पुणे जिल्हा अद्याप पाणीटंचाईपासून दूर, पाणीसाठा चांगला

चांगला पाऊस पडल्याने पाणीसाठ्यांची स्थिती चांगली आहे. यंदा अजूनही टॅंकरची मागणी आलेली नाही. मार्चअखेरपर्यंत तरी टॅंकरची गरज भासणार नाही, अशी शक्यता आहे. - सुरेंद्रकुमार कदम, कार्यकारी अभियंता, ग्रामीण पाणीपुरवठा
Pune district is still far from water scarcity, good water storage
Pune district is still far from water scarcity, good water storage

पुणे : जिल्ह्यात यंदाच्या पावसाळ्यात सर्वदूर मुबलक पाऊस झाला. हंगामाच्या अखेरच्या टप्प्यात झालेल्या पावसाने जिल्ह्यातील धरणे, बंधारे, तलावांमधील पाणीसाठा आणि भूजल पातळीची स्थिती चांगली आहे. पिण्याच्या पाण्याचे स्रोतांचे पाझरही खळाळून वाहत असल्याने जिल्ह्यात अद्यापही पाणीटंचाई भासलेली नाही. मात्र दुर्गम डोंगराळ भागासह, कोरडवाहू पट्ट्यात पाणीसाठे आटण्यास सुरुवात झाली आहे. उन्हाळ्यात भूजल पातळी कमी होऊन पाणीटंचाई वाढण्याची शक्यता आहे. 

जिल्ह्यात २०१८ मध्ये पावसाने ओढ दिली होती. परतीच्या पावसानेही पाठ फिरवल्याने भर पावसाळ्यातही कोरडवाहू तालुक्यांमध्ये टंचाई भासून टॅंकरने पाणीपुरवठा केला जात होता. हिवाळ्यातही टॅंकरच्या संख्येत सातत्याने वाढ होत गेली.

गेल्या वर्षी फेब्रुवारी महिन्याच्या मध्यावर जिल्ह्यातील ३५ गावे ३६९ वाड्यांमध्ये ६१ टॅंकरने पाणीपुरवठा करण्यात येत होता. उन्हाळ्यात टंचाईची तीव्रता खूपच वाढली. मुक्या जनावरांनाही टॅंकरने पाणी पुरवावे लागले. पाण्याबरोबरच चाऱ्याचीही कमतरता भासू लागल्याने चारा छावण्या सुरू कराव्या लागल्या.

मॉन्सूनोत्तर पावसामुळे पाणी टिकून 

मॉन्सूनचे राज्यातील आगमन लांबल्यानंतर टंचाईचे संकट आणखी गडद झाले. मात्र मॉन्सून दाखल होताच जिल्ह्यात सर्वदूर दमदार पावसाला सुरुवात झाली. जून ते सप्टेंबर या कालावधीत जिल्ह्यात सरासरीपेक्षा दुप्पट पाऊस पडला. धरणे आसंडून वाहून अभूतपूर्व पूर स्थितीही निर्माण झाली. हवामान विभागाकडील नोंदीनुसार या चार महिन्यांत जिल्ह्यात १८०३.५ मिलिमीटर म्हणजेच सरासरीपेक्षा (८६१.५ मिलिमीटर) १०९ टक्के अधिक पाऊस पडला. ऑक्टोबर महिन्यातही पाऊस सुरूच होता. दुष्काळी भागात झालेल्या जलसंधारणाच्या कामांमध्येही मुबलक पाणीसाठा झाला. त्यामुळे भुजल पातळीत वाढ होण्यास मदत झाली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com