Agriculture news in marathi Push BJP in Sangli; Kaul to Mahavikas Aghadi | Page 2 ||| Agrowon

सांगलीत भाजपला धक्का;  महाविकास आघाडीला कौल 

टीम अॅग्रोवन
मंगळवार, 19 जानेवारी 2021

ग्रामपंचायतींच्या निवडणूक निकालात राष्ट्रवादी कॉंग्रेस, कॉंग्रेस आणि शिवसेनेने आघाडी घेत भाजपला धक्का दिला आहे. पलूस-कडेगाव तालुक्यात कॉँग्रेसची, तर आटपाडी-खानापूर तालुक्यात शिवसेनेची सत्ता आली आहे. 

सांगली : ग्रामपंचायतींच्या निवडणूक निकालात राष्ट्रवादी कॉंग्रेस, कॉंग्रेस आणि शिवसेनेने आघाडी घेत भाजपला धक्का दिला आहे. पलूस-कडेगाव तालुक्यात कॉँग्रेसची, तर आटपाडी-खानापूर तालुक्यात शिवसेनेची सत्ता आली आहे. तासगाव तालुक्यात खासदार संजय पाटील यांना धक्का बसला असून, राष्ट्रवादीने १७ ग्रामपंचायती ताब्यात घेतल्या आहेत. जिल्ह्यात महाविकास आघाडीकडे कल असल्याचे चित्र स्पष्ट झाले आहे. 

सांगली जिल्ह्यातील १५२ गावांची निवडणूक झाली. पैकी नऊ गावे बिनविरोध झाली. १४३ गावांसाठी निवडणूक लागली होती. त्यासाठी १५ जानेवारीला मतदान झाले. सोमवारी (ता. १८) सकाळपासून मतमोजणी सुरू झाली. जिल्ह्यातील ग्रामपंचायतीच्या निवडणुकीसाठी अत्यंत चुरशीने यासाठी मतदान झाले होते. त्यातच राज्यातील शिवसेना, काँग्रेस आणि राष्ट्रवादी काँग्रेस या महाविकास आघाडीमुळे चित्र काय आणि कसे राहील, याची उत्सुकता होती. त्यानुसार जिल्ह्यात महाविकास आघाडीकडे कल असल्याचे चित्र स्पष्ट झाले आहे. 

कडेगाव तालुक्यातील नऊ ग्रामपंचायतीला कृषी राज्य मंत्री विश्वजित कदम आणि भाजपचे देशमुख यांच्या गटात निवडणूक झाली. मात्र, कडेगाव तालुक्यात नऊ ग्रामपंचायतींवर कॉँग्रेसचे निर्विवाद वर्चस्व तर भाजपचा धुव्वा उडाला आहे. शिराळा तालुक्‍यातील जांभळेवाडी ग्रामपंचायत निवडणुकीत आमदार मानसिंगराव नाईक गटाने ६-१ने बाजी मारून माजी आमदार शिवाजीराव नाईक व सत्यजित देशमुख गटाला धक्का दिला आहे.

बिळाशी येथे दोन भाऊंनी (आमदार मानसिंगराव नाईक व सत्यजित देशमुख) एकत्रित येऊन ११-०ने शिवाजीराव नाईक व राष्ट्रवादीच्या बंडखोर गटाला धूळ चारली आहे. पलूस तालुक्‍यात झालेल्या १२ ग्रामपंचायत निवडणुकीत नऊ ग्रामपंचायतीत कॉँग्रेसने बाजी मारली. तर ३ ठिकाणी आघाडीची सत्ता आली. भाजपला एकही जागा मिळाली नाही. भाजपला हा मोठा धक्का बसला आहे.

आटपाडी तालुक्यात शिवसेनेकडे सहा ग्रामपंचायत गेल्या असून, भाजपला पराभव पत्कारावा लागला आहे. खानापूर तालुक्यात १३ ग्रामपंचायतीपैकी ९ ग्रामपंचायतींवर शिवनेसेचे आमदार अनिल बाबर गटाची सत्ता आली. माजी आमदार सदाशिव पाटील गटाकडे तीन आणि रामराव पाटील गटाकडे एक ग्रामपंचायत आली. 

