नांदेडमधील आठ केंद्रांत अडीच लाख क्विंटल कापूस खरेदी

नांदेड : सात केंद्रांवरील शेतकऱ्यांची कापूस खरेदी पूर्ण झाली आहे. आठ शासकीय केंद्रांवर शुक्रवार (ता.२४) अखेर जिल्ह्यातील १२ हजार ४ शेतकऱ्यांचा २ लाख ५४ हजार ३३ क्विंटल कापूस खरेदी झाला.
 Purchase of 2.5 lakh quintals of cotton at eight centers in Nanded
Purchase of 2.5 lakh quintals of cotton at eight centers in Nanded

नांदेड : जिल्ह्यातील सात केंद्रांवरील शेतकऱ्यांची कापूस खरेदी पूर्ण झाली आहे. कोरोनाच्या पार्श्‍वभूमीवर आठ शासकीय केंद्रांवर शुक्रवार (ता.२४) अखेर जिल्ह्यातील १२ हजार ४  शेतकऱ्यांचा २ लाख ५४ हजार ३३ क्विंटल कापूस खरेदी झाला. कोरोनापूर्वी आणि नंतर एकूण ५१ हजार ८७७ शेतकऱ्यांच्या ११ लाख १५ हजार २८५ क्विंटल कापसाची खरेदी केली, असे सहकार विभागाच्या सूत्रांनी सांगितले.

कोरोनाच्या पार्श्वभूमीवर शासकीय खरेदी केंद्रांवरील गर्दी टाळण्यासाठी गुगल लिंकव्दारे ऑनलाइन, कृषी उत्पन्न बाजार समित्यांकडे ऑफलाइन मिळून ३९ हजार ८४८ शेतकऱ्यांनी नोंदणी केली होती. परंतु, घरी जाऊन केलेल्या पडताळणी दरम्यान ९ हजार ४५० शेतकऱ्यांकडे सुमारे २ लाख ५ हजार ४३४ क्विंटल कापूस शिल्लक असल्याचे आढळून आले होते.

राज्य सहकारी कापूस उत्पादक पणन महासंघाच्या (फेडरेशन) तामसा (ता. हदगाव), पोमनाळा (ता. भोकर), भोकर  आणि भारतीय कापूस महामंडळच्या (सीसीआय) कलदगाव (ता. अर्धापूर), धर्माबाद, कुंटूर, नायगाव या सात केंद्रांवरील कापूस खरेदी पूर्ण झाली आहे. किनवट येथे जागेअभावी खरेदी बंद होती. बिलोली येथे कामगार उपलब्ध नसल्यामुळे खरेदी होऊ शकली नाही. शुक्रवार (ता.२४) पर्यंत जिल्ह्यातील आठ केंद्रांवर १ हजार ९०९ शेतकऱ्यांच्या २ लाख ५४ हजार ३३ क्विंटल कापसाची खरेदी करण्यात आली. त्यात कापूस उत्पादक पणन महासंघाच्या ४ हजार ५९४ शेतकऱ्यांचा १ लाख ९ हजार ७४९ क्विंटल आणि ‘सीसीआय’च्या ७ हजार ४१० शेतकऱ्यांच्या १ लाख ४४ हजार २८३  क्विंटल कापूस खरेदीचा समावेश आहे.

कोरोनापूर्वी साडेआठ लाख क्विंटलची खरेदी

जिल्ह्यात लॉकडाऊनपूर्वी कापूस पणन महासंघ, सीसीआय, खासगी बाजार, थेट पणन परवानाधारक, कृषी उत्पन्न बाजार समित्याअंतर्गतच्या व्यापाऱ्यांतर्फे एकूण ३९ हजार ८७३ शेतकऱ्यांचा ८ लाख ६१ हजार २५२.७१ क्विंटल कापसाची खरेदी करण्यात आली.

कोरोनाकालीन कापूस खरेदी (क्विंटलमध्ये)

केंद्र  शेतकरी संख्या कापूस
तामसा ११८० २३८१५
पोमनाळा  २३२१ ६१००९
भोकर  १०९३ २४९२५
कलदगाव १८६३ ४२९१४
कुटुंर  १३१२ १९१६६
नायगाव १९०९ ४१५०१
धर्माबाद १७८० २७१८१
किनवट ५४६  १३५१०

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com