Agriculture news in marathi Purchase of 429 tons of silk cocoons in Jalna during the year | Page 2 ||| Agrowon

जालन्यात वर्षभरात ४२९ टन रेशीम कोष खरेदी 

टीम अॅग्रोवन
शनिवार, 17 एप्रिल 2021

बाजार समितीच्या आवारातील रेशीम कोष खरेदी बाजारपेठेत गत आर्थिक वर्षात सुमारे ४२९ टन रेशीम कोषाची खरेदी करण्यात आली आहे. 

जालना : येथे प्रायोगिक तत्त्वावर सुरू करण्यात आलेल्या मात्र आता जवळपास स्थिरावलेल्या स्थानिक बाजार समितीच्या आवारातील रेशीम कोष खरेदी बाजारपेठेत गत आर्थिक वर्षात सुमारे ४२९ टन रेशीम कोषाची खरेदी करण्यात आली आहे. दिवसाला जवळपास २ ते ३ टन रेशीम कोषाची आवक होत असल्याची माहिती सूत्रांनी दिली. 

जवळपास तीन वर्षांपूर्वी जालना बाजार समितीच्या आवारात मराठवाड्यासह राज्यातील सर्व रेशीम कोष उत्पादक शेतकऱ्यांना सोयीचे व्हावे म्हणून रामनगरमच्या धर्तीवर रेशीम कोष खरेदी बाजारपेठ सुरू करण्यात आली. सुरुवातीला या बाजारपेठेला प्रतिसाद मिळेल की नाही असे वाटत असतानाच हळूहळू रेशीम कोष उत्पादकांचा कल या बाजारपेठेकडे वाढला. 

गत आर्थिक वर्षात कोरोना संकटामुळे करण्यात आलेल्या लॉकडाउनमुळे एप्रिलला सुरू होणारी बाजारपेठ तब्बल २१ जुलैला सुरू झाली. तेव्हापासून ३१ मार्च अखेरपर्यंत जालना बाजार समितीमध्ये सुरू असलेल्या रेशीम कोष बाजारपेठेत ४८७२ शेतकऱ्यांच्या ४२९ टन रेशीम कोषांची खरेदी करण्यात आली. या खरेदीतून जवळपास १२ कोटी रुपये शेतकऱ्यांना मिळाले. १०० रुपये प्रतिकिलोपासून उच्चांकी ४६० रुपये प्रतिकिलोपर्यंत दर वर्षभरात मिळालेल्या या बाजारपेठेतील रेशीम कोषाचे सरासरी दर २८० रुपये प्रतिकिलो राहिले. तर दिवसाला २ ते ३ टनांपर्यंत रेशीम कोषाची आवक प्रतिदिन झाली. 

या बाजारपेठेत मराठवाडा व विदर्भातील सर्व जिल्ह्यांसह नगर, नाशिक, जळगाव, धुळे नंदूरबार व पालघर आदी जिल्ह्यांतून रेशीम कोष उत्पादक शेतकऱ्यांनी आपला माल विक्रीसाठी आणला होता. ४८७२ शेतकऱ्यांकडील आलेल्या ४ लाख २२८ हजार ६९४ किलो ७० ग्रॅम रेशीम कोषाच्या खरेदीत जवळपास २६ रिलर व व्यापाऱ्यांनी सहभाग घेतला. यामध्ये पश्‍चिम बंगाल, कर्नाटकांसह महाराष्ट्रातील खरेदीदारांचा सहभाग असल्याची माहिती जिल्हा रेशीम विकास अधिकारी अजय मोहीते यांनी दिली. आगाऊ नोंदणी करून कोरोनाचे संकट पाहता नियमांचे पालन करून शेतकऱ्यांशी प्रत्यक्ष संवाद करूनच गर्दी होणार नाही, असे पाहत खरेदीसाठी शेतकऱ्यांना माल घेऊन येण्याची सूचना केली जात असल्याचे रेशीम बाजारपेठेच्या सूत्रांनी सांगितले. 

