पुणे जिल्ह्यात हलक्या ते मध्यम स्वरूपाच्या सरी

पुणे जिल्ह्यात हलक्या ते मध्यम स्वरूपाच्या सरी
पुणे जिल्ह्यात हलक्या ते मध्यम स्वरूपाच्या सरी

पुणे ः गेल्या चार ते पाच दिवसांपासून पुणे जिल्ह्यातील बहुतांशी भागात पावसाने जोर धरला आहे. शुक्रवारी (ता. २०) सकाळी आठ वाजेपर्यंत जिल्ह्यात हलक्या ते मध्यम स्वरूपाच्या सरी बरसल्या आहेत. मुळशी तालुक्यातील पिरंगुट येथे सर्वाधिक ५२ मिलिमीटर पाऊस पडल्याची नोंद झाली आहे. त्यामुळे भात पिके तरारली असून पूर्वेकडील तालुक्यातील तूर पिकांनाही काही प्रमाणात दिलासा मिळाला आहे.

जिल्ह्यात शुक्रवारी सकाळपासून पावसाने जोर धरण्यास सुरवात केली आहे. त्यामुळे पुणे शहर, मावळ, मुळशी, भोर, वेल्हा या भागात अधूनमधून पाऊस पडत होता. त्यामुळे धरणातील पाणी पातळीत वाढ होत असल्याने धरणातून पाण्याचा काही प्रमाणात विसर्ग सोडण्यात येत आहे. हवेलीतील खडकवासला परिसरात जोरदार पाऊस पडला असून सर्वाधिक १३ मिलिमीटर पाऊस पडल्याची नोंद झाली आहे. तसेच पुणे शहर, केशवनगर, कोथरूड, थेऊर, उरूळी कांचन, खेड शिवापूर, भोसरी, वाघोली चिंचवड, कळस, हडपसर या उपनगरातही हलक्या स्वरूपाचा पाऊस पडला.

मुळशी तालुक्यातील पिंरगुटनंतर पौड येथे ४० मिलिमीटर पाऊस पडला. तर घोटावडे येथे २५, माले १८ मिलीमीटर पाऊस पडला. भोरमधील आंबवडे येथे २२ मिलिमीटर पाऊस पडला. तर भोलावडे, नसरापूर, किकवी, वेळू, आंबवडे, संगमनेर येथे हलका पाऊस पडला.

मावळातील तळेगाव, काळे कॉलनी, कार्ला, खडकाळा, लोणावळा, शिवणे, वेल्हा तालुक्यांतील वेल्हा, पानशेत, विंझर, आंबवणे येथेही हलका पाऊस पडला. जुन्नरमधील बेल्हे येथे सर्वाधिक ४६ मिलिमीटर पाऊस पडला. तर नारायणगाव, वडगाव आनंद, निमगाव, राजूर, डिंगोरे, आपटाळे, ओतूर येथेही मध्यम स्वरूपाचा पाऊस पडला. खेडमधील कन्हेरसर येथे ४१ मिलिमीटर पाऊस पडला. तर कुडे येथे ३७, कडूस २८, वाडा २१, चाकण २४ मिलिमीटर पाऊस पडला; तर राजगुरूनगर, पाईट, आळंदी, शेळपिंपळगाव येथे हलका पाऊस पडला. आंबेगावमधील घोडेगाव २०, डिंभे १७, कळंब २२, पारगाव २७.५९, मंचर २८ मिलिमीटर पाऊस पडला. 

शिरूरमधील टाकळी, वडगाव रसाई, न्हावरे, मलठण, रांजणगाव, पाबळ, शिरूर हलका पाऊस पडला. बारामतीतील माळेगाव येथे ३८ मिलिमीटर पाऊस पडला. तर पणदरे, लोणी भापकर, सुपा, मोरगाव, उंडवडी येथे हलका पाऊस पडला. इंदापुरातील भिगवण, इंदापूर, लोणी, बावडा, काटी, निमगाव केतकी, अंथुर्णे, सणसर येथे हलका पाऊस पडला. 

दौंडमधील वरवंड येथे २५ मिलिमीटर पाऊस पडला असून देऊळगाव राजे, यवत, केडगाव, राहू, रावणगाव, दौड येथे पावसाच्या अधूनमधून सरी बरसत होत्या. पुरंदरमधील भिवंडी येथे ३१ मिलिमीटर पाऊस पडला. तर सासवड, कुंभारवळण, जेजुरी, परिंचे, राजेवाडी, वाल्हे येथेही पावसाच्या हलक्या सरी कोसळल्या. त्यामुळे शेतकऱ्यांनी रब्बी हंगामात ज्वारी पेरणीसाठी तयारी सुरू केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com