Agriculture News in Marathi In Pune district Rain exposure | Page 2 ||| Agrowon

पुणे जिल्ह्यात  पावसाची उघडीप 

टीम अॅग्रोवन
शनिवार, 25 सप्टेंबर 2021

पावसासाठी पोषक वातावरण नसल्याने अनेक ठिकाणी उघडीप दिली आहे. पुणे जिल्ह्यातील धरणाच्या पाणलोट क्षेत्रात तुरळक सरी पडल्या.

पुणे : पावसासाठी पोषक वातावरण नसल्याने अनेक ठिकाणी उघडीप दिली आहे. पुणे जिल्ह्यातील धरणाच्या पाणलोट क्षेत्रात तुरळक सरी पडल्या असून, मावळातील पवना धरण क्षेत्रात अवघा आठ मिलिमीटर पाऊस पडला आहे. धरणातील पाणीसाठ्यात चांगलीच वाढ झाली आहे. गेले काही दिवस झालेल्या पावसामुळे पिकांना दिलासा मिळाला असून भात पिके वाढीच्या अवस्थेत आहेत. 

गेल्या १५ ते २० दिवस जिल्ह्याच्या विविध भागांत पावसाने चांगलीच हजेरी लावली. त्यामुळे पिकांना पोषक पाऊस झाल्याने पिके चांगलीच तरारली आहेत. सध्या तूर, कापूस, बाजरी पिके वाढीच्या व काढणीच्या अवस्थेत आहेत. तर बाजरी पिके कणसाच्या अवस्थेत आहेत. अति पावसामुळे मूग, उडीद पिकांचे काही प्रमाणात नुकसान झाले आहे. भात पिके जोमात असून, वाढीच्या अवस्थेत आहेत. काही ठिकाणी भात पिकांवर रोग, किडीचा प्रादुर्भाव होण्यास सुरुवात झाली आहे. 

जिल्ह्यातील बहुतांश भागात पाऊस चांगलाच कोसळत होता. विशेषः हा पश्‍चिम पट्ट्यात पावसाची बऱ्यापैकी संततधार सुरू होती. त्यामुळे भात खाचरे भरल्याने ओसंडून वाहत आहेत. पूर्वेकडील शिरूर, बारामती, इंदापूर, दौंड, पुरंदर, खेड भागांत सततच्या पावसाने काहीसा दिलासा दिला आहे. मात्र तूर, बाजरी पिकांसाठी हा पाऊस पोषक झाल्याने अनेक ठिकाणी पिके वाढीच्या अवस्थेत आहेत. आतापर्यंत बऱ्यापैकी झालेल्या पावसामुळे भूजल पातळीत वाढ झाली असून, विहिरी तुडुंब भरल्याची स्थिती आहे. त्यामुळे आगामी काळातील पिण्याच्या व शेतीच्या पाण्याचा प्रश्‍न सुटण्यास मदत झाली आहे.  

चार दिवसांपासून सतत पाऊस; 
नगर जिल्ह्यात पिकांवर परिणाम 

नगर : नगर जिल्ह्यात गेल्या चार-पाच दिवसांपासून सतत पाऊस पडत असल्याने पाणीपातळीत वाढ होत आहे. खरिपाच्या पिकांवर मात्र पावसाचा विपरीत परिणाम होत असल्याचे दिसत आहे. नगर, नेवासा, पाथर्डी तालुक्यात पावसाचा जोर कायम आहे. शुक्रवारी (ता. २४) सकाळपर्यंतच्या नोंदीत राहुरी तालुक्यातील वांबोरी महसूल मंडलात अतिवृष्टीची नोंद झाली. कर्जत तालुक्यात मात्र अजूनही चांगला पाऊस झाला नाही. 

नगर जिल्ह्यात यंदा पावसाची स्थिती चांगली आहे. या महिन्यात नगर, शेवगाव, पाथर्डी, नेवासा, राहुरी तालुक्यांत जोरदार पाऊस झाला. चांगल्या पावसामुळे धरणात पाणीसाठा झाला असून, अकोल्यातील पावसामुळे मुळा, भंडारदरा, निळवंडे धरण पूर्ण क्षमतेने भरले आहे. गेल्या पाच दिवसांपासून जिल्ह्यातील काही भागांत पाऊस पडत आहे. सततच्या पावसाने खरिपातील पिकांवर परिणाम झाला आहे. काढणीला आलेल्या सोयाबीनचे नुकसान होत आहे. भाजीपाल्याचेही नुकसान होत आहे. शेवगाव तालुक्यात काही ठिकाणी जमिनी चिभडल्या आहेत.

