Agriculture news in Marathi Purchase of cotton at low rates from traders in the town | Agrowon

नगरमध्ये कापसाची व्यापाऱ्यांकडून अल्प दराने खरेदी

टीम अॅग्रोवन
मंगळवार, 27 ऑक्टोबर 2020

कापसाला पाच हजार आठशे पन्नास रुपयांचा हमीदर आहे. मात्र कापसाला दर्जा नसल्याचे कारण पुढे करत तीन ते साडेतीन हजार रुपये दराने बाजार समितीच्या आवारातच व्यापाऱ्यांकडून सर्रासपणे खरेदी सुरू आहे. याबाबीकडे बाजार समितीही दुर्लक्ष करत असल्याने रविवारी (ता. २५) शेतकऱ्यांनी संताप व्यक्त करत बाजार समितीचे गेटबंद आंदोलन केले.

नगर ः कापसाला पाच हजार आठशे पन्नास रुपयांचा हमीदर आहे. मात्र कापसाला दर्जा नसल्याचे कारण पुढे करत तीन ते साडेतीन हजार रुपये दराने बाजार समितीच्या आवारातच व्यापाऱ्यांकडून सर्रासपणे खरेदी सुरू आहे. याबाबीकडे बाजार समितीही दुर्लक्ष करत असल्याने रविवारी (ता. २५) शेतकऱ्यांनी संताप व्यक्त करत बाजार समितीचे गेटबंद आंदोलन केले.

नगर जिल्ह्यातील बहुतांश भागात कापूस उत्पादक शेतकऱ्यांची सर्रास लूट सुरू असताना त्याकडे बाजार समित्या आणि प्रशासन दुर्लक्ष करत आहेत. नगर जिल्ह्यात यंदा सव्वा लाख हेक्टर क्षेत्रावर कापसाची लागवड झाली आहे. पावसामुळे पीक चांगले आले असले, तरी गेल्या दीड महिन्यात झालेल्या सततच्या पावसाने कापसाचे नुकसान झाले आहे. त्यामुळे हाती पडणारे पीक पदरात पाडून घेण्याचा शेतकऱ्यांचा प्रयत्न आहे.

दरम्यान, मध्यंतरी पावसाने उघडीप दिली त्या काळात बऱ्यापैकी कापसाची वेचणी झाली. जिल्ह्यात अजून कोठेही सरकारी खरेदी केंद्र सुरू झालेले नाहीत. त्यामुळे शेतकरी गरजेनुसार कापसाची बाजारात विक्री करतात.

श्रीगोंदा तालुक्यातही आता कापसाचे क्षेत्र वाढत आहे. रविवारी विजयादशमीच्या मुहूर्तावर बरेच शेतकरी श्रीगोंदा बाजार समितीत कापूस विक्रीसाठी आले होते. सकाळी सुरुवातीच्या काळात कापसाला पावणेपाच हजारापर्यंत व्यापाऱ्यांनी दर दिला. मात्र दुपारी अचानक दर पाडून ते तीन ते साडेतीन हजारांवर आणले. त्यामुळे शेतकऱ्यांनी संताप व्यक्त करत बाजार समितीचे गेट बंद आंदोलन करून शेतकऱ्यांच्या होत असलेल्या लुटीचा निषेध केला.

बाजार समितीच्या आवारात शेतकऱ्याची सर्रास लूट होत असताना बाजार समितीचे पदाधिकारी दुर्लक्ष करत असल्याचा आरोप शेतकऱ्यांनी केला आहे. बाजार समिती प्रशासनाने दखल घेण्याचे आश्वासन दिल्यानंतर आंदोलन मागे घेतले. नगर जिल्ह्यातील शेवगाव, पाथर्डी, नेवासा तालुक्यांत कापूस उत्पादकांत व्यापाऱ्यांकडून सर्रास लूट होत असताना प्रशासनाकडून कोणतीही दखल घेतली जात नसल्याचे दिसत आहे.

