agriculture news in marathi In the quarter of a month in Marathwada Death of over 350 animals | Agrowon

मराठवाड्यात सव्वा महिन्यात ३५० वर जनावरांचा मृत्यू

टीम अॅग्रोवन
गुरुवार, 22 जुलै 2021

औरंगाबाद : मराठवाड्यात १ जून ते १९ जुलै दरम्यान नैसर्गिक आपत्तीमुळे जवळपास ३९५ लहान, मोठ्या जनावरांचा मृत्यू झाला आहे. २३ व्यक्‍तींचाही मृत्यू झाला. अतिवृष्टीमुळे अनेक भागात जमिनी खरडून गेल्या.

औरंगाबाद : मराठवाड्यात १ जून ते १९ जुलै दरम्यान नैसर्गिक आपत्तीमुळे जवळपास ३९५ लहान, मोठ्या जनावरांचा मृत्यू झाला आहे. २३ व्यक्‍तींचाही मृत्यू झाला. अतिवृष्टीमुळे अनेक भागात जमिनी खरडून गेल्या. जमिनीची प्राथमिक माहिती संकलित करण्याचे काम जिल्हास्तरावर सुरू आहे, अशी माहिती प्रशासकीय सूत्रांनी दिली.

मराठवाड्यात गत आठवडाभरात पावसाचा जोर वाढला. अनेक भागात अतिवृष्टीमुळे पूरस्थिती निर्माण झाली होती. १ जून ते १९ जुलै दरम्यान नैसर्गिक आपत्तीमुळे ३९५ लहान मोठ्या जनावरांचा मृत्यू झाला. त्यामध्ये ११९ मोठ्या, तर २७६ लहान जनावरांचा समावेश आहे. या शिवाय ओढकाम करणाऱ्या ७३ मोठ्या व १७ लहान जनावरांचाही मृत्यू झाला.

नैसर्गिक आपत्तीने अनेकांच्या शेतीपिकांचे मोठे नुकसान झाले. खरडून गेलेल्या जमिनी पुन्हा पूर्वपदावर आणण्यासाठी शेतकऱ्यांना प्रचंड कामे करावी लागणार आहेत. प्रशासनस्तरावरून नुकसानग्रस्त शेतकऱ्यांना तत्काळ आधार देण्याची गरज आहे. परभणी जिल्ह्यातील ४२ कुटुंबावर तात्पुरते स्थलांतरित होण्याची वेळ आली. यामध्ये जवळपास २५३ व्यक्‍तींचा समावेश होता. 

२८६ घरांची पडझड

मराठवाड्यातील आठही जिल्ह्यातील २८६ घरांची, गोठ्यांची पूर्णतः:, अंशतः: पडझड झाली. यामध्ये ८ कच्च्या, पक्‍क्‍या घरांची पूर्णतः:, २१ पक्‍क्‍या घरांची अंशतः: , १२६ कच्च्या घरांची अंशतः: तर ७ गोठ्यांचा नुकसानीत समावेश आहे.

२२ व्यक्‍तींचा मृत्यू

नैसर्गिक आपत्तीत २२ व्यक्‍तींचाही मृत्यू झाला आहे. त्यामध्ये पुरात वाहून गेलेल्या १०, वीज पडून मृत्यू १० व इतर २ व्यक्‍तींचा समावेश आहे. पुरात वाहून मृत झालेल्या व्यक्‍तींमध्ये परभणीतील १, हिंगोलीतील ४, नांदेडमधील ३ व उस्मानाबादमधील दोन, तर वीज पडून मृत्यू झालेल्या व्यक्‍तींमध्ये औरंगाबादमधील २, नांदेडमधील ५ तर परभणी, हिंगोली व लातूरमधील प्रत्येकी एका व्यक्‍तीचा समावेश आहे.

अतिवृष्टीमुळे ५० टक्के जमिनीचे व त्यावरील पिकांचे नुकसान झाले. नुकसानीची पाहणी करण्यासाठी अजून कुणी आले नाही. प्रशासनाने पाहणी करून नुकसानभरपाई द्यावी.
- सोनाजी लोंढे, शेवगळ, जि. जालना.
 


इतर बातम्या
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
शाश्‍वत कापूस उत्पादन तंत्रज्ञान अवगत...अकोला ः कापूस हे विदर्भातील प्रमुख पीक आहे. या...
अकोल्यात ५५ हजार हेक्टरला तडाखाअकोला ः गेल्या आठवड्यात जिल्ह्यात ५२ पैकी ३५...
रत्नागिरीत हजार हेक्टर भातक्षेत्र...रत्नागिरी : अतिवृष्टीमुळे मोठ्या नद्यांना आलेल्या...
सांगलीत ३३ हजार हेक्टर पिकांचे नुकसानसांगली : जिल्ह्यात गेल्या चार-पाच दिवसांपासून...
खानदेशात पंधरा हजार हेक्टर बाजरीची...जळगाव : खानदेशात यंदा पाऊस लांबल्याने आणि...
नाशिक बाजार समितीच्या कर्मचाऱ्यांचे...नाशिक : नाशिक बाजार समितीसंदर्भात शासनाकडे...
खानदेशात हलक्या सरी; जोरदार पावसाचा अभावजळगाव : खानदेशात यंदा पाऊसमान अद्याप कमी आहे....
नांदेड जिल्ह्यात पीकविमा योजनेत नऊ लाख...नांदेड : पंतप्रधान पीक विमा योजनेत शेतकऱ्यांनी...
मराठवाड्यातील पशुविज्ञान केंद्राचे घोडे...परभणी ः भारतीय कृषी संशोधन परिषदेने महाराष्ट्र...
परभणी जिल्ह्यात भाजीपाला पिकांची नासाडीपरभणी ः अतिवृष्टीमुळे जिल्ह्यातील शेकडो एकरवरील...
पैसे थकवणाऱ्या व्यापाऱ्यांचे लिलाव बंद...सोलापूर ः शेतकऱ्यांच्या शेतमालाच्या पट्ट्या...
पुण्यात लाख हेक्टरवर खरिपाच्या पेरण्या पुणे : जिल्ह्यात जुलै महिन्याच्या तिसऱ्या...
पीकविम्यासाठी स्वाभिमानीचा कृषी...पुणे : पीकविमा योजनेतील गेल्या खरिपाची नुकसान...
नगरमध्ये खरीप पेरण्यांनी सरासरी ओलांडली नगर : नगर जिल्ह्यात खरिपाच्या पेरण्यांनी सरासरी...
`लातूरला शेतकऱ्यांनी भरला २३ कोटीचा...लातूर : ‘‘पंतप्रधान खरीप पीक विमा २०२१...
नियमित कर्जदार शेतकऱ्यांना  मिळणार...गोंदिया : राज्य सरकारने नियमित कर्ज परतफेड...
सातारा : पाच हजार हेक्टर क्षेत्र ...सातारा : जिल्ह्यात मागील आठवड्यात झालेल्या...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
सांगलीतील पूर ओसरू लागला  सांगली : कृष्णा नदीला आलेल्या महापुराचा सांगली...