agriculture news in marathi, Questions by Farmers Producer Companies | Agrowon

शेतकरी उत्पादक कंपन्यांनी मांडले प्रश्न

टीम अॅग्रोवन
गुरुवार, 5 जुलै 2018

औरंगाबाद : जिल्हाधिकारी कार्यालयात मंगळवारी (ता. ३) झालेल्या बैठकीत औरंगाबाद जिल्ह्यातील शेतकरी उत्पादक कंपनींच्या प्रतिनिधींनी प्रश्नांना वाट मोकळी करून दिली. शेतकरी उत्पादक कंपन्यांची स्थिती, त्यांची वाटचाल, शासन, प्रशासनाकडून त्यांना अपेक्षित मदत याविषयी माहिती जाणून घेण्यासाठी नानाजी देशमुख कृषी संजीवनी प्रकल्पांतर्गत या बैठकीचे आयोजन करण्यात आले होते.

औरंगाबाद : जिल्हाधिकारी कार्यालयात मंगळवारी (ता. ३) झालेल्या बैठकीत औरंगाबाद जिल्ह्यातील शेतकरी उत्पादक कंपनींच्या प्रतिनिधींनी प्रश्नांना वाट मोकळी करून दिली. शेतकरी उत्पादक कंपन्यांची स्थिती, त्यांची वाटचाल, शासन, प्रशासनाकडून त्यांना अपेक्षित मदत याविषयी माहिती जाणून घेण्यासाठी नानाजी देशमुख कृषी संजीवनी प्रकल्पांतर्गत या बैठकीचे आयोजन करण्यात आले होते.

नानाजी देशमुख कृषी संजीवनी प्रकल्पाचे मुख्य प्रकल्प संचालक विकासचंद्र रस्तोगी यांच्या प्रमुख उपस्थितीत झालेल्या या बैठकीला जिल्हाधिकारी उदय चौधरी, नानाजी देशमुख कृषी संजीवनी प्रकल्पाचे विषय विशेषज्ञ विजय कोळेकर, नाबार्डचे अधिकारी राजेंद्र महाजन, लीड बॅंक मॅनेजर प्रदीप कुतवळ, अधीक्षक कृषी अधिकारी तुकाराम मोटे, कृषी व्यवसाय तज्ज्ञ आर. एस. नाईकवाडी, आत्माचे प्रकल्प संचालक पी. बी. आव्हाळे, जिल्हा परिषदेचे कृषी विकास अधिकारी आनंद गंजेवार, रेशीमचे सहायक संचालक दिलीप हाके, जिल्हा रेशीम विकास अधिकारी सातपुते यांच्यासह जवळपास चोवीस शेतकरी उत्पादक कंपन्यांच्या प्रतिनिधींची उपस्थिती होती.

मोठ्या प्रमाणात शेतकरी उत्पादक कंपन्यांची स्थापना झाली. स्थापना झाली असली त्यांची वाटचाल स्थापनेमागील उद्देशाप्रमाणे होत नाही. त्यामागील नेमकी कारणे कोणती, शेतकरी उत्पादक कंपन्यांचे नेमके प्रश्न काय याचा अंदाज बैठकीतून घेण्यात आला.

औरंगाबाद जिल्ह्यात एकूण ७५ शेतकरी उत्पादक कंपन्यांची स्थापना झाल्याची माहिती या बैठकीत देण्यात आली. वाटचालीची माहिती देताना गत तीन वर्षांत स्थापन झालेल्या बैठकीत सहभागी शेतकरी उत्पादक कंपन्यांच्या प्रतिनिधींनी त्यांच्या प्रक्रिया उद्योग, क्‍लिनिंग ग्रेडिंग, निर्यातीसंदर्भातील प्रयत्न, विविध उपक्रमांतून होत असलेली वार्षिक उलाढाल आदींविषयी माहिती दिली. यंत्रणा व शेतकरी उत्पादक कंपन्यांमध्ये संवाद होण्याच्या दृष्टीने या बैठकीचे आयोजन करण्यात आले होते. नानाजी देशमुख कृषी संजीवनी प्रकल्पांतर्गत कृषी व्यवसाय तज्ज्ञ आर. एस. नाईकवाडी यांनी या बैठकीच्या नियोजनात महत्त्वाची भूमिका बजावली.

