पुणे जिल्ह्यातील धरणक्षेत्रात पावसाचा जोर कायम 

पुणे ः गेल्या आठवड्यापासून सुरू झालेल्या पावसाचा जोर अजूनही कायम आहे. बुधवारी (ता. ३१) पावसाच्या धरणपट्ट्यात चांगल्याच जोरदार सरी पडल्या. भोर तालुक्यातील भोलावडे येथे १५१ मिलिमीटर पाऊस पडल्याची नोंद झाली आहे. यामुळे ओढे, नाले खळाळून वाहत असून धरणातील पाणीसाठा झपाट्याने वाढत आहे. तर येडगाव, चासकमान, खडकवासला व वीर धरणांतून पाण्याचा विसर्ग सोडण्यात आला आहे. धरणक्षेत्रात पावसाचा जोर कायम असल्याने शेतकऱ्यांच्या भात लागवडी अंतिम पट्ट्यात आल्या आहेत. 

गुरुवारी पावसाचा जोर या भागात काही प्रमाणात कायम होता. मात्र, पूर्वेकडील भागात पावसाने उघडीप दिली होती. पानशेत धरणाच्या पाणलोट क्षेत्रात सर्वाधिक १३०, तर वरसगाव ११५ मिलिमीटर पाऊस पडला. वडीवळे, पवना, मुळशी, टेमघर, गुंजवणी, नीरा देवधर, भाटघर या धरणांच्या परिसरातही जोरदार पाऊस पडला. तर खडकवासला, कासारसाई, वीर, नाझरे, पिंपळगाव जोगे, माणिकडोह, येडगाव, वडज, डिंभे, चासकमान या धरणांच्या पाणलोट क्षेत्रात पावसाच्या हलक्या सरी कोसळल्या. घोड आणि विसापूर धरणांच्या पाणलोट क्षेत्रात अधूनमधून पाऊस पडला आहे. 

पुणे शहरातील कोथरूड येथे सर्वाधिक ३० मिलिमीटर पाऊस पडला. तर केशनगर, खडकवासला, खेड, भोसरी या भागांतही हलका पाऊस पडला. मुळशी तालुक्यातील बहुतांशी भागात पावसाचा जोर कायम होता. तर मुठे, माले, पौड येथे सर्वाधिक पाऊस पडला. भोर तालुक्यातील भोर, भोलावडे, नसरापूर, किकवी, वेळू, आंबवडे, संगमनेर, निगुडघर, मावळातील काले, कार्ला, खडकाळा, लोणावळा, शिवणे जोरदार पाडऊ पडला. वेल्हा तालुक्यातील वेल्हा, पाणशेत, विंझर, आंबवणे, जुन्नरमधील राजूर, डिंगोरे, आपटाळे, ओतूर, खेडमधील वाडा, कुडे, पाईट, आंबेगावमधील घोडेगाव, आंबेगाव, कळंब, मंचर येथे जोरदार पाऊस पडला. पूर्वेकडील तालुक्यातील अनेक भागांत पावसाने उघडीप दिली होती. काही ठिकाणी अधूनमधून सरी बरसता होत्या.

शिरूरमधील टाकळी, तळेगाव, पाबळ, बारामतीमधील बारामती, माळेगाव, पणदरे, वडगाव, लोणी, मोरगाव, इंदापूरमधील भिगवण, इंदापूर, दौंडमधील वरवंड, पुरंदरमधील सासवड, भिवंडी, जेजुरी, परिंचे, वाल्हा या ठिकाणी हलक्या सरी पडल्या.

मंडळनिहाय झालेला पाऊस, मिलिमीटरमध्ये ः पुणे शहर ६.३, केशवनगर ४.२, कोथरूड ३०, खडकवासला ९, थेऊर ८, उरूळी कांचन ३, खेड १५, भोसरी ९, चिंचवड १०, कळस ३, हडपसर ३, वाघोली ४, पौड ४६, घोटावडे ४०, थेरगाव १०, माले ७४, मुठे ७९, पिरंगुट ४५, भोर ३३, भोलावडे १५१, नसरापूर ३१, किकवी ४५, वेळू २१, आंबवडे ३८, संगमनेर ६५, निगुडघर ६५, वडगाव मावळ १०, तळेगाव १०, काले ६३, कार्ला ४३, खडकाळा ३१, लोणावळा ६२, शिवणे ४८, वेल्हा ४०, पाणशेत ७७, विंझर २१, आंबवणे १७, जुन्नर ६, नारायणगाव ६, वडगाव आनंद ६, निमगाव सावा ४, बेल्हा ३, राजूर ६०, डिंगोरे ५३, आपटाळे २४, ओतूर २३, वाडा ५१, राजगुरुनगर १, कुडे ४०, पाईट १०, चाकण ३, पिंपळगाव १.५, कन्हेरसर २, कडूस १०, घोडेगाव ३५, आंबेगाव २०, कळंब १५, पारगाव ६.७, मंचर १३, टाकळी २, तळेगाव २, पाबळ ३, बारामती २, माळेगाव २, पणदरे २, वडगाव ५, लोणी १, मोरगाव ६, भिगवण १, इंदापूर ०.२, वरवंड १, सासवड ७, भिवंडी १३, जेजुरी ३, परिंचे २१, वाल्हा ७.