agriculture news in marathi Pune APMC starts form today, on permitted will have entry | Agrowon

पुणे बाजार समिती आजपासून सुरु; मात्र परवाने असलेल्यांनाच प्रवेश

टीम अॅग्रोवन
रविवार, 29 मार्च 2020

पुणे : कोरोना विषाणूमुळे सुरू असलेल्या लॉकडाऊनमध्ये शेतमालाला बाजारपेठ मिळावी आणि शहरात मुबलक भाजीपाला पुरवठा व्हावा यासाठी रविवारी (ता.२९) पुणे कृषी उत्पन्न बाजार समिती कामकाज सुरु असणार आहे.

पुणे : कोरोना विषाणूमुळे सुरू असलेल्या लॉकडाऊनमध्ये शेतमालाला बाजारपेठ मिळावी आणि शहरात मुबलक भाजीपाला पुरवठा व्हावा यासाठी रविवारी (ता.२९) पुणे कृषी उत्पन्न बाजार समिती कामकाज सुरु असणार आहे. मात्र, केवळ परवानाधारक व्यापाऱ्यांनाच प्रवेश देण्यात येणार असल्याची माहिती बाजार समितीचे प्रशासक बी.जे. देशमुख यांनी दिली. तसेच गर्दी नियोजनासाठी उद्या भाजीपाला आणि त्यानंतर फळे आणि कांदा बटाटा विभाग सुरु ठेवण्यात येणार आहेत. दिवसाआड हे नियोजन असेल. 

दरम्यान, काही अडते समाजमाध्यमांवर बाजार बंद असल्याचे संदेश फैलावत आहेत. त्यांच्यावर आणि जे अडते गाळ्यावर येणार नाहीत त्यांच्‍यावर वैयक्तिक जबाबदारी निश्‍चित करुन, गाळे ताब्यात घेऊन गुन्हे दाखल करणार असल्याचे प्रशासक देशमुख यांनी स्पष्ट केले.  

बाजारसमितीतील नियोजनाबद्दल प्रशासक देशमुख काय म्हणाले... पहा व्हीडिओ

श्री. देशमुख म्हणाले,‘‘आणीबाणी आणि आपत्कालीन परिस्थितीमध्ये अडते संघटनेने केलेली बाजार बंदची घोषणा बेकायदा आहे. बाजार समिती ही कायद्याने सुरु असून, अडत्यांना परवाने हे कायद्याने दिलेले आहेत. त्यामुळे कायद्याला बांधील राहून बाजार सुरु ठेवणे हे बंधनकारक आहे. बाजार आवारात होणारी गर्दी टाळण्यासाठी एक एक विभाग दिवसाआड सुरु ठेवण्याचे नियोजन करण्यात आले आहे. यामध्ये रविवारी (ता.२९) पालेभाज्या आणि फळभाज्यांची आवक होणार असून, सोमवारी (ता.३०) फळे आणि कांदा बटाटा विभाग सुरु असणार आहे. या दिवशी भाजीपाल्याची आवक होणार नाही, असे नियोजन आहे.’’

‘‘परवानाधारक खरेदीदार, कामगार आणि अडत्यांना देखील ओळखपत्रे दिली असून, रात्री ९ ते पहाटे चार शेतमालाच्या गाड्या खाली होणार असून, साडेचार वाजता हि वाहने बाजार आवारा बाहेर काढण्यात येणार आहेत. यानंतर साडेचार वाजता कामगार,अडते आणि खरेदीदारांना प्रवेश देण्यात येणार आहे. यावेळी एकाच वेळी गर्दी होणार नाही याची दक्षता पोलीस प्रशासन आणि बाजार समिती प्रशासन घेणार आहे,’’ असे श्री. देशमुख यांनी स्पष्ट केलेे. 

