले होते. त्यामुळे पाणीसाठा कमी झाला नाही. यंदा जिल्ह्यातील दुष्काळी भागात पाणी उपलब्ध होते. त्यामुळे टॅंकरही सुरु झाले नाहीत. 

दरम्यान, ताकारी, म्हैसाळ आणि टेंभू उपसा सिंचन योजनांचे उन्हाळी आवर्तन सुरु होते. या योजनेच्या माध्यमातून आटपाडी, तासगाव, खानापूर, मिरज, कवठेमहांकाळ, जत तालुक्यातील योजनेच्या माध्यमातून मध्यम आणि लघू प्रकल्प भरुन दिले. त्यामुळे पाण्याची उपलब्धता असल्याने पाण्याची टंचाई भासली नाही. 

जत तालुक्यात २८ प्रकल्पांची संख्या आहे. या प्रकल्पांत ७ टक्के पाणीसाठा आहे. त्यांपैकी ८ प्रकल्प कोरडे असून ७ प्रकल्पांत मृत पाणीसाठा आहे. एका प्रकल्पात ७५ टक्के, तर, ७ तलावांत ५० टक्के पाणीसाठा आहे. ऐन उन्हाळ्यात पाण्याची उबलब्धता असल्याने द्राक्ष, डाळिंब पिकासह अन्य पिकांना पाण्याची कमतरता पडली नाही. यामुळे शेतकऱ्यांना मोठा दिलासा मिळाला आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com