मार्चमध्ये ६२७ उत्पादकांनी आणले कोष 
मार्च २०२१ मध्ये विविध जिल्ह्यांतील जवळपास ६२७ शेतकरी आपले रेशीम कोष जालना रेशीम कोष खरेदी बाजारपेठेत घेऊन आले. त्यांच्याकडील ६२ हजार ५५७ किलो ५६० ग्रॅम कोषाच्या खरेदीत १३ रिलर व व्यापाऱ्यांनी सहभाग घेतला. 

गतवर्षीच्या तुलनेत उलाढाल १०० टनांनी वाढली ही बाब उत्साह वाढविणारी आहे. बाजारपेठेची नवीन इमारतही आकार घेते आहे. त्या ठिकाणी सर्व सुविधा कोष उत्पादक व व्यापाऱ्यांना मिळणार आहेत. 
- अजय मोहिते, 
रेशीम विकास अधिकारी, जालना 
 


इतर अॅग्रो विशेष
राज्यातील पाणीसाठा ४४ टक्क्यांवर पुणे ः राज्यातील अनेक भागांत उन्हाचा चटका वाढला...
हरभरा दर पाच हजारांवर अकोला ः यंदा हरभऱ्याचा दर शासनाने जाहीर केलेल्या...
साठ कृषी कर्मचाऱ्यांचा कोरोनाने घेतला...पुणे ः कोविड १९ साथीच्या तडाख्यात सापडल्याने कृषी...
महात्मा फुले कृषी विद्यापीठाचे कुलसचिव...नगर ः राहुरी येथील महात्मा फुले कृषी विद्यापीठाचे...
शेततळ्यांद्वारे मिर्झापूरचे शिवार झाले...मागेल त्याला शेततळे योजनेंतर्गत मिर्झापूर (ता.जि...
दर्जेदार बियाणे उत्पादनातून ‘वर्णेश्‍वर...वर्णा (जि. परभणी) येथील शेतकऱ्यांनी वर्णेश्‍वर ॲ...
ऊसपट्ट्यात दहा एकर दर्जेदार पपईकोल्हापूर जिल्ह्यातील खडकेवाडा (ता. कागल) येथील...
अन्न प्रक्रियेसाठी ‘थ्री डी प्रिंटिंग’...सर्वसामान्यपणे आपल्याला विविध आकारातील कुकीज,...
मराठवाडा, विदर्भात पाऊस वाढण्याची...पुणे : कर्नाटकाच्या उत्तर भागात चक्रिय वाऱ्याची...
अत्याधुनिक हवामान केंद्रे आता...नाशिक जिल्ह्यातील मोहाडी येथील प्रसिद्ध सह्याद्री...
कापूस बियाणे विक्री एक जूनपासून पुणे ः राज्यात कापूस बियाणे विक्रीवर यंदा देखील...
कारखान्यांकडून इथेनॉलचे ३०२ कोटी  लिटर...कोल्हापूर : यंदा साखर कारखान्यांनी इथेनॉल कंपन्या...
मोहफुलांवरील दारूबंदी कायद्याचे निर्बंध...पुणे ः मोहफुलांच्या प्रक्रिया उद्योगातून आदिवासी...
तुरळक ठिकाणी हलक्या सरी पुणे : पूर्वमोसमी पावसाचा काहीसा प्रभाव कमी झाला...
बाजार समित्यांमध्ये तुरीचे दर स्थिरावले अकोला ः यंदा तुरीचे उत्पादन कमी झाले. शिवाय...
ठिकठिकाणी गारपीट, पावसाचा दणका पुणे : मध्य महाराष्ट्र, मराठवाडा आणि कोकणात...
साखर उद्योगाकडून २५ ऑक्सिजन प्रकल्पपुणेः कोरोना विषाणूमुळे उद्भवलेल्या भयावह साथीचा...
गुरुवारपासून पाऊस वाढणार पुणे : मध्य महाराष्ट्राच्या दक्षिण भागात गेल्या...
दोन हजार कोटींचा बेदाणा शीतगृहात पडून सांगली ः कोरोनाचा प्रादुर्भाव वाढल्यामुळे सांगली-...
दर्जेदार आंब्याला मिळवले बांधावरच ग्राहकपुनर्वसित ठिकाणी मिळालेल्या शेतजमिनी ओसाड...