पुण्यातून मूळगावी जाण्यासाठी माहिती पाठवा : प्रशासनाचे आवाहन

पुणे : पुणे शहर, उपनगरांत अडकून पडलेले किंवा मूळगावी जाऊ इच्छिणाऱ्या नागरिकांसाठी परवागीकरिता इ-मेलच्या माध्यमातून माहिती पाठविण्याचे आवाहन प्रशासनामार्फत करण्यात आले आहे. याकरिता क्षेत्रनिहाय इ-मेल आयडी प्रसिद्ध करण्यात आले आहेत.  पुणे शहर तहसिल कार्यालयाच्या कार्यक्षेत्रामधील एरंडवणा, येरवडा, औंध, बोपोडी (खडकी), पर्वती (सहकारनगर, मुंकुदनगर), दत्तवाडी, वानवडी, घोरपडी पेठ, कोरेगाव पार्क, मुंढवा, केशव नगर, शिवाजीनगर, गोखले नगर, वडारवाडी, बिबवेवाडी (मार्केटयार्ड, गुलटेकडी) पुणे शहर व सर्व पेठा. या भागातील नागरिकांना त्यांच्या मूळ गावी जायचे आहे. त्यांनी त्यांची माहिती पाठविण्याचे आवाहन प्रशासनामार्फत करण्यात आले आहे.  याकरिता tahasildarpunecity@gmail.com या इ-मेल वर पाठवावी. तसेच हवेली कार्यालयाच्या कार्यक्षेत्रामधील  बाणेर, कोंढवा, धनकवडी, बालाजी नगर, सिंहगड रोड, धायरी, विश्रांतवाडी चंदननगर, हडपसर, मांजरी, कोथरूड, बालेवाडी, इत्यादी भागातील नागरिकांनी त्यांची माहिती tahasildarhavelipune@gmail.com या इ-मेल वर पाठवावी लागणार आहे.  मुळशी कार्यालयाच्या कार्यक्षेत्रामधील पाषाण, सुस, वाकड हिंजवडी, बावधन इत्यादी भागातील नागरिकांनी त्यांची माहिती tahasildarmulshi@gmail.com या इ-मेल वर पाठवावी. या सर्व ठिकाणी माहिती पाठविताना संपूर्ण नाव , सध्याचा पत्ता, मोबाईल नंबर व्यवसाय –विद्यार्थी/ कामगार/नोकरी/अन्य- त्याचा पत्ता, मूळ गावचा पत्ता- गाव, तालुका, जिल्हा, राज्य, प्रवास कसा करणार आहात- स्वत:चे वाहन/सार्वजनिक वाहन, किती लोक प्रवास करणार याबाबतची माहिती देणे आवश्यक आहे. असे प्रशासनाकडून कळविण्यात आले आहे.