कापूस उत्पादकांना आधीच पावसाने जेरीस आणले आहे. यंदा उत्पादनात मोठी घट होत असताना, व्यापारी कापसाची अल्प दरात खरेदी करत आहेत. शेतकऱ्यांची लूट होत असताना बाजार समिती प्रशासन दुर्लक्ष करत आहे, त्यामुळे श्रीगोंदा बाजार समितीत शेतकऱ्यांनी गेटबंद आंदोलन केले.
- भाऊसाहेब मांडे, तालुका अध्यक्ष, रयतक्रांती संघटना, श्रीगोंदा, जि. नगर


इतर ताज्या घडामोडी
परभणी जिल्ह्यात शेतकऱ्यांच्या खात्यांवर...परभणी : अतिवृष्टिग्रस्त पिकांसाठी मंगळवार (...
नगर जिल्ह्यात रब्बीच्या पेरणीला वेग...नगर ः रब्बीची पेरणी सुरु होऊन एक महिन्याचा...
`जायकवाडी’तून रब्बीसाठी सुटले आवर्तनपरभणी : मराठवाड्यातील सर्वात मोठा सिंचन प्रकल्प...
तेल्हारा तालुक्यात मका, ज्वारीच्या...अकोला : जिल्ह्यात मका, ज्वारी पिकांचे सर्वाधिक...
मराठवाडा विभागातील ऊस गाळप हंगामाला गतीऔरंगाबाद : मराठवाड्यातील औरंगाबाद येथील प्रादेशिक...
धान उत्पादक गडचिरोलीत ज्वारीचे क्षेत्र...गडचिरोली : धान उत्पादक अशी ओळख असलेल्या...
खानदेशात लाल कांद्याची आवक रखडलीजळगाव : खानदेशातील प्रमुख बाजारांमध्ये कांद्याचे...
धुळे जिल्ह्यातील अतिवृष्टिबाधित...शिंदखेडा, जि.धुळे : धुळे जिल्ह्यात जून ते...
देशव्यापी संपात २५ कोटी कर्मचारी सहभागीनवी दिल्ली : सरकारच्या आर्थिक धोरणाविरोधात...
भंडारा जिल्ह्यात धान खरेदी...भंडारा : हमीभाव केंद्राच्या मर्यादित संख्येमुळे...
सांगलीत हमाल पंचायतीतर्फे जोरदार...सांगली : कामगार आणि शेतकरी विरोधी कायदे त्वरित...
पांढरकवडा येथे कापसाला ५ हजार ८२७...चंद्रपूर : बाजार समिती कार्यक्षेत्रातील...
पंतप्रधान पीकविमा योजना शेतकऱ्यांसाठी...नांदेड : शेतीपिकांच्या नुकसानीपश्‍चात भरपाई...
अवघे जग कोरोनामुक्त होऊ दे : अजित पवारपंढरपूर, जि. सोलापूर : कोरोना विषाणूवरील लस लवकर...
संत श्री नामदेव महाराज जन्मोत्सव सोहळा...हिंगोली ः श्रीक्षेत्र नरसी नामदेव येथे संत...
ठिबक सिंचनातून खतांचा कार्यक्षम वापरठिबक सिंचन संचाची आखणी आणि उभारणी, जमिनीचे भौतिक...
राज्यात पेरू ३०० ते ३५०० रुपयेजळगावात २५०० ते ३५०० रुपये दर जळगाव : ः...
पेरलेला कांदा काढणीला येवला, जि. नाशिक : यंदा वातावरणामुळे रोपे सडली....
महाबीज’ कर्मचाऱ्यांच्या संपामुळे बियाणे...अकोला ः महाराष्ट्र राज्य बियाणे महामंडळाच्या (...
माजी मुख्यमंत्री यशवंतराव चव्हाण यांना...कऱ्हाड, जि. सातारा ः आधुनिक महाराष्ट्राचे...