Agriculture news in Marathi Provide high quality seeds: Collector Yedge | Page 2 ||| Agrowon

उत्कृष्ट दर्जाचे बियाणे उपलब्ध करून द्यावे ः जिल्हाधिकारी येडगे

टीम अॅग्रोवन
शुक्रवार, 7 मे 2021

दैनंदिन पाठपुरावा करून जिल्ह्यात बियाणे, खते आदींची कमतरता पडणार नाही, याबाबत कृषी विभागाने सूक्ष्म नियोजन करावे, अशा सूचना जिल्हाधिकारी अमोल येडगे यांनी दिल्या.

यवतमाळ : चांगली उगवणक्षमता असलेले बियाणे तसेच उत्कृष्ट दर्जाच्या कृषी निविष्ठा शेतकऱ्यांना उपलब्ध करून देण्याची जबाबदारी कृषी विभागाची आहे. त्यासाठी दैनंदिन पाठपुरावा करून जिल्ह्यात बियाणे, खते आदींची कमतरता पडणार नाही, याबाबत कृषी विभागाने सूक्ष्म नियोजन करावे, अशा सूचना जिल्हाधिकारी अमोल येडगे यांनी दिल्या.

जिल्हाधिकारी कार्यालयात जिल्हास्तरीय कृषी निविष्ठा संनियंत्रण समितीच्या बैठकीत ते बोलत होते. या वेळी जिल्हा अधीक्षक कृषी अधिकारी नवनाथ कोळपकर, जिल्हा परिषद कृषी विकास अधिकारी राजेंद्र माळोदे, ‘महाबीज’चे जिल्हा व्यवस्थापक अशोक ठाकरे आदी उपस्थित होते.

जास्तीत जास्त उगवणक्षमता असलेल्या घरगुती सोयाबीन बियाण्यांचा वापर करण्याचे शेतकऱ्यांना आवाहन करा, असे सांगून जिल्हाधिकारी श्री. येडगे म्हणाले, की महाबीजने जिल्ह्याला सोयाबीन बियाण्यांचा पर्याप्त स्वरूपात पुरवठा करावा. तसेच खासगी कंपन्यांकडून सुद्धा जास्तीत जास्त सोयाबीनचे बियाणे जिल्ह्याला उपलब्ध होईल, यासाठी पाठपुरावा करावा. जिल्ह्यात बोगस बियाण्यांचे वाटप होता कामा नये. अशी प्रतिष्ठाने शोधण्यासाठी टीममार्फत शोधमोहीम राबवा. तसेच चोरट्या मार्गानेसुद्धा बियाण्यांची वाहतूक न होऊ देण्यासाठी पोलिस विभागाची मदत घ्या. जिल्ह्यात अप्रामाणिक नमुने सापडल्यास तत्काळ कारवाई करा.

कृषी सहायक शेतकऱ्यांच्या बांधावर दिसले पाहिजे. त्यांच्यामार्फत शेतकऱ्यांना योग्य मार्गदर्शन करून मोबाईल संदेशाच्या माध्यमातून सुद्धा कृषी विभागाने शेतकऱ्यांपर्यंत पोहोचावे. जिल्ह्यात सर्व कृषी निविष्ठा वेळेत उपलब्ध होतील, यासाठी दक्ष राहावे. तसेच निविष्ठा वाटपाचे काम कोविड प्रतिबंधात्मक वर्तणुकीचे पालन करून करण्यात यावे, अशा सूचना दिल्या.

खरीप हंगामासाठी जिल्ह्यात सोयाबीनचे १ लाख ३१ हजार २४२ क्विंटल बियाणे, तूर १५००८ क्विंटल बियाणे, ज्वारी १०६५ क्विंटल, मूग ७७० क्विंटल, उडीद ७६० क्विंटल बियाण्यांची, तर कापसाच्या २५ लाख ५९ हजार २५६ पॅकेटची मागणी नोंदविण्यात आली आहे. जिल्ह्यात प्रत्येक तालुक्यात एक या प्रमाणे १६ भरारी पथकांची स्थापना तालुका कृषी अधिकारी यांच्या अध्यक्षतेखाली करण्यात आली आहे.

 


इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...