agriculture news in marathi, pumpkin plantation become in trouble due to drought, buldhana, maharashtra | Agrowon

बुलडाणा जिल्ह्यात दुष्काळी स्थितीचा कोहळा लागवडीला फटका

टीम अॅग्रोवन
रविवार, 21 जुलै 2019

यावर्षी ८ मे रोजी १२ एकरांत कोहळ्याची लागवड केली होती. अति तापमानामुळे वेलींवर करप्याचा प्रादुर्भाव झाल्याने त्यापैकी आठ एकरांतील वेल वाळून गेले. हे वेल काढून टाकावे लागले. आता चार एकरांत वेल आहेत. या भागातील बहुतांश शेतकऱ्यांकडील पाणी आटल्याने त्यांनी लागवडच केली नाही. आम्ही जेमतेम चार एकरांतील पीक वाचवू शकलो. दरवर्षीच्या तुलनेत यंदा कोहळ्याची खूपच कमी लागवड झालेली आहे.  
- दादाराव चंद्रभान मापारी, खैरा, जि. बुलडाणा

नांदुरा, जि. बुलडाणा   ः तालुक्यात दरवर्षी हमखास उत्पादन मिळवून देणाऱ्या कोहळ्याची (गंगाफळ) लागवड मोठ्या क्षेत्रावर केली जात होती. ऐन जुलै-ऑगस्ट महिन्यात ही फळे काढणी येऊन शेतकऱ्यांच्या हातात दोन पैसे नगदी मिळण्याची संधी उपलब्ध व्हायची. यावर्षी मात्र दुष्काळी परिस्थितीचा फटका कोहळा लागवडीला बसला आहे. दरवर्षीच्या तुलनेत २५ टक्केही लागवड या तालुक्यात झालेली दिसून येत नाही.

दरवर्षी नांदुरा तालुक्यात नांदुरा ते मोताळा, नांदुरा ते जळगाव जामोद या दोन मार्गांना लागून असलेल्या विविध गावांमध्ये कोहळा लागवड प्रामुख्याने केली जायची. जुलैच्या अखेरीस किंवा ऑगस्ट महिन्यात कोहळ्याची फळे तोडणीचा हंगामही सुरू व्हायचा. यावर्षी इतर पिकांप्रमाणेच कोहळ्याचीही लागवड मोठ्या प्रमाणात घटली. पाणी नसल्याने तसेच मे महिन्यात सातत्याने तापमान वाढते राहिल्यामुळे शेतकऱ्यांनी ही लागवड करण्याचे धाडस केलेले नाही.

गेल्या काही वर्षांत या हंगामी पिकाने नांदुरा, मोताळा, जळगाव जामोद तालुक्यांतील काही गावांत चांगला जम बसविला होता. सरासरी भाव मिळाले तरी शेतकऱ्यांना या पिकाने अनेकदा तारले. मे महिन्यात लागवड करून शेतकरी जुलै, ऑगस्ट महिन्यांत फळे तोडून या वेलवर्गीय पिकापासून चांगला पैसा मिळवत होते.

यावर्षी जिल्ह्यात दुष्काळी परिस्थितीने सर्वच पिकांना तडाखा दिला. पाणी कमी झाल्याने अनेक शेतकऱ्यांकडील विहिरी आटल्या. सिंचन बंद झाले. सोबतच संपूर्ण उन्हाळ्यात तापमान हे वाढलेले राहिले. याचा सारासार परिणाम कोहळ्याच्या लागवडीवरही झाला. 

दरवर्षी ४०० ते ५०० हेक्टरपर्यंत असणारी ही लागवड या वेळी १०० हेक्टरच्या आत असण्याची शक्यता शेतकऱ्यांनी बोलून दाखविली. यावर्षी या फळाला चांगली मागणी आहे. बाजारपेठेत इतर भाजीपाला चांगले दर मिळवत असताना हे फळसुद्धा ग्राहकांना २५ ते ४० रुपयांदरम्यान प्रतिकिलोने विकत घ्यावे लागत आहे. येत्या काळात मागणी वाढल्यास आणखी दर सुधारण्याची शक्यतासुद्धा नाकारता येत नाही.
 


इतर ताज्या घडामोडी
गोरेगाव आणि देगावांतील शेतकऱ्यांच्या...अकोला  ः जिल्ह्यातील गोरेगाव व देगाव या दोन...
जळगाव जिल्ह्यात अर्ली केळी लागवड सुरूजळगाव  ः जिल्ह्यात यावल, रावेर, मुक्ताईनगर,...
...अखेर रुईखेड येथे हवामान केंद्र स्थापनअकोला  ः महावेध व हवामान आधारित फळपीक विमा...
चांदवड येथे शेतकरी संघटनेची कांदा परिषद...नाशिक  : केंद्रीय अन्न व नागरी पुरवठा मंत्री...
गोंदिया : नुकसानग्रस्तांचे डोळे लागले...सडक अर्जुनी, गोंदिया  ः खरीप हंगामात अवकाळी...
जळगाव : किसान सन्मानच्या लाभाची...जळगाव ः शासनाकडून राबविण्यात येणाऱ्या...
परभणी जिल्ह्यात नादुरुस्त बंधाऱ्यांमुळे...परभणी : जिल्हा परिषदेच्या लघू पाटबंधारे...
कर्जमुक्ती योजनेंतर्गत ७४६ शेतकऱ्यांचे...नाशिक : महात्मा ज्योतिराव फुले शेतकरी कर्जमुक्ती...
किसान सभेचे बिऱ्हाड आंदोलन मागेनाशिक  : दिंडोरी तालुक्यामध्ये गेल्या अनेक...
लातूर, उस्मानाबाद जिल्ह्यात हेक्‍टरी १०...उस्मानाबाद : दोन्ही जिल्ह्यातील कापूस व तुरीची...
पाणी सोडण्याविरुद्ध रेणा प्रकल्पस्थळी...रेणापूर, जि. लातूर : भंडारवाडी (ता. रेणापूर)...
वणवा नुकसानग्रस्तांना सिंधुदुर्ग ‘झेडपी...सिंधुदुर्ग : ‘‘वणव्यामुळे नुकसान झालेल्या...
सांगलीत ‘रोहयो’तून डाळिंब लागवडीला ‘...आटपाडी, जि. सांगली : पावणे दोन वर्षांत येथील...
पुणे जिल्ह्यात हरभऱ्याला रोग-किडीचा फटकापुणे ः रब्बी हंगामात वाफसा न झाल्याने अनेक...
नगर जिल्ह्यातील अतिवृष्टीग्रस्तांना मदत...नगर ः अतिवृष्टीमुळे झालेल्या पिकांच्या नुकसानीची...
पीकविम्याची रक्कम लवकरच ः कृषिमंत्री...मुंबई ः राज्यातील शेतकऱ्यांना १५ ते २० दिवसांच्या...
सातारा जिल्ह्यात अडीच महिन्यांत केवळ ४४...सातारा ः दुष्काळावर मात करण्यासाठी शासनाने सुरू...
मराठवाड्यातील दूध संकलनात घटऔरंगाबाद : मराठवाड्यातील दूध संकलनात गतवर्षी...
पहाटेच्या शपथविधीची विधानसभेत आठवणमुंबई ः देवेंद्र फडणवीस आणि अजित पवार यांनी...
मराठवाडी धरणग्रस्तांनी बंद पाडले धरणाचे...ढेबेवाडी, जि. सातारा : ‘आधी पुनर्वसन मगच धरण’ या...