agriculture news in Marathi provide interest free loan to farmers on kisan credit card Maharashtra | Agrowon

किसान क्रेडिट कार्डवर बिनव्याजी कर्ज द्या

टीम अॅग्रोवन
रविवार, 12 जुलै 2020

शेतकऱ्यांना शेतीकामासाठी आर्थिक मदत करणे हा किसान क्रेडिट कार्डचा मुख्य हेतू आहे. मात्र अद्याप अनेक शेतकऱ्यांची मागणी असताना त्याचा लाभ मिळालेला नाही.

नाशिक: शेतकऱ्यांना शेतीकामासाठी आर्थिक मदत करणे हा किसान क्रेडिट कार्डचा मुख्य हेतू आहे. मात्र अद्याप अनेक शेतकऱ्यांची मागणी असताना त्याचा लाभ मिळालेला नाही. तसेच सध्या शेतकऱ्यांना दिल्या जाणाऱ्या ३ लाखांवर जे ४ टक्के व्याज आकारले जात आहे ते माफ करून बिनव्याजी कर्ज द्यावे, अशी मागणी कृषिमंत्री दादा भुसे यांनी केंद्राकडे केली आहे.

केंद्रीय कृषी मंत्री नरेंद्रसिंह तोमर यांनी शुक्रवारी (ता.१०) राज्यांतील कृषिमंत्री व संबंधित विभागाच्या महत्त्वाच्या घटकांशी व्हिडिओ कॉन्फरन्सिंगद्वारे संवाद साधला. यामध्ये मंत्री भुसे सहभागी झाले होते. यावेळी त्यांनी ही मागणी केली.

कृषिमंत्री भुसे म्हणाले, ‘‘बियाणे, खते खरेदी व शेतीसाठी लागणारे भांडवल किसान क्रेडिट कार्डच्या माध्यमातून उपलब्ध करून देण्यात येते. त्याचे वाटप वेळेवर झाले पाहिजे. सरकारने प्रत्येक शेतकऱ्याला पतमर्यादा ठरवून दिली तर शेतकरी गरजेनुसार पैशाचा वापर करेल. तसेच वेळेवर भरणा करणे शक्य होईल. राज्यात आत्तापर्यंत किती किसान क्रेडिट कार्ड देण्यात आले याची माहिती द्यावी. 

‘‘२०१८ पासून सुरु झालेल्या पंतप्रधान शेतकरी सन्मान योजनेंतर्गत सध्या पाचव्या टप्प्यातील हप्ते दिले जात आहेत. मात्र अद्यापही अनेक शेतकरी वंचित आहेत. त्या शेतकऱ्यांना या योजनेचा लाभ द्यावा. जे लाभार्थी पात्र आहेत त्यांना योजना लागू झाल्यापासून फरक द्या,’’ अशी मागणी त्यांनी यावेळी केली. या वेळी राज्यातील शेतकऱ्यांसाठी अमलात आणलेल्या बाळासाहेब ठाकरे स्मार्ट शेतकरी योजनेबाबत त्यांनी केंद्रीय कृषिमंत्र्यांना माहिती दिली. 

शेतकरी उत्पादक कंपन्यांच्या प्रश्‍नांकडे वेधले लक्ष
देशात शेतकरी उत्पादक कंपन्या स्थापन करण्याबाबत केंद्र सरकारच्या भूमिकेचे स्वागत आहे. मात्र जुन्या कंपन्या तसेच ज्या कंपन्या चांगले काम करत आहेत त्यांना पाठबळ द्या. कंपन्यांना आवश्यक वीज जोडण्या, मागणीनुसार पाणीपुरवठा व संबंधित परवानग्या द्याव्यात, प्राधान्याने कर्ज उपलब्ध करून द्यावे, अशा मागण्या कृषिमंत्री भुसे यांनी केल्या.
 


इतर अॅग्रो विशेष
नाशिक विभागात चाळीस लाख टन कापसाची खरेदीनगर ः नाशिक विभागात यंदा १ लाख ३७ हजार ३४५...
देशभरात ‘नाफेड’कडून ८६ हजार टन कांदा...नाशिक: केंद्र सरकारच्या भाव स्थिरीकरण निधी...
कोरोनास्थितीमुळे पोल्ट्री उद्योगाची...नाशिक: कोरोनाच्या पार्श्वभूमीवर चिकनबाबत...
राज्यातील रेशीम कोष उत्पादकांना मिळणार...पुणे ः बदलत्या हवामानामुळे अडचणीत येत...
मका उत्पादकांचे लक्ष शासनाच्या...औरंगाबाद: हमीभाव खरेदी केंद्रांवरील खरेदी बंद...
लाल भेंडीसाठी शेतकऱ्याला केंद्राचे...सिंधुदुर्ग: जिल्ह्यातील आडेली (ता.वेंगुर्ला)...
‘भीमाघोड’ने उभारली सर्वांत मोठी कांदा...पुणे: भीमाघोड शेतकरी उत्पादक कंपनीने महाओनियन...
पावसाचा जोर आजपासून वाढणारपुणे ः उत्तर महाराष्ट्र ते अरबी समुद्रातील पूर्व...
कापसाचे ६१४ कोटी थकीतनागपूर : राज्यात खरेदी करण्यात आलेल्या कापसाची...
वैद्यांनी जपला यांत्रिकीकरणाचा वारसागरज ही शोधाचा जननी असते. त्यातूनच निंभोरा बोडखा (...
प्रतिकूल हवामानात घडवली बीबीएफ’...जालना कृषी विज्ञान केंद्र, खरपुडी-जालना (केव्हीके...
बदलत्या व्यापार समिकरणांचा अन्वयार्थशेती क्षेत्रात नुकत्याच आम्ही काही सुधारणा केल्या...
शरद जोशींचे शिक्षण स्वातंत्र्यशरद जोशींचे तत्वज्ञान एका शब्दात सांगायचे म्हटले...
अभियान नको, योजना हवीकेंद्र सरकारने आत्मनिर्भर योजनेंतर्गत शेतमाल...
इर्व्हिनिया रॉट रोगाची केळी पिकात समस्या जळगाव ः जिल्ह्यात केळी पिकात...
`पोकरा`मधून शेतमजुरांना प्रशिक्षण द्याऔरंगाबाद: नानाजी देशमुख कृषी संजीवनी...
ऑगस्टमध्ये प्रथमच भरले सीना धरण नगर: दुष्काळी कर्जत, श्रीगोंदा आणि आष्टी...
कोल्हापूर : जनावरे बाजारातील...कोल्हापूर: `कोरोना’च्या पार्श्वभूमीवर लॉकडाउनमुळे...
साखर निर्यातवाढीसाठी केंद्राची ‘रॅपिड अ...कोल्हापूर: देशातून जास्तीत जास्त साखर निर्यात...
परभणीत सोळा हजार शेतकऱ्यांचे आधार...परभणी ः महात्मा जोतिराव फुले शेतकरी कर्जमुक्ती...