agriculture news in marathi, purchasing centers in the blacklist,buldhana,maharashtra | Agrowon

हमीभावाने खरेदीत अनियमितता झालेल्या बुलडाण्यातील संस्था काळ्या यादीत
टीम अॅग्रोवन
रविवार, 30 सप्टेंबर 2018

खरेदी केंद्रांची नावे अंतिम झालेली अाहे. जिल्ह्यात १३ केंद्र मंजूर झाले अाहेत. गेल्या वेळी काम समाधानकारक नसल्याने बुलडाणा, सिंदखेडराजा, मेहकर, शेगाव, संग्रामपूर येथील संस्था काळया यादीत टाकल्या अाहेत. खरेदीच्या दृष्टीने शेगाव, संग्रामपूर येथे दुसऱ्या संस्थांकडून अद्यापपर्यंत प्रस्ताव मिळालेला नाही.
- पी. एस. शिंगणे, जिल्हा पणन अधिकारी, बुलडाणा.

बुलडाणा  ः गेल्या हंगामात मूग, उडीद, सोयाबीन, तूर खरेदीमध्ये अनियमितता समोर अालेल्या केंद्रचालक संस्थांना या वेळी डच्चू दिला जात अाहे.  या खरेदीदार संस्थांना काळ्या यादीत टाकण्यात अाल्याने त्यांचा या वेळी खरेदी प्रक्रियेतील सहभाग संपुष्टात अाला अाहे. बुलडाणा जिल्ह्यात पाच ठिकाणी असा गोंधळ झाला असून तेथे पर्यायी संस्थांच्या माध्यमातून यंदा हमीभाव खरेदी केंद्र चालविले जाणार अाहे. मात्र शेगाव व संग्रामपूर या दोन ठिकाणी पर्यायी संस्थांचे अर्जच नसल्याने केंद्र सुरू करण्याबाबत गोंधळाची स्थिती निर्माण झाली अाहे.  

बाजारात शेतीमालाला योग्य भाव मिळावा, या उद्देशाने शासन हमीभावाने खरेदी करीत असते. बहुतांश ठिकाणी तालुकास्तरावर खरेदी विक्री संस्थांच्या माध्यमातून हे काम आतापर्यंत करण्यात अाले. मात्र अनेक ठिकाणी गोंधळ होऊन शासनाची बदनामी झाली. त्यामुळेच या वेळी केंद्र देताना अनेक निकष लावण्यात अाले अाहेत. मागील हंगामात ज्या केंद्राच्या ठिकाणी खरेदीत अनियमितता, माहिती वेळेत सादर न करणे तसेच इतर कारणांनी खरेदी केंद्र चर्चेत आले अशा संस्थांना प्रशासनाने काळ्या यादीत टाकण्याचे धाडसी पाऊल उचलेले अाहे.

त्यामुळे यावर्षीची हमीभावाने खरेदी करण्यासाठी मेहकर, बुलडाणा, सिंदखेडराजा, संग्रामपूर अाणि शेगाव येथे गेल्या हंगामात खरेदी प्रक्रियेत असलेल्या संस्था वगळून पर्यायी संस्थांच्या माध्यमातून केंद्र सुरू करण्याची तयारी आहे. मेहकर, बुलडाणा, सिंदखेडराजा या ठिकाणी पर्याय उपलब्ध झाला. मात्र शेगाव, संग्रामपूर या ठिकाणी खरेदीसाठी कोणत्याही संस्थेचा प्रस्ताव अद्यापपर्यंत न मिळाल्याने खरेदी केंद्र सुरू होण्यात अडचणी तयार झाल्या अाहेत. शासनाने मूग, उडीद खरेदीसाठी १५ अाॅक्टोबरपर्यंत अाॅनलाइन नोंदणी करण्याचे शेतकऱ्यांना अावाहन केलेले अाहे. शिवाय खरेदीसाठी नव्या निकषांनुसार केंद्रांची नावे अंतिम करण्यात अाली अाहेत.

खरेदी केंद्रांमधून संग्रामपूर, शेगांवसह पाच तालुके वगळून शेतकऱ्यांवर शासनाने अन्याय केला आहे. हा दुजाभाव दूर करून संग्रामपूर आणि शेगांव येथील खरेदी केंद्रांना शासनाने मान्यता द्यावी अन्यथा शेतकऱ्यांसमवेत आंदोलन करू. शेगांव, संग्रामपूर परिसरात सोयाबीन, मूग व उडिदाचा पेरा मोठ्या प्रमाणात झालेला असून शासनाच्या निर्णयामुळे शेतकऱ्यांमध्ये असंतोष पसरला आहे, असे जळगाव जामोद बाजारसमितीचे सभापती  प्रसेनजित पाटील यांनी सांगितले.

 

इतर ताज्या घडामोडी
पुणे जिल्ह्यात पावसामुळे खरिपातील...पुणे ः गेल्या दोन दिवसांपूर्वी अनेक भागांत...
...तर ३२ गावांची जनावरे सातारा...कुकुडवाड, जि. सातारा : माण तालुक्‍यातील कुकुडवाड...
जनताच मुख्यमंत्री ठरविते ः देवेंद्र...मुंबई : मी एकट्या भाजपचा नव्हे, तर शिवसेना,...
नगर जिल्ह्यातील छावण्या आठ दिवसानंतर...नगर ः दोन दिवसांपूर्वी काही भागांत बऱ्यापैकी पाऊस...
मराठवाड्यात सव्वीस तालुक्‍यांत...औरंगाबाद : दोन दिवस बहुतांश भागांत पावसाची कृपा...
शिवसेना निवडणुकीला महत्त्व देणारा पक्ष...नगर : ‘‘जनआशीर्वाद यात्रेत जनतेचे आशीर्वाद व...
वाढीव शुल्कानुसार सत्राची नोंदणी...परभणी ः वसंतराव नाईक मराठवाडा कृषी विद्यापीठातील...
काथरगाव येथे पुलाला लागून बांधलेला...संग्रामपूर जि. बुलडाणा ः खारपाणपट्ट्यात मोडणाऱ्या...
मसालावर्गीय पिकांसह भाजीपाला पिकांनी...नागपूर ः पावसाने खंड दिल्याच्या परिणामी कळमणा...
वाशीम जिल्ह्यात पीकविम्याची मुदत वाढून...वाशीम ः जिल्ह्यातील शेतकरी गेले वर्षभर विविध...
बिबट्याच्या हल्ल्यात शेतकरी दांपत्य...पिंपळगाव हरेश्‍वर, जि. जळगाव ः कामासाठी शेतात...
सिंधुदुर्ग जिल्ह्यात पावसाचा जोर वाढला सिंधुदुर्ग ः  सिंधुदुर्ग जिल्ह्यात रविवारी (...
सातारा जिल्ह्यात मराठवाड्याच्या धर्तीवर...सातारा : ‘‘शेतकऱ्यांचे उत्पन्न दुप्पट करण्यासाठी...
पीक विमा भरण्यास शेतकऱ्यांना एक...मुंबई ः खरीप हंगामातील पीक विमा भरण्यापासून...
परभणी : गतवर्षीच्या खरिपातील विमा...परभणी ः पंतप्रधान पीक विमा योजनेअंतर्गत गतवर्षी(...
आटपाडी माती-पाणी परीक्षण प्रयोगशाळा...सांगली ः आटपाडी तालुक्‍यात डाळिंब व द्राक्षाचे...
आता तणसापासून होणार इथेनॉल उत्पादन : डॉ...भंडारा ः तणसापासून इथेनॉल निर्मिती प्रकल्प येत्या...
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...