पीक उत्पादनावर याचा मोठा परिणाम होण्याची शक्यता शेतकरी व्यक्त करत आहेत. सकाळपर्यंत झालेला मिलीमीटरमध्ये पाऊस असा, पारनेर ः ३८, सुपा ः ४४, मांडवगण ः ३९, पाथर्डी ः ४८, माणिकदौडी ः ३७, टाकळी ः ३६, करंजी ः ५५, मिरी ः ५७, चांदा ः ३७, घोडेगाव ः ५१, सोनई ः ४४, वडाळा ः ३४, ब्राह्मणी ः ५८, वांबोरी ः १०७  
 


इतर बातम्या
परभणी, हिंगोली जिल्ह्यात सोयाबीन काढणी...परभणी ः परभणी, हिंगोली जिल्ह्यात गेल्या दोन...
संत्रा छाटणी यंत्र ‘पंदेकृवि’त दाखलअकोला : दिवसेंदिवस या भागात संत्र्याची लागवड वाढत...
‘टॅगिंग’ कपात उपक्रमाच्या यादीत ५३ साखर...पुणे ः थकीत देणी वसूल करण्यासाठी राज्य सरकारने...
शेळीमध्ये टेस्ट ट्यूब बेबीची निर्मितीअकोला ः महाराष्ट्र पशू व मत्स्य विज्ञान विद्यापीठ...
शेतीसाठी दिवसा बारा तास विद्युतपुरवठा...नागूपर : शेतकऱ्यांचे धानाचे पीक गर्भात आहे, ते...
द्राक्ष विमा परताव्यासाठी चकरा...नाशिक : मार्च २०२१ अखेरीस संपलेला द्राक्ष...
मॉन्सूनोत्तर पावसाचा पिकांना दणकापुणे : गेल्या दोन दिवसांपासून पावसासाठी पोषक...
देशातील सोयाबीनची केवळ २७ टक्के काढणीपुणे : खरीप हंगाम २०२१-२२मध्ये सोयाबीनची लागवड...
भातपीक कापणीला  सिंधुदुर्गमध्ये सुरुवात सिंधुदुर्गनगरी : सतत पडणाऱ्या पावसामुळे रखडलेल्या...
‘एफआरपी’ ८०-२०च्या सूत्रानुसार  दिल्यास...माळेगाव, जि. पुणे : ‘‘केंद्र व राज्य सरकारने यंदा...
`दत्त’ देणार एकरकमी  ‘एफआरपी’ २९२०...कोल्हापूर : शिरोळ येथील श्री दत्त शेतकरी सहकारी...
  ‘महाबीज’च्या बीजोत्पादन ...परभणी : ‘महाबीज’च्या परभणी विभागातील सहा...
सोयाबीनच्या गंज्या वाहून गेल्या हिंगोली : मराठवाड्यामध्ये रविवारी (ता.१७) सकाळी...
सांगली जिल्हा बँक निवडणूक  जयंतराव...सांगली : जिल्हा बँकेच्या निवडणुकीचा धमाका...
मानोरा तालुक्यात धुवाधार  पावसाने...मानोरा, जि. वाशीम : शनिवारी (ता. १६) झालेल्या...
विदर्भातील पाच जिल्ह्यांत  लाख हेक्‍...अमरावती : खरीप गमावलेल्या शेतकऱ्यांच्या आशा आता...
विदर्भात तुरळक ठिकाणी जोरदार पावसाचा...पुणे : बंगालच्या उपसागरातील कमी दाबाच्या...
  ‘डीएपी’ महागणार नाही पुणे : रब्बी हंगामात देशातील खत उत्पादक...
दसऱ्याच्या मुहूर्तावर  आगाप खरीप कांदा...नाशिक : जिल्ह्यात दसऱ्याच्या मुहूर्तावर आगाप खरीप...
हे हिंदुत्व नाही, हा नामर्दपणा मुंबई : ‘‘ईडी, सीबीआयच्या माध्यामातून कारवाया करू...