Agriculture news in marathi Purchase of 1.5 lakh quintals of cotton in Parbhani | Agrowon

परभणीत दीड लाख क्विंटल कापसाची खरेदी

टीम अॅग्रोवन
सोमवार, 30 नोव्हेंबर 2020

भारतीय कापूस महामंडळाच्या वतीने (सीसीआय) जिल्ह्यातील चार केंद्रांवर शुक्रवारपर्यंत (ता. २७) ६ हजार ८३७ शेतकऱ्यांच्या १ लाख ६३ हजार ८५२ क्विंटल कापसाची खरेदी झाली आहे, अशी माहिती जिल्हा उपनिबंधक (सहकारी संस्था) कार्यालयातील सूत्रांनी दिली.

परभणी :  भारतीय कापूस महामंडळाच्या वतीने (सीसीआय) जिल्ह्यातील चार केंद्रांवर शुक्रवारपर्यंत (ता. २७) ६ हजार ८३७ शेतकऱ्यांच्या १ लाख ६३ हजार ८५२ क्विंटल कापसाची खरेदी झाली आहे, अशी माहिती जिल्हा उपनिबंधक (सहकारी संस्था) कार्यालयातील सूत्रांनी दिली.

भारतीय कापूस महामंडळाच्या वतीने गुरुवारी (ता. १९) ते सोमवार (ता. २३) या कालावधीत जिल्ह्यातील  सेलू, मानवत, जिंतूर, पू्र्णा या चार कृषी उत्पन्न बाजार समित्यांर्तगत हमीभावाने कापूस खरेदी सुरू झाली आहे. खुल्या बाजारातील तसेच खेडा पद्धतीने कमी दराने खरेदी केली जात आहे. त्यात राज्य सहकारी कापूस उत्पादक पणन महासंघातर्फे कापूस खरेदी सुरू करण्यात आलेली नाही. त्यामुळे सीसीआयच्या केंद्रावर कापूस विक्रीसाठी वाहनांच्या रांगा लागत आहेत. मध्यम धाग्याच्या कापसाची आधारभूत किंमत प्रतिक्विंटल ५ हजार ५१५ रुपये तर लांब धाग्याच्या कापसाची आधारभूत किंमत ५ हजार ८२५ रुपये आहे.

शेतकऱ्यांनी बाजार समितीच्या मार्केट यार्डावर कापूस विक्रीसाठी आणताना सोबत सात बारा उतारा, आधारकार्ड, बॅंक खाते पुस्तक यांच्या सत्यप्रती घेऊन याव्यात. चुकारे शेतकऱ्यांच्या थेट खात्यावर जमा केले जातील. कोरोनाचा संसर्ग टाळण्यासाठी शेतकऱ्यांनी तोंडाला मास्क किंवा रुमाल बांधून येणे आवश्यक आहे, असे निर्देश बाजार समित्या तसेच सीसीआयतर्फे देण्यात आलेले 
आहेत.

प्रत्येक बाजार समितीत शासकीय खरेदी केंद्र हवे
जिल्ह्यातील अकरा कृषी उत्पन्न बाजार समित्यांपैकी आजवर केवळ चार कृषी उत्पन्न बाजार समित्यांमध्ये आधारभूत किंमत दराने कापूस खरेदी सुरू करण्यात आली आहे. परभणी, बोरी, पाथरी, सोनपेठ, गंगाखेड, पालम, ताडकळस या सात कृषी उत्पन्न बाजार समित्या अंतर्गत अद्याप हमीभावाने कापूस खरेदी सुरू झालेली नाही. त्यामुळे शेतकऱ्यांकडून कमी दराने कापूस खरेदी करून व्यापारी लूट करीत आहेत. दूर अंतरावरील केंद्रांवर कापूस नेण्यासाठी वाहन भाड्याचा भुर्दंड सोसावा लागत आहे. केंद्रांवर वाहनांची गर्दी होत असल्याने मोजमापास वेळ लागत आहेत. त्यामुळे प्रत्येक बाजार समितीमध्ये शासकीय कापूस खरेदी केंद्र सुरू करण्याची मागणी शेतकऱ्यांनी केली आहे.

