Agriculture news in Marathi Purchase of one lakh 87 thousand quintals of maize in Buldana | Page 2 ||| Agrowon

बुलडाण्यात एक लाख ८७ हजार क्विंटल मक्याची खरेदी

टीम अॅग्रोवन
बुधवार, 3 मार्च 2021

यंदाच्या हंगामात शासनाने भरड धान्य योजनेअंतर्गत जिल्ह्यात एक लाख ८७ हजार क्विंटल मक्याची खरेदी केली आहे

बुलडाणा ः यंदाच्या हंगामात शासनाने भरड धान्य योजनेअंतर्गत जिल्ह्यात एक लाख ८७ हजार क्विंटल मक्याची खरेदी केली आहे. नोंदणी केलेल्या ११ हजार शेतकऱ्यांपैकी सुमारे पाच हजार शेतकऱ्यांचाच मका शासनाने निर्धारित वेळेत खरेदी केल्याने उर्वरित शेतकऱ्यांना खुल्या बाजारात कमी दरात मका विकावा लागला आहे.

शासनाने यंदा भरड धान्य योजनेची खरेदी सुरू करताना मका, ज्वारी खरेदीसाठी केंद्र उघडले. ऑनलाइन पद्धतीने नावनोंदणीचे आवाहन करण्यात आले. यानुसार जिल्ह्यात ११ हजार ३८७ शेतकऱ्यांनी मका विक्रीसाठी नोंदणी केली होती. प्रत्यक्षात खरेदी सुरू झाल्यानंतर पणन विभागाने ६०८३ शेतकऱ्यांना मोबाईल संदेश पाठवले. यापैकी ४९९५ शेतकऱ्यांचा १ लाख ८७ हजार क्विंटल मका खरेदी होऊ शकला. शासनाने दिलेला लक्ष्यांक पूर्ण झाल्यानंतर खरेदी बंद करण्यात आली. याचा फटका जिल्ह्यातील हजारो मका उत्पादक शेतकऱ्यांना बसला. नोंदणी केलेल्यांपैकी ५० टक्के शेतकऱ्यांचाच माल शासनाच्या आधारभूत किमतीने खरेदी होऊ शकला.

नोंदणी करूनही खरेदी न होऊ शकलेल्या उर्वरित शेतकऱ्यांना त्यांना माल खुल्या बाजारात विकावा लागला. शासनाचा दर १८५० रुपये प्रतिक्विंटल असा होता. खुल्या बाजारात मक्याचा दर १२०० पेक्षा कधीही वर गेला नाही. सध्या तर ११५० ते १२०० दरम्यान व्यापारी खरेदी करीत आहेत.

३५ कोटींची खरेदी
शासनाने सुमारे ३५ कोटींची मका खरेदी केली आहे. यापैकी ३० कोटींचे चुकारे शासनाने शेतकऱ्यांना दिले सुद्धा. सध्या केवळ चार कोटी रुपये थकलेले आहेत. ही थकीत रक्कमही काही दिवसांत दिली जाणार आहे.

ज्वारीची ६१ हजार क्विंटल खरेदी
मक्यापाठोपाठ जिल्ह्यात ज्वारीही खरेदी करण्यात आली. १५ कोटी ९२ लाख रुपये किमतीची ६११३० क्विंटल ज्‍वारी खरेदी करण्यात आली. या खरेदीपोटी केवळ दोन कोटींचे चुकारे सध्या थकीत आहेत. उर्वरित निधी शेतकऱ्यांना बँक खात्यात वळती करण्यात आला.


इतर ताज्या घडामोडी
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
डाळिंब अंबिया बहरातील कीड- रोग...डाळिंब बागेत विविध कीड-रोगांचा प्रादुर्भाव मोठ्या...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...
पुणे जिल्ह्यातील धरणांत ७८ टीएमसी...पुणे : गेल्या दीड महिन्यापासून उन्हाच्या झळा...
कोट्यवधींच्या कर्जवसुलीसाठी स्थापन...नांदेड : जिल्हा मध्यवर्ती बँकेची आर्थिक परिस्थिती...
पालखेडच्या आवर्तनाने शेतीसह पिण्याच्या...येवला, जि. नाशिक : पालखेड डाव्या कालव्यातून...