पुणे : कोरोनामुळे शहरात लॉकडाऊन असतानाही राज्यात बाजार समित्यांत होणाऱ्या गर्दीला अटकाव करण्यात पुणे बाजार समितीला आज (ता.२९) यश आले. नियोजनबद्ध, केवळ परवानाधारक शेतकरी आणि विक्रेत्यांना प्रवेश आणि पोलीस बंदोबस्तात आज सर्व व्यवहार पार पाडण्यात आले. सुमारे ५५० गाड्यातून आवक होऊन व्यवहार सुरळीत होते.
तोडणीविना शेतात शिल्लक राहिलेल्या शेतमालाला उठाव मिळावा आणि शहरातील ग्राहकांना भाजीपाला सुरळीत उपलब्ध व्हावा यासाठी पुणे बाजार समिती प्रशासनाने पोलीस प्रशासनाच्या मदतीने चांगलीच कंबर कसली. कोणत्याही प्रकारची गर्दी टाळत पोलीस प्रशासनाच्या सहकार्याने उपायुक्त सुहास बावचे आणि बाजार समिती प्रशासक बी.जे.देशमुख यांनी बाजार व्यवहार सुरळीत ठेवला. यावेळी केवळ परवानाधारक घाऊक खरेदीदारांना प्रवेश देण्यात आल्याने गर्दीवर नियंत्रण मिळवीत सोशल डिस्टनिंगची अंमलबजावणी करण्यात आली होती.
पुणे बाजार समितीत पोलिस बंदोबस्तात व्यवहार... पहा video
आज (रविवारी) सुमारे ५५० लहान मोठ्या वाहनांमधूऩ भाजीपाल्याची आवक झाली होती. आज कांदा-बटाटा आणि फळबाजार विभाग बंद होता. तो उद्या सुरू असेल, तर भाजीपाला विभाग उद्या सोमवारी बंद राहणार आहे. हा प्रयोग दिवसाआड असणार असल्याचे प्रशासक देशमुख यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.