बैठकीत शेतकरी उत्पादक कंपन्या मोठ्या प्रमाणात स्थापन झाल्या असल्या तरी त्यांनी वाटचाल कशी करावी याविषयी त्यांना मार्गदर्शन करण्यात यंत्रणा कमी पडल्याचे प्रकर्षाने समोर आले. शेकडो शेतकऱ्यांना एकत्र करून शेतकरी उत्पादक कंपनी स्थापन केल्यानंतर यंत्रणेकडून होणारी चालढकल, भांडवलाचे सहकार्य करण्यात बॅंकांची अनास्था, हो म्हणणे परंतु न करण्याची यंत्रणेतील वृत्ती, कर्ज मिळण्यात एनएची अडचण, मुद्रा लोन मिळावे, विजेचे प्रश्न आदींचा ऊहापोह शेतकरी उत्पादक कंपन्यांच्या प्रतिनिधींनी थेट जिल्हाधिकाऱ्यांसह प्रकल्प संचालक श्री. रस्तोगी यांच्यासमोर मांडले.


इतर ताज्या घडामोडी
दिवे लावण्यापेक्षा पंतप्रधानांनी आशेचा ...मुंबई: दिवे लावण्यापेक्षा पंतप्रधानांनी आशेचा...
विनाकारण बाहेर फिरणाऱ्यांची ओवाळली आरतीअकोला ः ग्रामीण भागात ‘कोरोना’ची धास्ती वाढलेली...
नांदेड, परभणी, हिंगोली जिल्ह्यात केळी...नांदेड : लॅाकडाऊनमुळे वाहतुकीवर परिणाम झाला आहे....
मुंबई बाजार समितीत फळांची आवक वाढली मुंबई : जीवनावश्यक वस्तूंचा योग्य पुरवठा व्हावा,...
आंब्याची वाहतूक, वितरण व्यवस्थेतील...मुंबई : एप्रिलपासून आंब्याचा हंगाम सुरू झाला आहे...
कोल्हापुरात वाहतुक बंदीचा रेशीम कोषाला...कोल्हापूर : वाहतूक बंद असल्यामुळे शेतकऱ्यांचे...
मुख्यमंत्री साहायता निधीसाठी ‘कृषी’च्या...नाशिक: कोरोना विषाणूच्या प्रादुर्भावामुळे...
खानदेशात कडब्याच्या दरांवर दबाव जळगाव : खानदेशातून परराज्यासह इतर जिल्ह्यांत कडबा...
मदत व पुनर्वसन मंत्री देणार ४० हजार...चंद्रपूर ः खऱ्या अर्थाने पालकत्वाची जबाबदारी पार...
खानदेशात धान्याची शिवार खरेदी, मार्केट...जळगाव : खानदेशात धान्याची शिवार खरेदी बंद आहे....
भंडारा बॅंक देणार १५ एप्रिलपासून...भंडारा ः ‘कोरोना’ विषाणूचा प्रादुर्भाव...
नंदुरबार जिल्ह्यात पपईची कवडीमोल दराने...नंदुरबार : लॉकडाऊनचा फटका सर्वसामान्य...
जळगाव जिल्ह्यातील बॅंका पीक कर्ज...जळगाव : जिल्ह्यात अपवाद वगळता बॅंकांनी नव्याने...
हिंगोलीत एका व्यक्तीचा कोरोना चाचणी...हिंगोली : हिंगोली येथील जिल्हा रुग्णालयात भरती...
शब-ए-बारात, डॉ. आंबेडकर जयंतीला घरुनच...मुंबईः सध्या ‘कोरोना’ने सर्वत्र धुमाकूळ घातला...
खासगी डेअरीची संकलन यंत्रणा तोकडी;...नांदेड ः ‘कोरोना’ विषाणूचा संसर्ग रोखण्यासाठी...
नाशिक बाजार समितीमध्ये केवळ लिलावाला...नाशिक : ‘कोरोना’ विषाणूच्या वाढत्या...
पुणे, मुंबईत भाजीपाल्याची घरपोच सुविधा पुणे ः शहरातील नागरिकांसाठी भाजीपाला पुरवठा...
पुसदमध्ये शेतकरी कंपन्यांतर्फे...यवतमाळ : ‘लॉकडाऊन’च्या पार्श्‍वभूमीवर पुसद येथे...
लातूर जिल्ह्यातील द्राक्ष उत्पादक...चापोली, जि. लातूर : ‘कोरोना’चा फैलाव...