तासगाव तालुक्यात राष्ट्रवादीच्या आमदार सुमन पाटील आणि भाजपचे खासदार संजय पाटील यांच्या गटामध्ये चुरशीची लढत झाली. १७ ग्रामपंचायती राष्ट्रवादीकडे तर १२ ग्रामपंचायती भाजपकडे गेल्या आहेत. जत तालुक्यात आमदार विक्रम सावंत यांच्या गटाकडे ११ ग्रामपंचायती, तर भाजप समर्थकांनी ९ ग्रामपंचायतींवर विजय मिळविला. मिरज तालुक्यातील तुंगमध्ये सत्तांतर झाले. राष्ट्रवादी विकास आघाडीने १५ पैकी १३ जागा जिंकून सत्ता मिळवली. 


इतर ताज्या घडामोडी
सोलापुरात कोथिंबीर, मेथीच्या दरात...सोलापूर  ः सोलापूरबाजार समितीच्या आवारात...
औरंगाबादमध्ये कैरी खातेय भाव;...औरंगाबाद : आठवडाभरात जवळपास चार वेळा आवक झालेली...
नाशिकमध्ये डाळिंबांच्या आवकेत सुधारणा;...नाशिक : येथील बाजार समितीमध्ये गत सप्ताहात...
आरोग्यदायी हळद मिश्रित दूधहळदीचा वापर औषधोपचारामध्ये चांगल्या प्रकारे होते...
कोल्हापूरच्या उन्हाळी नाचणी प्रयोगाचे...कोल्हापूर/नगर : कोल्हापूर जिल्ह्यातील पन्हाळा...
केंद्र सरकार शेतकऱ्यांना आत्मनिर्भर...नागपूर : शेतकऱ्यांना संघटित करीत त्यांना देखील...
नगर जिल्ह्यात दीड लाख हेक्टरवर कांदा...नगर ः पाण्याची उपलब्धता असल्याने नगर जिल्ह्यात...
रुंद सरी वरंबा पद्धतीबाबत...जळगाव ः सुसरी (ता. भुसावळ) येथे नुकतेच जळगाव...
औरंगाबादेत बटाटा सरासरी ८०० रुपये...औरंगाबाद : येथील कृषी उत्पन्न बाजार समितीमध्ये...
हरभरा विक्रीसाठी ३७८३ शेतकऱ्यांची नोंदणीपरभणी/हिंगोली : केंद्र शासनाच्या आधारभूत किंमत (...
‘बॉयोमिक्‍स’मुळे विद्यापीठास वेगळी ओळख...परभणी ः वनस्पती रोगशास्त्र विभागातर्फे निर्मित...
केंद्र सरकारचे कृषी कायदे शेतकरी हिताचे...गडचिरोली : केंद्र सरकारने पारित केलेले कृषी कायदे...
पावसाळ्यातील भरपाईसाठी गावकरी करणार...भंडारा : तुमसर तालुक्‍यातील वैनगंगा, बावनथडी...
कोल्हापूरसाठी पाच फिरते पशुवैद्यकीय...कोल्हापूर : फिरत्या पशुवैद्यकीय दवाखान्यासाठी पाच...
वनमंत्री संजय राठोड यांचा अखेर राजीनामामुंबई : पूजा चव्हाण आत्महत्या प्रकरणात शिवसेना...
स्वतःच्या तुंबड्या भरण्यासाठी ...मुंबई : कॉँग्रेसच्या काळात आंतरराष्ट्रीय...
‘चामोली’ आपत्तीचा अन्वयार्थबर्फ वितळल्यानंतर उघडा पडलेला मातीचा भाग शेती,...
कृषी सल्ला : भुईमूग, हरभरा, मका, खोडवा...हरभरा पीक सर्वसाधारणपणे ११० ते १२० दिवसांमध्ये...
गहू कापणी, साठवणीचे नियोजनगेल्या काही दिवसांपासून थंडी कमी होत असून...
पुण्यात काकडी, फ्लॉवरच्या दरात सुधारणापुणे ः गुलटेकडी येथील कृषी उत्पन्न बाजार...