कापूस खरेदी स्थिती (क्विंटल)        

खरेदी केंद्र   शेतकरी संख्या  कापूस खरेदी
जिंतूर   ५२३   ११९२६
सेलू   ३४४६   ८८४८३
मानवत २७५४ ६०४१९
पूर्णा   ११४   ३०२२

 


इतर बातम्या
‘अपेडा’वरील नोंदणीत राज्याचा टक्का वाढलानागपूर ः निर्यातीला चालना मिळावी तसेच देशांतर्गत...
चिकन, अंडी खाण्यास पूर्णपणे सुरक्षित ः...पुणे ः पूर्णपणे उकडलेली अंडी आणि चिकन खाण्यासाठी...
कोल्हापूर : गुळाच्या दरात १५० रुपयांनी...कोल्हापूर : बाजार समितीत गेल्या आठ दिवसांमध्ये...
सिद्धरामेश्‍वर यात्रेत भाकणूक : यंदा...सोलापूर ः ग्रामदैवत सिद्धरामेश्‍वर महाराजांच्या...
गहू संशोधनात सर्वांचाच वाटा ः डाॅ. ढवणनाशिक :  येथील गहू संशोधन केंद्रास डॉ....
‘एफपीओं’ना बळकट करण्याची गरज ः चढ्ढा पुणे ः शेतीमध्ये मातीपासून ते बाजारपेठेपर्यंत...
कर्मचाऱ्यांनी ‘क्रॉप डॉक्टर’ व्हावे :...पुणे: राज्यातील शेतकरी कष्टपूर्वक शेती करताना...
तुरीला मिळणार दराची ‘फोडणी’ पुणे ः देशात यंदा तूर उत्पादनात घटीचा अंदाज आहे....
कृषी कायद्यांवर ‘तारीख पे तारीख’ नवी दिल्ली ः शेतकरी नेते कृषी कायदे रद्द...
कोल्हापुरात सकाळपासूनच मतदारांच्या...कोल्हापूर : जिल्ह्यात ग्रामपंचायतीसाठी चुरशीने...
गोंदियात पारा ६.८ अंशांवर पुणे ः विदर्भाच्या अनेक भागांत थंडी चांगलीच वाढली...
पीककर्जापासून वंचित शेतकरी सावकारांच्या...अकोला : वऱ्हाडातील प्रत्येक जिल्ह्यांत सावकारी...
वऱ्हाडात ८९३ ग्रामपंचायतींसाठी झाले...अकोला : गेल्या काही दिवसांपासून गावांमध्ये...
सिंधुदुर्गमध्ये चुरशीने मतदान; मतदान...सिंधुदुर्गनगरी : जिल्ह्यातील ६६ ग्रामपंचायतीच्या...
मराठवाड्यात मतदानासाठी मोठी चुरस औरंगाबाद : मराठवाड्यातील ४१३३ ग्रामपंचायतींचे...
सोलापुरात ग्रामपंचायतींसाठी चुरशीने...सोलापूर : सोलापूर जिल्ह्यातील ५९०...
सांगलीत १४३ गावांत कारभाऱ्यांसाठी...सांगली : जिल्ह्यातील १४३ गावांतील कारभारी...
मराठवाड्यातील रब्बीवर रोगांचे संकट लातूर : येथील विभागीय कृषी सहसंचालक...
खानदेशात कांदेबाग केळी जोमात जळगाव ः खानदेशात कांदेबाग केळीची लागवड सुमारे एक...
आठ वर्षांपूर्वीच्या आंदोलनाच्या...कऱ्हाड, जि. सातारा : ऊस दरासाठी येथील पाचवड फाटा...