पुण्यात डाळिंबा पाठोपाठ फळे-भाजीपाला अडत्यांना वसुलीची नोटीस 

पुणे : येथील पुणे कृषी उत्पन्न बाजार समितीमधील डाळिंब अडत्यांनी शेतकऱ्यांच्या हिशोब पट्टीतून ३० कोटी ५५ लाखांची बेकायदा वसूल केल्याची घटना समोर आल्यानंतर, आता फळे भाजीपाला विभागातील १८ अडत्यांकडून ४ कोटी ३८ लाख रुपये बेकायदा वसुली प्रकरणी बाजार समितीने नोटिसा बजावल्या आहेत. यामधील चार अडत्यांकडून २७ लाख २७ हजार ४६० रुपये भरण्याची अंतिम आदेश बजावण्यात आली आहे. प्रशासक बी.जे.देशमुख यांनी शनिवारी (ता.७) पत्रकार परिषदेमध्ये ही माहिती दिली. १ एप्रिल २०१५ ते ३१ डिसेंबर २०१८ दरम्यानच्या कालावधी मधील दफ्तर तपासणी करण्यात आली होती. श्री. देशमुख म्हणाले, ‘‘शेतकऱ्यांच्या हिशोब पट्टीमधून हमाली, तोलाई, बाजारशुल्क  नियमापेक्षा अधिक वसुली प्रकरणी ७२ अडत्यांची दफ्तर तपासणी सुरू आहे. यामध्ये उपलब्ध व्यापार आणि प्रत्यक्षात झालेला व्यापार, प्रत्येक हिशोबपट्टी, बॅंक खाते यांची तपासणी सनदी लेखापालांकडून करण्यात आली. यामध्ये ३२ अडत्यांची तपासणी पूर्ण झाली असून,यामध्ये डाळिंब विभागातील ४ अडत्यांना ३० कोटी ५५ लाखांच्या नियमबाह्य वसुलीच्या नोटिसा यापूर्वीचं बजावण्यात आल्या आहेत. उर्वरित २७ अडत्यांपैकी १४ अडत्यांना निष्पन्न झालेल्या येणे बाकीच्या नोटिसा बजावण्यात आल्या आहेत. तर उर्वरित १२ अडत्यांची दफ्तर तपासणी सुरू असून, एक अडत्यांकडे कोणतीही वसुली निघाली नाही.‘‘    कारवाई विषयी माहिती देतांना प्रशासक बी.जे. देशमुख पहा video  

चार अडत्यांना २७ लाख २७ हजार ४६० रुपये भरण्याचे आदेश देण्यात आले आहेत. यांपैकी ४ लाख ९८ हजार ६२० रुपये भरण्यात आले आहेत. तर उर्वरित १४ अडत्यांना ४ कोटी २६ लाख ६२ हजार ४६८ रुपये भरण्याबाबतच्या नोटिसा देण्यात आल्या आहेत. यांनी या रकमेबाबत १५ दिवसांत खुलासा करण्याचे सांगण्यात आले आहेत. त्यांचे म्हणणे एकूण घेतल्यानंतर पुढील कार्यवाही करण्यात येणार आहे. असेही देशमुख यांनी स्पष्ट केले. अंतिम आदेश देण्यात आलेले अडते 

नोटीस बजावण्यात आलेले अडते