दरम्यान बाजार समिती बंद असल्याची अफवा काही घटक करत आहेत यावर पोलीस प्रशासनाची करडी नजर असून, अशा अफवा पसरविण्यांवर गुन्हे दाखल केले जाणार आहेत. तर सर्व बाजार घटकांना हमाल, तोलणार आणि अडत्यांना कामावर येण्याची विनंती केली आहे. जे कोण कामावर न येता बाजार व्यवस्था वेठीस धरणार असतील त्यांच्यावर आपत्तीव्यवस्थापन कायद्या अंतर्गत फौजदारी गुन्हे दाखल केले जाणार आहेत. तर जे अडते कामावर येणार नाहीत त्यांचे गाळे ताब्यात घेऊन, त्यांचे परवाने रद्द करण्यात येणार असून, त्यांच्यावर वैयक्तिक जबाबदारी निश्‍चित करुन गुन्हे दाखल केले जाणार आहेत. असेही देशमुख यांनी स्पष्ट केले. 

आज ६०० वाहनांमधून भाजीपाल्याची आवक 
शनिवारी बाजार समितीला साप्ताहिक सुट्टी असल्याने मुख्य आवारात भाजीपाल्याची आवक झाली नाही. मात्र मोशी, उत्तमनगर, खडकी या उपबाजारात लहान मोठ्या सुमारे ६०० वाहनांमधून भाजीपाल्याची आवक झाल्याचे प्रशासक बी.जे.देशमुख यांनी सांगितले. 


इतर अॅग्रो विशेष
मराठवाड्यात काही ठिकाणी मुसळधारपुणे : राज्यातील बहुतांशी भागातील पावसाचे...
राज्यात हलक्या पावसाची शक्यतापुणे : काही दिवस राज्यात मुसळधार पाऊस...
एक हजार प्राध्यापकांनी वयाची साठी...पुणे: राज्यातील कृषी विद्यापीठांमधील...
सूक्ष्म अन्न उद्योगांना मिळणार आता दहा...पुणे: राज्यात लवकरच पंतप्रधान सूक्ष्म अन्न उद्योग...
कृषी, कामगार विधेयकांची राज्यात...पुणे : केंद्र सरकारने घाईघाईत मंजूर करुन घेतलेली...
शेतकरी आंदोलनाचे सात राज्यांत पडसादचंडीगड ः केंद्र सरकारच्या कृषी विधेयकांना विरोध...
सोयाबीन बियाणे प्लॉटना फटकाऔरंगाबाद: सध्याचे पावसाचे प्रमाण व त्यामुळे...
केळी विमा निकषांबाबत उत्सुकताजळगाव ः राज्य सरकारच्या चुकांमुळे हवामानावर...
अडीच हजार हेक्टर भातशेती सततच्या...सिंधुदुर्ग ः हळवी आणि भिजवणीची लागवड केलेली...
कृषी विधेयकांविरोधात राज्यात शेतकरी...पुणेः केंद्र सरकारने नुकतेच मंजूर केलेल्या कृषी...
सेंद्रिय व्यवस्थापनाच्या बळावर रोखली...सर्वाधिक संत्रा लागवडीखाली क्षेत्र असल्यामुळे ‘...
ऑनलाइन शिक्षणात बरेच ऑफलाइन! पाऊस आणि शाळा, महाविद्यालयं सुरू होण्याचा काळ...
आता शेतमाल खरेदीचे बोला!ऑगस्ट २०२० च्या पहिल्या आठवड्यात देशभरातील खरीप...
उद्योजकांच्या कर्जमाफीवर सर्वांचीच...भारतात शेती आणि शेतकरी याला खूप महत्त्व आहे....
खरीप धान्योत्पादन १४४ दशलक्ष टनांवर नवी दिल्ली ः कोरोना पुणे मुंबई बातमी ...
ऊसतोड कामगार मंडळाची रचना, धोरण लवकरचः...मुंबई : ऊसतोड कामगारांचे विविध प्रश्न व समस्यांवर...
मध्य महाराष्ट्र, मराठवाड्यात हलक्या...पुणे ः राज्यातील पावसाचा जोर कमी झाला आहे. पुढील...
‘पोकरा’मधून फळबाग, वनशेती, बांबू, तुती...औरंगाबाद: नानाजी देशमुख कृषी संजीवनी...
पावसाळ्यापूर्वीच कापूस खरेदीचे नियोजन अमरावती : गेल्या हंगामात पावसामुळे कापसाचे नुकसान...
सुधारित शेती, पूरक व्यवसायाचा ‘निवजे...निवजे (ता.कुडाळ,जि.सिंधुदुर्ग) गावकऱ्यांनी शेती...