Agriculture news in marathi Pune market committee will be crowded | Agrowon

पुणे बाजार समितीत गर्दीला बसणार लगाम

टीम अॅग्रोवन
सोमवार, 19 एप्रिल 2021

पुणे शहरात कोरोना संसर्गामुळे लावण्यात आलेल्या टाळेबंदीमध्ये देखील बाजार समितीत होणारी गर्दी नियंत्रणासाठी अखेर पोलिसांनी गांभीर्याने लक्ष घातले आहे. वरिष्ठ पोलिस अधिकाऱ्यांच्या मार्गदर्शनाखाली आता गर्दीवर नियंत्रण आणले जाणार आहे.

पुणे : शहरात कोरोना संसर्गामुळे लावण्यात आलेल्या टाळेबंदीमध्ये देखील बाजार समितीत होणारी गर्दी नियंत्रणासाठी अखेर पोलिसांनी गांभीर्याने लक्ष घातले आहे. वरिष्ठ पोलिस अधिकाऱ्यांच्या मार्गदर्शनाखाली आता गर्दीवर नियंत्रण आणले जाणार आहे. यासाठी करण्यात आलेल्या नियमावलीमध्ये किरकोळ (घरगुती) खरेदीदारांना प्रवेश बंदी घालण्यात आली आहे. घाऊक खरेदीदारांसाठी ओळखपत्रांची सक्ती करण्यात आली आहे. वाहतुकीत देखील बदल करण्यात आला असून, सोमवारपासून (ता.१९) १ मेपर्यंत शिवनेरी रस्ता सर्वसामान्यांच्या वाहतुकीसाठी बंद करण्यात आला आहे. 

 बाजार समितीमधील गर्दी नियंत्रणासाठी सहपोलिस आयुक्त डॉ. रवींद्र शिसवे यांच्या मार्गदर्शनाखाली पुणे कृषी उत्पन्न बाजार समिती व पोलिस अधिकाऱ्यांची बैठक पार पडली. बैठकीत झालेल्या चर्चेनुसार किरकोळ खरेदीदारांना बाजारात प्रवेश देण्यात येणार नाही, तसेच बाजारातील अडते, व्यापारी, कामगार वाहनचालक, घाऊक खरेदीदारांना ओळखपत्र देण्यात येणार आहे. ओळखपत्राशिवाय कोणालाही बाजारात प्रवेश मिळणार नाही. असे ठरविण्यात आले.  

वाहतुकीत देखील बदल करण्यात आले असून, बाजार आवारातील बिबवेवाडी-कोंढवा रस्त्यावरील प्रवेशद्वार क्रमांक सातमधून टेंपो चालकांना प्रवेश देण्यात येणार असून, प्रवेशद्वार क्रमांक एकमधून त्यांना बाहेर पडता येणार आहे. सोमवारी पहाटे शिवनेरी रस्ता शेतीमाल वगळता अन्य वाहनांसाठी बंद ठेवण्यात येणार आहे.

 असा आहे वाहतुकीतील बदल 
वाहतूक बंद रस्ता : वखार महामंडळ ते उत्सव हॉटेल हा शिवनेरी रस्ता दुतर्फा बंद असणार आहे. बाजार आवारातील ठोक खरेदी चालू असल्याने त्याकरिता येणाऱ्या वाहनांसाठी केळी बाजाराच्या गेटमधून प्रवेश देण्यात येणार आहे. त्या वाहनांनी बाहेर पडण्यासाठी मुख्य प्रवेशद्वारातून बाहेर पडून उजवीकडे वखार महामंडळ चौक व डावीकडे बाजार समिती (उत्सव हॉटेल) येथून इच्छितस्थळी जावे.


इतर ताज्या घडामोडी
शाश्‍वत कापूस उत्पादन तंत्रज्ञान अवगत...अकोला ः कापूस हे विदर्भातील प्रमुख पीक आहे. या...
अकोल्यात ५५ हजार हेक्टरला तडाखाअकोला ः गेल्या आठवड्यात जिल्ह्यात ५२ पैकी ३५...
रत्नागिरीत हजार हेक्टर भातक्षेत्र...रत्नागिरी : अतिवृष्टीमुळे मोठ्या नद्यांना आलेल्या...
सांगलीत ३३ हजार हेक्टर पिकांचे नुकसानसांगली : जिल्ह्यात गेल्या चार-पाच दिवसांपासून...
खानदेशात पंधरा हजार हेक्टर बाजरीची...जळगाव : खानदेशात यंदा पाऊस लांबल्याने आणि...
नाशिक बाजार समितीच्या कर्मचाऱ्यांचे...नाशिक : नाशिक बाजार समितीसंदर्भात शासनाकडे...
खानदेशात हलक्या सरी; जोरदार पावसाचा अभावजळगाव : खानदेशात यंदा पाऊसमान अद्याप कमी आहे....
नांदेड जिल्ह्यात पीकविमा योजनेत नऊ लाख...नांदेड : पंतप्रधान पीक विमा योजनेत शेतकऱ्यांनी...
मराठवाड्यातील पशुविज्ञान केंद्राचे घोडे...परभणी ः भारतीय कृषी संशोधन परिषदेने महाराष्ट्र...
परभणी जिल्ह्यात भाजीपाला पिकांची नासाडीपरभणी ः अतिवृष्टीमुळे जिल्ह्यातील शेकडो एकरवरील...
पैसे थकवणाऱ्या व्यापाऱ्यांचे लिलाव बंद...सोलापूर ः शेतकऱ्यांच्या शेतमालाच्या पट्ट्या...
पुण्यात लाख हेक्टरवर खरिपाच्या पेरण्या पुणे : जिल्ह्यात जुलै महिन्याच्या तिसऱ्या...
पीकविम्यासाठी स्वाभिमानीचा कृषी...पुणे : पीकविमा योजनेतील गेल्या खरिपाची नुकसान...
नगरमध्ये खरीप पेरण्यांनी सरासरी ओलांडली नगर : नगर जिल्ह्यात खरिपाच्या पेरण्यांनी सरासरी...
`लातूरला शेतकऱ्यांनी भरला २३ कोटीचा...लातूर : ‘‘पंतप्रधान खरीप पीक विमा २०२१...
नियमित कर्जदार शेतकऱ्यांना  मिळणार...गोंदिया : राज्य सरकारने नियमित कर्ज परतफेड...
सातारा : पाच हजार हेक्टर क्षेत्र ...सातारा : जिल्ह्यात मागील आठवड्यात झालेल्या...
सांगलीतील पूर ओसरू लागला  सांगली : कृष्णा नदीला आलेल्या महापुराचा सांगली...
सिंधुदुर्गमध्ये नुकसानीचे पंचनामे सुरू सिंधुदुर्गनगरी : जिल्ह्यात अतिवृष्टीने झालेल्या...
पुराचा वारंवार फटका बसणाऱ्या घरांच्या...सांगली : ज्या भागातील घरांना आणि रहिवाशांना...