बुलडाणा : केंद्र शासनाच्या आधारभूत किंमत खरेदी योजनेअंतर्गत या हंगामासाठी मार्केटिंग फेडरेशनमार्फत मूग, उडीद, सोयाबीनची खरेदी केली जाणार आहे. ही खरेदी २५ जानेवारी २०२२ पर्यंत केली जाणार आहे.
या हंगामात मूग ७२७५, उडीद ६३००, सोयाबीन ३९५० रुपये प्रतिक्विंटल हमीदराने नाफेडमार्फत खरेदी केली जाईल. मार्केटिंग फेडरेशनमार्फत शेतकऱ्यांचा मूग, उडीद व सोयाबीन खरेदी सुरू करण्यात आली आहे. त्यासाठी जिल्ह्यात दहा केंद्रांना मान्यता देण्यात आली. यामध्ये तालुका शेतकी सहकारी खरेदी-विक्री समिती देऊळगावराजा, लोणार, मेहकर, शेगाव, संग्रामपूर, बुलडाणा तसेच मोताळा येथे संत गजानन कृषी उत्पादक कंपनी, साखरखेर्डा (ता. सिं. राजा) येथे सोनपाऊल ॲग्रो प्रोड्युसर कंपनी, स्वराज्य शेतीपूरक सहकारी संस्था चिखली (केंद्र उंड्री, ता. चिखली), मॉ जिजाऊ फार्मर प्रोड्युसर कंपनी नारायणखेड (केंद्र सिंदखेडराजा) यांचा समावेश आहे.
या केंद्रांत मूग, उडीद व सोयाबीन खरेदी सुरू करण्याचे आदेश देण्यात आले आहेत. ज्या शेतकऱ्यांना खरेदीसाठी एसएमएस येतील, त्यांनी या संस्थांकडे आपला माल विक्रीसाठी घेऊन यावा, असे आवाहन जिल्हा पणन अधिकारी पी. एस. शिंगणे यांनी केले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.